Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Ikastaroa: Goierriko dantzak

Dokumentuaren akzioak

Ikastaroa: Goierriko dantzak

2009/04/14 14:39
Goierriko dantzak
Mikel Sarriegi

Data: Irailak 26,  larunbata
9:30 – 10:30 Goierriko dantzak historian eta egutegian
10:30 – 13.30 Goierriko dantza sorta bat
Lekua: Arteleku (Kristobaldegi, 14. Txomin Enea, Donostia)
Ikastaroaren prezioa: 15 €

Goierriko zenbait dantza

Gipuzkoako dantza tradizioa anitza da eta, ondorioz, herri eta auzo bakoitzean besteengandik bereizten dituen ezaugarri bereziekin ospatzen dira jai eta tradizioak. Goierrin, eta bereziki Goierri behealdean, aurkitu dezakegun dantza-ondarea aztertu eta ezagutzera emango dugu: bai gaur egun eskualdeko tradizioan bizirik dirauten dantzak (ezpata-dantzak, soka-dantzak...), bai orain gutxi-asko galdu ala desagertu direnak eta berreskuratze bidean dauzkagunak (inauteria, dantza-jolasak, erromeria...).

Abiapuntua, aurretik eskainitako saio teoriko batek osatuko du: Goierriko dantzen inguruko datu historikoen eta dokumentazioaren laburpena; eta gaur egun egiten diren dantza tradizionalak eta egutegia. Ondoren, dantza sorta bat azaldu eta erakutsiko dugu, era praktikoan. Besteak beste: dantza-maisuen taula goierritarra, Loinazko ezpata-dantza eta banderaren agurra, Ordiziako ezpata-dantza eta ezpata zubiak, Goierriko soka-dantzen inguruko xehetasunak eta Sarian-zunzun sorgin-dantza.

Mikel Sarriegi Etxezarreta (Beasain, 1965)
Beasainen bertan herriko tradiziozko dantza-sokan 1972an hasi zuen bere dantzari ibilbidea; 1974an Salleko Adiskideak dantza taldean sartu zen; eta 1979an, Aurtzaka dantza taldea sortu zenetik, bertako partaidea da gaur egun arte. Raimundo Gamayo, Martin Iraola eta Jesus Mari Garate dantza-maisuekin ikasia. 1983-1989 bitartean, Madrileko Euskal-Etxeko dantza taldean dantza-maisua izan zen, eta 1990etik hona, Beasaingo Aurtzaka antza taldeko dantza-maisu eta zuzendaria da. Beste sari askoren artean, zazpi aldiz Euskadiko Gipuzkoar Aurresku Txapelduna (1984-1991 bitartean).

Aurtzaka dantza taldearekin Euskal Herriko eta Nazioarteko hainbat jaialdi eta ekitalditan aritua. Noizbehinkako partaidetzak izan ditu Donostiako Argia, Ordiziako Jakintza eta Beasaingo Ostadar dantza taldeekin. Eibarko Arrateko Amaren Dantzarien Kofradiako Ohorezko kidea da, eta Igartzako dantzarien Kofradiako bultzatzailea. Aurreskulari gisa, parte hartua da, besteak beste: "Lyongo Dantzaren 5. Biurtekoan" (1992); Cubako "La Habanako 11. Nazioarteko Ballet Jaialdian" (1988, J.A. Urbeltz-en eskutik); Italiako "Reggio Emiliako Espainiar Dantzaren Galan" (1988).

Zuzendari eta Koreografia lanetan, beste hainbat neurri txikiko sorkuntzez aparte, “Dantza Berriak, Doinu Berriei Jarriak” (1996) eta “Goierriko” (2004) dantzen ikuskizunen egilea da. Joan den hamarkadan zehar, Goierriko Agintarien soka-dantzak berreskuratzeko lanetan aritu zen Ikerfolk elkartea eta eskualdeko taldeekin elkarlanean. Azken hamarkada honen hasieran Goierri Behealdeko dantzen azterketa hasi zuen, eta hauen zabalkunderako lanetan dabil egun, dela argitalpenetan (“Dantza Beasainen. Aurtzakak 25 urte” liburuaren koordinatzaile, eta idazle lan-taldean, 2004), dela hitzaldietan (“Soka-dantzak Zerainen”, 2008), nola ikastaroetan (Argentinako hainbat Euskal-Etxe, 2006) edota Goierriko dantzen ikuskizunarekin berarekin (2004-2008). 


Ikastaroetan izen-ematea

Betebeharrak
  • Gutxieneko adina: 16 urte.
  • Dantzari eskarmentua izatea.
  • Leku mugatua. Antolatzailearen esku geratzen da onarpen eskubidea. Dantza irakasleek izango dute lehentasuna.
Izen-ematea
Emailez: Bidali mezu bat ikasi@dantzan.com helbidera honako datu hauekin:
• Izen-abizenak
• Jaioturtea
• Tfnoa.
• Emaila
• Herria
• Posta-kodea
• Zure dantzari jarduera zein den adierazi
• Dantza irakaslea bazara non diharduzun adierazi
• Zein ikastarotan eman nahi duzun izena

Postaz: Izen emateko txartela behar bezala bete, eta Dantzan Ikasira bidali (Dantzan Ikasi. 513 Posta Kutxatila. 20600 Eibar)

Izen-emateko epea:
Irailaren 12a baino lehen.

Ordainketa:
Behin ikastaldian onartua izan zarela ziurtatzerakoan, matrikularen zenbatekoa  Kutxako 2101 0381 07 0001329473 zenbakidun kontu korrontean diru-sarrera egin eta ziurtagiria ikastaro egunean eraman.

Informazio gehiago
Dantzan Ikasi
ikasi@dantzan.com
Tfnoa. 943 53 04 40

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com

__ __ __

Dantza irakasleen lan-poltsa

 

Hurrengo saioak

 

Egindakoak

2023

Ikastaroa: Dantzan irakasteko baliabideak Eibar // Kronika

Ikastaroa: Aragoiko jota // Bertan behera

2022

Aurkezpena: Euskal Herriko plazetarako dantza berriak // Kronika

Ikastaroa: Haurrekin dantzan jolasteko baliabideak // Kronika

Dantzan Ikasi Topaketak 2022 // Kronika

Hitzaldi dantzatua: Jon Olazkuaga: Pamperruque // Kronika

Ikastaroa: Dantzan irakasteko baliabideak Eibar I // Beasain // Eibar II // kronika // Bideoa

2021
Sorkuntzaren bideak: Argiaren Martin Zalakain // Kronika // Bideoa
Topaketak 2021: Dantzaren transmisioa, proposamenak eta lanketak // Kronika
Maialen Araolaza: Dantzaren onurak // Bideoa
Oier Araolaza: Genero-identitate euskal dantzan II // Bideoa II
2020
Ikastaroa: Lau urrats eta kitto!  // Kronika
Oier Araolaza: Genero-identitate euskal dantzan I // Bideoa I
Ikastaroa: Dantzan irakasteko baliabideak // Bertan behera
Gaskoiniako herri-dantzak // Kronika
2019
Gogoeta saioa: Sorkuntzaren soka // Kronika
Bisita-dantzatua Patxi Labordarekin // Kronika
Urbeltz, Arregi, Sarriegi: Soka-dantza // Kronika I, Kronika II, Kronika III
Lantzeko zortzikoa Bizkai Elkartea // Kronika
Gaskoiniako herri-dantzak // Kronika
Ibis Albizu: Euskal dantza eta balleta // Kronika
Dantza-luzeak Carles Mas // Kronika
2018
Zuberoako dantzakera // Kronika
Arantzako dantza-luzea // Kronika
Thierry Truffaut: Lapurdiko inauteriak // Kronika
Mikel Alberdi: XIX. mendeko euskal aisia  // Kronika
2017
Berastegiko San Juan dantzak // Kronika
Rapper ezpata-dantzak // Kronika  
Makilaria // Kronika 
Hirunangoak: balsa, mazurka, fandangoa eta ingrutxoak // Kronika 
Patxi Perez: Mutxiko dantzaldien bilakera aztergai // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015
Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa