Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Dantzan Ikasi Topaketak: Dantzaren transmisiorako lanketa eta proposamenak

Dokumentuaren akzioak

Dantzan Ikasi Topaketak: Dantzaren transmisiorako lanketa eta proposamenak

2021/03/30 17:35
Dantzan Ikasi Topaketak: Dantzaren transmisiorako lanketa eta proposamenak

Beñat Elgoyhen bere ikasleekin, Atharratze

Dantzan Ikasi Topaketak: Dantzaren transmisiorako lanketa eta proposamenak

Data: 2021eko maiatzak 8, larunbata
Ordutegia: 9:30 – 17:30
Lekua: Dantzan-Biharrian (Ubitxa 16-18 Eibar)
Prezioa: doakoa, plaza mugatuak!
Izen-ematea: Izena emateko egin klik hemen

Ez dira gutxi euskal dantzaren inguruan lanean dabiltzanak, eta ez dira gutxiago lanketa horien heldulekuak. Hizkuntza koreografikoa, errepertorioa, historia, ondarea, testuingurua, osasuna, aisialdia... profesionalki nahiz ―batez ere― amateurismoaren eskutik, dantza talde, musika eskola, herri ekimen, elkarte edota lagunartean asko dira, askotarikoak eta batez ere ezkutukoak eta isolatuak, gure dantzaren transmisioari egindako ekarpenak. Transmisioaren proposamen, hausnarketa, eta esperientzia horien guztien elkartrukerako gune eta une izan nahi du Dantzan Ikasi Topaketak.

Transmisioaren bidegurutzea

Izan ere, tradiziozko dantzek izatean daramate transmisioa, hitzek elkarri esanahia eta zentzua ematen baitiete. Gizartea aldatuz joan ahala, tradizioak testuinguru berriak bilatu behar izan ditu, dantzak bereziki: funtzio berriak, modu berriak, hartzaile berriak... Berezko transmisioaren aukera aspaldi da ia guztiz desagertu zela, eta, beraz, euskal dantzen irakasleen ardura eta buruhauste handienetakoa izan da ―izaten jarraitzen du― transmisiorako modu eta erreminta berrien bilaketak. Bide horretan ardura horri erantzuna emateko hainbat modu, lanketa eta helduleku izan dira; bateko eta besteko ahaleginak komunean jarri nahi dira jardunaldi honen bitartez. Dantzaren transmisioan lanean diharduten zenbait aditu batuko ditugu horretarako haien esperientziak haien artean eta, bide batez gurekin, elkarbanatu ditzaten.

Adituak eta Arituak dantzan eta "biharrian"

Egun osorako programa osatu dugu lehena izan nahiko lukeen topaketa honetarako. Askotariko fronte eta aurpegiko errealitatea da euskal dantzarena, horietako bakoitzak beste hainbeste errealitate eta esperientzia gordetzen dituena. Proposaturiko gai bakoitzak beharko lukeen saio eta lanketa sakonagoaren jakitun, Dantzan Ikasin aurreko asteetan jasotako ekarpenetatik aukeraketa egin da eta zazpi aditu zazpi gai jakinen inguruko pintzelkada batzuek margotzera gonbidatu ditugu gure etxera, Dantza-biharrian egoitzara.

Lehen hitza Aurtzakako Mikel Sarriegik hartuko du, azken urteotan gipuzkoar maisuen sistemaren bilakaeraren inguruko ikerketan murgilduta, haren baitan jasotako dantza-mugimenduen sistematizazioaz aritzeko. Jarraian Argiak eta Ikerfolkek, haren ibilbide luze eta oparoan, dantzakeraren inguruan egindako hausnarketa eta lanketa elkarbanatuko du Iñaki Arregik. Atsedenaren aurretik, Maitane Eyheromonhok Iparraldeko dantzarien biltzarrak euskal dantzaren eta errepertorioaren irakaskuntzarako sortutako ikus-entzunezko baliabideak erakutsiko ditu. Goizeko lanei Patxi Labordak emango die amaiera: Bilbao Musikako irakaslea, eskolaren aterpean garatutako dantzaren irakaskuntza sistematizatuan, hainbat urtez landutako musika-hizkuntzaren potentzialitateaz jardungo zaigu.

Gosea pixka baterako uxatu ostean Jon Iruretagoienak Maritzuliren baitan egindako ikerketek emandako fruituetariko bat zatituko digu: Dominique Nicibar "Burgübürü" maisuak Elgoyhen eskola garrantzitsuan jauzi eta saltoetarako erabilitako teknika. Maite Irizarrek Oñatiko Oñatz taldearen esperientzia elkarbanatuko du: haren dimentsioa, eta kudeaketarako eta antolaketarako moduak, arazoak eta gakoak. Izen-abizenen zerrenda itxiko du Patxi Larraldek Baztango mutil-dantzaren transmisio eta irakaskuntzaren berezitasunaz aritzeko.

Amaitzeko, adituei entzun ostean aritu diren denak mahai inguruan jartzera gonbidatuak izango dira topaketa honi eman nahi zaion zentzua osatu ahal izateko. Egunean zehar entzundakoen balorazioa egiteaz gain, etorkizunera begirako proposamenak jaso nahi lituzke azken tarte honek, gabeziez, aukerez, moduez eta ardurez aritzeko, eta denon artean bideratzeko.

Eta elkar agurtu aurretik, batzen gaituen hura eginez bukatu nahi genuke, uneko segurtasun neurriek uzten digutenaren neurrian eta mugan, baina dantzan!

 

Dantzan Ikasi Topaketak: Dantzaren transmisiorako lanketa eta proposamenak

Goizeko saioa:

  • 09:30 Harrera: Dantzan-Biharrian bisita gidatua. Kafea.
  • 09:45 Aurkezpena
  • 10:00 Mikel Sarriegi: Puntu, aldaira, printzipio eta erregelak

Dantza-mugimenduen sistematizazioa, gipuzkoar maisuen sistemaren bilakaera eta inguruko erreferentziak

  • 10:30  Iñaki Arregi: Euskal dantzaren estiloaren argi-itzaletan

Gure dantzakera ageriko egiten duten osagaien orekaren bila. Non dago gure dantzaren estiloaren zera hori? Zerk ematen dio karakterea eta jenioa? Zerk egiten du benetako?

  • 11:00 Maitane Eyheramonho: IDB: baliabide pedagogikoak

Euskal dantzaren transmisioa bideratu nahian baliabide pedagogikoak sortzeko lanean dabiltza IDBn. Horietako batzuk dagoeneko sarean ikusgai eta erabilgarri daude

  • 11:30 Atsedena. Kafea
  • 12:00  Patxi Laborda: Musikatik dantzara: programaketa eredu bat

Nola eraiki dantzaren irakaskuntza, musika oinarri hartuta? Musika-hizkuntzaren oinarriak ezagutzeak dakarren laguntza, eta nola txertatu dantzaren irakaskuntzan. Dantzaren lanketa musika-eskoletan

  • 13:30-15:00: Etena. Otordua

 Arratsaldeko saioa:

  • 15:00  Jon Iruretagoiena: Orkatiletatik paporaino: saltoaren gora-beherak

Atharratzeko Elgoyhen eskolan jauziaren inguruan eta salto egitearen gaitasuna lantzeko moduaz Dominique Nicibar ‘Burgübürü dantza-maisu zuberotarrak transmititutakoak aipatuko dira

  • 15:30 Maite Irizar: Herriko dantzei eustea: Oñatiko esperientzia

Oñatin ia 400 dantzari mugitzen ditu Oñatz taldeak, haur eta nagusi. 11.000 biztanledun herri batean zer suposatzen du horrek? Zeintzuk dira kudeaketaren gakoak? Zein dantza-eredu transmititzen da eta zertan jartzen da indarra?

  • 16:00  Patxi Larralde: Baztango mutil-dantzen irakaskuntza

Dantzakeraren zainketa, mugimenduen arrazionalizazioa, terminologia eta dantza-urratsen taula koreografikoa

  • 16:30 Mahai-ingurua: Dantzan Ikasi topaketak: balorazioa, iritziak eta aurrera begirakoa
  • 17:30  Amaiera dantzan!

 

Data: 2021eko maiatzak 8, larunbata
Ordutegia: 9:30 – 17:30
Lekua: Dantzan-Biharrian (Ubitxa 16-18 Eibar)
Prezioa: doakoa, plaza mugatuak!
Izen-ematea: Izena emateko egin klik hemen

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com

__ __ __

Dantza irakasleen lan-poltsa

 

 

Hurrengo saioak
2021
Jardunaldia: Dantzaren transmisioa // Kronika
Hitzaldi dantzatua: Pamperruque // Kronika
-

Egindakoak
2021
Maialen Araolaza: Dantzaren onurak // Bideoa
Oier Araolaza: Genero-identitate euskal dantzan II // Bideoa II
2020
Ikastaroa: Lau urrats eta kitto!  // Kronika
Oier Araolaza: Genero-identitate euskal dantzan I // Bideoa I
Ikastaroa: Dantzan irakasteko baliabideak // Bertan behera
Gaskoiniako herri-dantzak // Kronika
2019
Gogoeta saioa: Sorkuntzaren soka // Kronika
Bisita-dantzatua Patxi Labordarekin // Kronika
Urbeltz, Arregi, Sarriegi: Soka-dantza // Kronika I, Kronika II, Kronika III
Lantzeko zortzikoa Bizkai Elkartea // Kronika
Gaskoiniako herri-dantzak // Kronika
Ibis Albizu: Euskal dantza eta balleta // Kronika
Dantza-luzeak Carles Mas // Kronika
2018
Zuberoako dantzakera // Kronika
Arantzako dantza-luzea // Kronika
Thierry Truffaut: Lapurdiko inauteriak // Kronika
Mikel Alberdi: XIX. mendeko euskal aisia  // Kronika
2017
Berastegiko San Juan dantzak // Kronika
Rapper ezpata-dantzak // Kronika  
Makilaria // Kronika 
Hirunangoak: balsa, mazurka, fandangoa eta ingrutxoak // Kronika 
Patxi Perez: Mutxiko dantzaldien bilakera aztergai // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015
Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan.com elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa