Hemen zaude: Hasiera Komunitatea Dantzan Ikasi Ikastaroa: Kontra-dantzen sistema

Dokumentuaren akzioak

Ikastaroa: Kontra-dantzen sistema

2016/11/03 10:45

Ezagunak zaizkigu kontra-dantzak euskal dantzetan. Baina nola sortu ote ziren? Zein bilakaera izan zuten? Gurean nola eta noiz txertatzen dira? Behar bezala identifikatzen ote ditugu? Galdera hauei erantzuna eman asmoz, kontra-dantzen sistemaren oinarria ezagutzeko ikastaroa antolatu dugu oraingoan. Kontradantzak 1

XVIII. mendean Europan barrena izugarrizko arrakastaz hedatu ostean, gurera ere iritsi eta haien lekua aurkitu zuten; luzaroan gelditzeko etorri ere, gure dantzetan txertatuz, moldatuz edota dantza berriak sortaraziz. Luzaiden ezagunak diren nabarmen kontra-dantzak, dantza molde honek gurean izan zuen eraginaren adierazle dira, baina baita Gipuzkoako arku-dantza edo kaskarots dantzak, eta zer esanik ez agertokietarako sortutako kadrile berriagoak.

Kontradantzak 2

Hiru atal nagusi izango ditu ikastaroak:

  • "Country dance"ak historian zehar: kontra-dantza europar dantzaren historiaren parte garrantzitsua da. Zein izan ote da bere jatorria? Noiz eta nola zabaltzen da eta zein eragin izan ote du Europan, bereziki Frantzian, eta azkenean Euskal Herriko dantzetan?
  • "Country dance"etatik "Quadrille"etara : Kontra-dantzaren sistema aztertuz gero, kontra-dantzak eta gure kadrileak nola eraikiak daude?
  • Kontra-dantzak gure dantzetan: Maritzuli konpainiak egindako gai honen inguruko lanetan oinarrituz, zein dira gure gaur egungo dantzetan ikus ditzakegun kontra-dantzak ekarritako mugimendu eta koreografiak? 

Kontradantzak 3
Maritzuli, Nundik nora. Argazkia: Iñaki Zugasti - dantzan.eus CC BY-SA

Ikastaroa: Kontra-dantzen sistema

Irakaslea: Claude Iruretagoiena eta Jon Iruretagoiena
Datak: 2016ko azaroak 19, larunbata.
Ordutegia: 10:00-13:00
Lekua: Besaingo Antzizar Kiroldegia (Igartza Oleta,3)
Matrikula: 15€

Izen-ematea: ikastaroa bete egin da!

Sentitzen dugu, ikastaroa bete egin da! Dena dela interesaturik jarraitzen baduzu azken unean lekurik libratzen bada ala beste egunen batean beste txandarik sortuko balitza egiteko, sartu ondoko loturan eta utzi zure datuak

Erreserbarako izen-emateko egin klik hemen

Claude Iruretagoyena 2010
Claude Iruretagoiena. Argazkia: Felipe Loyola - Dantzan.eus CC BY-SA

Claude Iruretagoiena (Baiona, 1960) 

Betti Beteluren ikaslea, Juan Antonio Urbeltz-ekin sakondu zuen irakaskuntza, eszenaratze eta koreografia tekniketan. Zortziko eta Alakiketan ikuskizunetan parte hartu zuen, eta 1992an bere lehen lana, Xirula Mirula plazaratu zuen. Eskualde desberdinetako dantza-maisuekin euskal dantza tradizionalaren errepertorioaren ezagutzan sakondu zuen. Horrekin batera, Biarnoko branleak, schottish, polkak edota Gaskuinako dantzak ikasi zituen. 1995ean Pier Pol Berzaitz-ek sortutako Elkanoren semeak ikukizun musikala eszenaratu eta koreografiatu zuen. Suitzako Nomades-LE Loft Vevey konpainiarekin Courrier du Pacifique ikusgarria landu zuen. Jantzi tradizionalak eta historikoak egiten ditu Irulea elkartearen baitan. Hamaika ikastaro eman ditu eta EDBren dantza irakaslea izana da. Besteak beste Argia-Ikerfolk, Malandain Ballet Biarritz, Biarritz Culture, Garazikus, Institut Culturel du Pays basque eta Iparraldeko Dantzarien Biltzarrarekin egin ditu lankidetzak. Berak zuzentzen duen Maritzuli konpainiarekin hainbat ikuskizun taularatu ditu: Ixtorio Mixtorio (1996), Ingura Mingura (2000), Côté Cour... Côté Jardin... (2004), Kutx ala Pil? (2005), Aurrez aurre (2009).  

Jon Iruretagoiena (Baiona, 1985) 

Jon Iruretagoiena 2015 - OA 30
Jon Iruretagoiena. Argazkia: Oier Araolaza - dantzan.eus CC BY-SA
Maritzuli konpainiako dantzaria, dantza-maisua da gaur egun Jon Iruretagoiena. Beskoitzeko Oinak Arin eta Ahurtiko Ortzadar taldeetan aritu zen dantzan ume zelarik, eta 1996tik gerora Ixtorio Mixtorio taldean hasi eta horren ondorengo den Maritzuli konpainian dihardu. Donostiako Argia dantzari taldean ere aritzen da. Claude Iruretagoiena, Bruno Delavigne eta Iñaki Arregi izan ditu dantza-maisu. Hainbat dantza ikusgarritan aritu da bere ibilbidean. Maritzulirekin Ixtorio Mixtorio, Ingura-Mingura, Côté cours... Côté Jardin, Dantzama, Kutx ala pil edo Aurrez aurre ikuskizunetan dantzari aritu da besteak beste, eta Argiarekin Axeri Boda, Axuri Beltza eta Aunitz Urtez-en. 2012ean Maritzulik estreinatu duen Ixtorio Mixtorio (II) ikusgarrian koreografia eta dantza-maisu lanak egin ditu. Zuberoako dantzaren historia ikertu du eta horren inguruko zenbait hitzaldi eskaini ditu, eta horren azken emaitza da esku tartean darabilten Nundik Nora ikuskizuna: Luis XIVa errege dantzariaren ekarpenetatik abiatuta, gaur egungo Zuberoako dantza eta dantzakerara eraman nahi gaituen lan interesgarria.

Izen-ematea: ikastaroa bete egin da!

Erreserbarako izen-emateko egin klik hemen

----------------------------------------------------------------------------------

Dantzan Ikasi (dantzanikasi.com), dantza tradizionalaren irakaskuntzan dihardutenen formaziorako Gipuzkoako Foru Aldundiak abian jarritako ekimena da. Ikastaro hau, Gipuzkoako Foru Aldundiaren eta Beasaingo Udalaren laguntzarekin, Ostadar eta Aurtzaka dantza taldeekin koordinatuta, Gipuzkoako Dantzagunearen babesean, eta dantzan.com-ek kudeatuta antolatu da.

Beasaingo udaleko logoaGipuzkoako Foru Aldundia

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ikastaroa: Kontra-dantzen sistema

Argazkia: Kutxa Fototeka.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com



Hurrengo saioak
2017
 
Patxi Perez: Mutxiko dantzaldien bilakera aztergai // Kronika
Hirunangoak: balsa, mazurka, fandangoa eta ingrutxoak // Kronika 
Makilaria // Kronika 
Rapper ezpata-dantzak // Kronika  
Berastegiko San Juan dantzak // Kronika 



Egindakoak
2016

Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015

Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan.com elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa