Dokumentuaren akzioak
Euskal dantzen 2500 grabazio digitalizatu, katalogatu eta kontsultagarri ipini dira
Dantzan
Bolant eguna, Luzaide, 1995-04-16. Irudia: IDB
Hogeita hamaika dantza talde, erakunde eta norbanakoren euskal dantzako ikus-entzunezko bildumak digitalizatu dira 2015-2022 urteetan eta orain kontsultagarri daude Eresbilen katalogo orokorrean eta Bilgunean. Guztira, euskal dantzari buruzko ia 2500 dantza-bideo-grabazio katalogatu eta digitalizatu dira.
”Bolant eguna” (Luzaide, 1995/04/16) Zazpi jauzi Sig.: IDB01-016_11
Zinta horiek Sincro ekoiztetxeak digitalizatu ditu eta Dantzan-ek inbentariatu, trackeatu eta katalogatzeko deskripzioak egin ditu. Jasotako informazio hori katalogo bateratu batean jaso du orain Eresbilek eta material hori aztertu du Emilio Xabier Dueñasek. Digitalizatutako ikus-entzunezko ondare horren inguruko txostena eskuragarri dago Eresbilen hainbat grabazio-zatirekin osatuta. Hemen Dueñasek eginiko azterketaren atal nagusiak:
- Sarrera
- Euskal tradizio koreografikoa
- Dantza: zinematik bideora
- Jaialdiak eta hainbat emanaldi
- Alardeak eta anaitasuna
- Sorkuntzak eta muntaiak
- Lehiaketak eta txapelketak
- Ezagutzaren transmisioa
Euskarriak, Lagatzaileak eta Iturriak
Gure Kai D. T. (Deba, 1986/08/16) San Roke Dantza Sig.: IKE01-019-01_01
Dantza grabazioen erreskatea
Duela zenbait urte Euskal Filmategiak ohartarazi zuen ikus-entzunezko euskarri magnetikoen bizi-iraupen laburra zela eta 1970, 1980 eta 1990eko hamarkadetako bideo-grabazioak hondatzen ari zirela. Dantza talde, erakunde zein norbanakoek garai haietako grabazio zituztela jakinda, Eusko Jaurlaritzaren Kultura Sailak ikus-entzunezko horiek denborarekin guztiz hondatuta geratu aurretik digitalizatu eta babesteko plana onartu zuen. Horrela, Eresbilen zuzendaritzapean Sincro ekoiztetxeak egin ditu digitalizazio lanak eta Dantzan elkartea aritu da bilketa eta dokumentazio lanetan.
“Ochomayos” (Urduña, 1992/05/09) Entradillas Sig.: ITS01-028-01_12
Azken zortzi urteetan 31 bilduma digitalizatu eta dokumentatu dira, 5 erakundeenak, 17 dantza taldeenak eta 9 norbanakoenak. Zehazki honako bildumak digitalizatu dira 2015-2022 urteetan:
Erakundeak: Ikerfolk, Arabako Dantzarien Biltzarra, Gipuzkoako Dantzarien Biltzarra, Iparraldeko Dantzarien Biltzarra, Dantzan.eus.
-
Dantza taldeak: Haritz (Elgoibar), Kezka (Eibar), Gure Kai (Deba), Mendi Alde (Santurtzi), Aurtzaka (Beasain), Elai Alai (Portugalete), Oñatz (Oñati), Duguna (Iruñea), Itsas Alde (Bakio), Maritzuli (Baiona-Biarritz), Goizaldi (Goizaldi), Indarra (Gasteiz), Trebeska (Donostia), Begiraleak (Donibane Lohizune), Itxas Argia (Getxo), Andra Mari (Galdakao) eta Oinak Arin (Beskoitze).
-
Norbanakoak: Ander Barrenetxea, Jexux Larrea (Ikerfolk), Felipe Amutxastegi, Patxi Laborda, Jaime Albillos, Xabier Etxabe, Josu Agirre, Lisa Korkostegi eta Eric Bouvier.
Informazioa: Dantzak oroitzapeneko irudiak
Dokumentuaren akzioak
Erantzun
Dantzan
Dantzan elkartea 2002an sortu zen dantzan.eus (dantzan.com hasieran) kudeatzeko. Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, adibidez:
- Formazioa. Euskal dantza irakasleen formaziorako jarduerak antolatu eta eskaintzen ditugu Gipuzkoako Foru Aldundiaren Dantzan Ikasi programaren bidez.
- Kudeaketa. Gipuzkoako Dantzagunearen kudeaketan parte hartzen dugu Dantzaz elkartearekin eta Eragin enpresarekin batera osatzen dugun Ondare2.0 Aldi Baterako Enpresa Elkartearen bidez.
- Dokumentazioa. Euskal dantzaren artxibora begira euskal dantzaren milatik gora bideo-zinta digitalizatu eta dokumentatu ditugu.
- Ondare immateriala inbentariatzeko lanetan euskal dantzen fitxak egiten parte hartu dugu Zatak elkartearekin lankidetzan.
- Hitzaldiak. Euskal dantza eta kultura tradizionalaren inguruko hitzaldiak eskaintzen ditugu.
- Dantza ekitaldiak. Hainbat dantza ekitaldiren antolaketa eta kudeaketan parte hartzen dugu, hala nola Gipuzkoako Urrezko Dominaren ezpata-dantza Gipuzkoako Diputazioaren eskariz eta Ikerfolk elkartearekin elkarlanean edo Gaztemundu Dantzan programa, Eusko Jaurlaritzaren enkarguz, besteak beste.
- Aholkularitza. Dantzarekin lotutako aholkularitza, informazio eta dokumentazio zerbitzua eskaintzen dugu, bai emailez, bai telefonoz (943 53 04 40), bai Eibarren (Ubitxa 16 behea) dugun bulego nagusian.
- Komunikazioa. Dantzanen jarduerak oihartzuna du beste eremu eta medioetan, eta besteak beste Irulegi irratiarekin lankidetzan aritzen gara dantza-kontuan uhinetan zabaltzen.
- Dantzan. Dantzan elkartea 2020an: dantza sustatu eta hedatzeko lanak
- Marka. Dantzan markaren irudiak eta logoak.
- Dantzan.eus. Azken berrikuntza teknikoak eta aldaketak webgunean.
Dantzan
Ubitxa 16-18, behea // 20600 Eibar (kokapena)
+34 943 53 04 40
dantzari@dantzan.com
