Dokumentuaren akzioak
Dantzan bizi gara, Dantzan-en marka berria
Dantzan
Dantzan bizi gara, 2022.
2022an Dantzan-en marka berritzeko prozesua egin dugu. Tandem enpresako Erkuden Mendizabal gure markaren jatorria, oinarriak eta irudi ereduak aztertuz logoa eta horri lotutako diseinuak garbitzen eta berdiseinatzen joan da. Diseinu berriek Dantzan-en markaren 20 urteko ibilbidearen oinarriei jarraipena ematen diete eta webgunean aplikatzeko CodeSyntax-eko Zaloa Etxaniz disenaitzaileak egin ditu egoitzapenak Mikel Larreategi informatikariarekin lankidetzan.
Orain 20 urte CodeSyntax-eko Maite Rementeria diseinatzaileak ezarri eta Gari Araolaza ingeniariak eraikitako webgunearen egituran aplikatu ziren oinarriak, ondoko urteetan Zaloa Etxanizek garbitu eta eguneratu zituenak, indarrean darraite: kabriola egiten ageri diren bi oinak logoan eta kolore gorriaren, zuriaren eta beltzaren arteko konbinazioa, Dantzan-en identitatearen parte direnak.
Dantzan bizi gara marka
Ezaugarriak
- Lema: Dantzan bizi gara.
- Tipografia: El Messiri.
- Koloreak: zuria, gorria (Pantone 186 C), eta beltza (%95).
- Png formatoan transparentziarekin.
Dantzan markaren egokitzapenak
Irudietan klik egin png-ak eskuratzeko.
Dantzan logo garbia
Irudietan klik egin png-ak eskuratzeko.
Dokumentuaren akzioak
Erantzun
Dantzan
Dantzan elkartea 2002an sortu zen dantzan.eus (dantzan.com hasieran) kudeatzeko. Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, adibidez:
- Formazioa. Euskal dantza irakasleen formaziorako jarduerak antolatu eta eskaintzen ditugu Gipuzkoako Foru Aldundiaren Dantzan Ikasi programaren bidez.
- Kudeaketa. Gipuzkoako Dantzagunearen kudeaketan parte hartzen dugu Dantzaz elkartearekin eta Eragin enpresarekin batera osatzen dugun Ondare2.0 Aldi Baterako Enpresa Elkartearen bidez.
- Dokumentazioa. Euskal dantzaren artxibora begira euskal dantzaren milatik gora bideo-zinta digitalizatu eta dokumentatu ditugu.
- Ondare immateriala inbentariatzeko lanetan euskal dantzen fitxak egiten parte hartu dugu Zatak elkartearekin lankidetzan.
- Hitzaldiak. Euskal dantza eta kultura tradizionalaren inguruko hitzaldiak eskaintzen ditugu.
- Dantza ekitaldiak. Hainbat dantza ekitaldiren antolaketa eta kudeaketan parte hartzen dugu, hala nola Gipuzkoako Urrezko Dominaren ezpata-dantza Gipuzkoako Diputazioaren eskariz eta Ikerfolk elkartearekin elkarlanean edo Gaztemundu Dantzan programa, Eusko Jaurlaritzaren enkarguz, besteak beste.
- Aholkularitza. Dantzarekin lotutako aholkularitza, informazio eta dokumentazio zerbitzua eskaintzen dugu, bai emailez, bai telefonoz (943 53 04 40), bai Eibarren (Ubitxa 16 behea) dugun bulego nagusian.
- Komunikazioa. Dantzanen jarduerak oihartzuna du beste eremu eta medioetan, eta besteak beste Irulegi irratiarekin lankidetzan aritzen gara dantza-kontuan uhinetan zabaltzen.
- Dantzan. Dantzan elkartea 2020an: dantza sustatu eta hedatzeko lanak
- Marka. Dantzan markaren irudiak eta logoak.
- Dantzan.eus. Azken berrikuntza teknikoak eta aldaketak webgunean.
Dantzan
Ubitxa 16-18, behea // 20600 Eibar (kokapena)
+34 943 53 04 40
dantzari@dantzan.com
