Hemen zaude: Hasiera Komunitatea Dantzan Ikasi Floretak eta campanelak, Gipuzkoako dantzen aurrekarien arrastoan

Dokumentuaren akzioak

Floretak eta campanelak, Gipuzkoako dantzen aurrekarien arrastoan

2016/05/23 08:00

Ezin azaldu ahoz ez idatziz zer zerikusi duten XVII. mendeko Maestros de Danzar delakoen dantza sistemak eta Gipuzkoako dantzenak. Bizi egin behar da, dantzatu hori barneratzeko, jakina baita dantzak eta hitzek elkar osatzen dutela, baina ez elkar ordezkatzen. Batek baino gehiagok galdetuko zion bere buruari ea Carles Más eta Frances Tomas Panxito, Kataluniatik etorritako dantza-maisu eta musikariak Gipuzkoako Dantzei buruzko ikastaroaren erdian zer egiten ote zuten. "Gipuzkoako dantzak II: Berpizkundeko dantza-maisuen sistema" ikastaroan parte hartu zutenek ongi ulertuko zutela espero dugu. 

Carles Mas eta Frances Tomas Panxito 2015
Carles Mas eta Frances Tomas Panxito, Dantzan Ikasin, Dantzagunean 2015-12-19. Argazkia: Josu Garate - Dantzan CC BY-SA

Dantza sistema zahar bat

Dantzan irakasteko sistema zahar eta izugarri aberats bat ekarri zigun Carles Mas-ek Dantzan Ikasira. XVI. mendean Frantzian eta Italian, eta XVII. mendean baita Espainian ere, indar eta hedapen handia izan zuen dantzan sistema. Musikari eta dantza-maisua den irakasleak, gorputzaren eta dantzaren ezagutza sakonetik abiatuta, zehatz, argi eta atsegin dantzaren oinarriak transmititzen dituen sistema dastatzeko aukera izan genuen.

Carles Mas - Dantzan Ikasi 2015 160
Carles Mas Dantzan Ikasin, Dantzagunean 2015-12-19. Argazkia: Josu Garate - Dantzan CC BY-SA

Sistema oso eta borobila ageri zitzaigun begi aurrean, historian ondotik etorri zen dantza klasikoaren aurrekoa, eta horren beharrik gabe dantza disziplina oso eta buruaskitzat agertzen zuena. Sistema horretan gure Gipuzkoako, Zuberoako eta beste errepertorio batzuekin antzekotasunak behin eta berriz agertu zitzaizkigun, irakaskuntza metodoari dagozkionak, dantza eraikitzeko teknikari dagozkionak, dantza transmititzeko moduari dagozkionak eta urratsei dagozkien antzekotasunak ere bai.

Xumetasun hau gu gara

Horrekin batera, begi aurrean aurkezten zitzaigun sistema oso eta borobilaren aurrean, gure dantzetan ditugunak, jatorri berekoak izan daitezkeen dantza moldeen aztarna xumeak direla sumatu genuen. Berpizkundeko dantza-maisuen sistemaren aldean, xumea antzeman genuen euskal dantzaren sistema, baina Maestros de danzar entsutetsuen sistemaren aurrean, balio berezia eta konparaezina duena, hark ez bezala, gureak, bere xumetasunean bada ere, baina ahoz aho transmititu eta gaurdaino bizirik nahiko kaltetuta eta deformatuta, dena esan behar bada iraun duelako.

Carles Mas - Dantzan Ikasi 2015 187
Carles Mas, Dantzan Ikasi, Dantzagunea, 2015-12-19. Argazkia: Josu Garate - Dantzan CC BY-SA

Folias eta Españoleta

Poliki-poliki planta, floretas, bazios, quatropeados, cabriolas, rompidos, carrerillas, reverencias cortadas, sacudidos edo campanelas izeneko urratsak ikasten joan ginen Carles Mas-en eskutik, eta horien arteko konbinazioak osatuz mudanzak lehenengo eta mudanzen bidez Folias eta Españoleta dantzak osatzeko aukera izan genuen. Eguerdirako ohartuta ginen dantza exijenteak zirela esku artean genituenak, eta gorputzaren nekea eta buruarena pilatuta, nahikoa lan izan genuen arratsaldeko saioan Panxitoren musikari jarraitzen.

Carles Mas - Dantzan Ikasi 2015 talde argazkia
Carles Mas-ekin ikastaroa Dantzan Ikasin, Dantzagunea, 2015-12-19. Argazkia: Josu Garate - Dantzan CC BY-SA

Ikastaro laburra izan zen gorputzak eskainitako guztia barneratu ahal izateko, baina nahiko eta sobera Gipuzkoako dantzen jatorriari buruz ditugun zenbait mito hautsi eta gure dantza-sistemaren eta maisuen genealogiaz dugun ikuspegietan arrakala sakon bat eragiteko.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Floretak eta campanelak, Gipuzkoako dantzen aurrekarien arrastoan

Carles Mas-en ikastaroa Dantzan Ikasin, Dantzagunean 2015-12-19. Argazkia: Josu Garate - Dantzan CC BY-SA

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com



Hurrengo saioak
2017
 
Patxi Perez: Mutxiko dantzaldien bilakera aztergai // Kronika
Hirunangoak: balsa, mazurka, fandangoa eta ingrutxoak // Kronika 
Makilaria // Kronika 
Rapper ezpata-dantzak // Kronika  
Berastegiko San Juan dantzak // Kronika 



Egindakoak
2016

Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015

Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan.com elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa