Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Dantza-jauziak, edo erdizka bat egiteko mila manera

Dokumentuaren akzioak

Dantza-jauziak, edo erdizka bat egiteko mila manera

2010/07/07 16:20

Dantza-jauzien sistema eta estilora bidaia egin genuen 2010eko uztailaren 3an Dantzagunean. Baionatik Claude Iruretagoiena etorri zitzaigun goizean eta Itsasutik (Bordelen bizi bada ere gaur egun) Xabier Itzaina. Bien artean, dantza-jauzien mundura bidaia gidatu zuten, eta dantza errepertorio atsegin eta eskeronekoa izateaz gain, dantzatzeko hainbat estilo eta xehetasun daudela (eta gehiago izan direla) ikasteko aukera izan genuen.

Dantza-jauziak - Dantzan Ikasi 2010 006

Claude Iruretagoienarekin jardun genuen goiz partean. Pierre Beteluren ikaslea izan zen Claude, baina ondoren han eta hemen ibili da garai bateko dantzariekin ikasten, eta Amikuzeko bailaran molde zaharrean dantza egiten zuten dantzariekin ikasteko aukera izan zuen. Berpizkundeko dantzak ikasten aritu izan da eta horrek dantza-jauzien sistema hobeto ulertzeko gakoak eskaini dizkio.

Dantza-jauziak - Dantzan Ikasi 2010 024

Branleak eta dantza-jauziak, pavanak eta martxak, dantza sistema ulertzeko argibideak eman zizkigun Claude Iruretagoienak, eta baita horietan oinarrituta dantza-jauziak dantza egiteko estilo gomendio batzuk ere: pultsoa, gorputzaren jarrera, erdiarekiko begirunea, e.a. Amikuzen hartutako zenbait irudi ikusi genituen ahoz adierazten zuenaren argigarri. Estilo aldetik toki batetik bestera dauden ñabardurak eta aldaerak ere aurkeztu zizkigun, eta hori guztia buruan dantza-jauzi batzuk egiteko aukera izan genuen.

Dantza-jauziak - Dantzan Ikasi 2010 026

Bazkalostean Xabier Itzainaren txanda izan zen. Itzaina itsasuarra da eta bere inguruko dantzakera landu du batez ere, baina arratsaldeak aurrera egin ahala konprobatu genuen Lapurdi, Nafarroa Beherea eta Zuberoako dantzakerak ezagutzen dituela. Dantza-jauzien inguruan bildua duen dokumentazioaren laburpen txiki bat egin zuen lehenik eta behin. Dantza-jauzien kontestuak zeintzu izan diren, eta XX. mendean maiz egin ziren dantza primakak edo lehiaketak aipatu zituen. Lehiaketa horien bilketa lana egina du, eta zein jauzi eta zein dantzari aritzen ziren jakiteko aukera izan da horri esker.

Dantza-jauziak - Dantzan Ikasi 2010 035 Dantza-jauziak - Dantzan Ikasi 2010 031

Lapurdiko barnekaldean dantza-jauziak egiteko erabili izan den dantza estiloa landu genuen saio praktikoan. Txirula eta ttun-ttuna atera eta emandako argibideei jarraituz dantza jarri gintuen Xabier Itzainak. Bukatzeko, kabalkada eta Besta Berrietako martxak eta inauterietako kaskarot martxak egin genituen, dantza-jauzien estiloan eragina izan duten dantzak baitira.
Dantza-jauziak - Dantzan Ikasi 2010 042

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com



Hurrengo saioak
2018
 

Mikel Alberdi: Iztuetatik Mañé y Flaquereraino, XIX. mendeko euskal aisiari begirada // Kronika
Thierry Truffaut: Lapurdiko inauterien lehena eta oraina, kontserbazioa eta modernizazioa // Kronika
Arantzako dantza-luzea // Kronika

 

Egindakoak
2017
 
Patxi Perez: Mutxiko dantzaldien bilakera aztergai // Kronika
Hirunangoak: balsa, mazurka, fandangoa eta ingrutxoak // Kronika 
Makilaria // Kronika 
Rapper ezpata-dantzak // Kronika  
Berastegiko San Juan dantzak // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015

Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan.com elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa