Dantzan ari gara
- Nafarroako eskola publikoen Nize topaketan dantza eta festa euskal kulturgintza hezkuntza lantzeko gogoeta eta jardun-lerroen inguruko saioa eskaini dute Aritz Ibañez Eusko Kulturreko kideak eta Oier Araolaza Dantzan-ekoak Iruñean San Frantzisko eskolan, 2025eko otsailaren 26an.
- Mondragon Unibertsitateko Huhezi fakultateak antolatutako "Euskal kultura gaur eta bihar" jardunaldian "Herri-kultura hezkuntzan: edukiak, balioak eta jarrera" mahai-inguruan parte hartu du Dantzan elkarteko Oier Araolazak, Mikel Artola eta Haritz Garmendiarekin batera eta Jon Sarasuak moderatuta, Aretxabaletan, 2026ko otsailaren 25ean.
- Egunean Behin galdera-erantzunen jokoan protagonista izan da Dantzan 2025eko azaroko lehen astean. CodeSyntax enpresak (Dantzan.eus webgunea egiten duen berberak) garatzen duen jokoan 37.797 jokalarik 198.282 partida jokatu dituzte aste horretan eta jokoaren pantailan eskaintzen zen lotura jarraituz 931 klik bideratu dira dantzan.eus-era. Hemen dantzarekin lotuta aste horretan egin diren lau galderak eta jokalarien emaitzak.
- Gipuzkoako Foru Aldundiaren Ondare sailaren ekimenez eta Aranzadi Zientzia Elkartean Etnografia sailak koordinatuta Donostian ospatu den Gau Beltzaren inguruko jardunaldian parte hartu dugu Oier Araolazak gaiaren inguruko hitzaldia eskainiz eta mahai-inguruan parte hartuz.
- Gipuzkoako Foru Aldundiaren Ondare sailarekin aholkularitza lanetan ari gara Ondare Inmaterialeko mahaia osatu eta horren funtzioak zehazteko plana lantzen. 2025eko martxoaren 25ean eratuko da mahaia.
- Emakumeak Andoaingo axeri-dantzan eta euskal kulturan izandako bilakaera aztergai izan zen Bastero Kulturgunean, 2025-03-06an. Mahai-inguruan gonbidatu gisa parte hartu du Amaiur Aristik euskal dantzan eta generoan azken hamarkadetan izandako aldaketen berri emanez, besteak beste.
- Markina-Xemeinen euskal dantzaren inguruko formakuntza eskaini diete Dantzan-eko Gari Otamendik eta Oier Araolazak bertako Zerutxu dantza taldeko eta Abarka antzerki taldeko kideei, Korrotik Pikutara hitzaldi-dantzatuaren bidez, 2025-03-05.
- MUNIren Huhezi fakultatean irakasle ikasketak burutzen ari diren ikasleekin euskal dantzaren inguruko hitzaldia eta taller praktikoa eskaini dute Idoia Lahidalgak eta Oier Araolazak, Eskoriatzan, 2025-02-18an.
- Mondragon Unibertsitatean eskaintzen den Euskal Kulturan Eragiletza Masterrean parte hartzen ari gara 2024-2025 ikasturtean ere euskal dantzaren inguruko saioak eskainiz.
- "Euskal dantza, gorputz hizkuntza" eta "Korrotik pikutara", formakuntza eskaini dugu Gari Otamendi eta Oier Araolazak, Iparraldeko kontserbatorioan, Baiona, 2025-02-08
- 2024ko EHU/UPVren udako ikastaroetan (UIK) ere, 2023an bezala, Ateak Ireki programaren baitan euskal dantzaren inguruko hitzaldiak eta saio praktikoak eskaini dituzte Dantzan elkarteko Josu Garatek eta Oier Araolazak, Aurtzaka taldeko Mikel Sarriegi eta Izaskun Salazarrekin batera Beasainen diasporako gazteei begira antolatutako ikastaroetan. Beasain, 2024-06-25 eta 26.
- Euskarabenturan parte hartu dugu euskal dantza taller bat eginez ekimen horretan parte hartzen ari diren 120 gazteekin Urruñan, 2023-07-21.
- Genero-identitatea euskal dantzaren eraikuntzan, Comahueko Unibertsitatean (bideoz), Viedma (Argentina), 2023-06-16.
- Kultura Eskola programaren baitan dantza-jauzien ikastaroa eskaini du Gari Otamendik Pasaia-Lezoko Lizeoan. 2023-04-22.
- Dantzan-eko Josu Garate eta Oier Araolaza Minnesotako St. Olaf unibertsitatean izan gara euskal dantzen ikastaro trinko bat eskaintzen bertako ikasleei, 2023-02-16/23.
- Gipuzkoako Diputazioaren ekimenez Azpeitiko Dinamon eta San Agustin Kulturgunean ospatu den Kultura Saretzen jardunaldian Dantzagunea, Dantzan Ikasi eta Dantzan Ikasi Topaketak aurkeztu ditugu Fernando Saenz de Ugarte (Dantzaz) eta Oier Araolaza (Dantzan) Dantzagunea kudeatzen duen lan-taldeko kideek, 2022-12-15.
- Euskal kultura hezkuntzan errotik integratzeko eskatu dugu hainbat kultur elkartek eta norbanakok, Berria, 2022-12-10. Marisa Barrenak ordezkatu du Dantzan agerraldian.
- Korrotik Pikutara hitzaldi-dantzatua eskaini dugu Dantzan-eko Gari Otamendik eta Oier Araolazak Barakaldon, Ibarra-kaldu elkartean, 2022-11-25.
- Dantza tailerra eskaini dugu Galdakaoko Gandasegi eskolan DBH5 eta DBH6ko ikasleentzat Sormene euskal kulturaren programazioaren baitan, 2022-11-11.
- Dantzan, sareko baliabideak eta elkartearen jarduerak aurkeztu ditugu Maitaldiaren Focus Karibe - Euskal Herria topaketetan, “Des ressources pour conserver et partager ces répertoires” mahainguruan Amaiur Aristi eta Oier Araolazak, eta Ortzadarreko Karlos Irujo eta Mikel Lasarterekin Nafarrako dantzen atlasa aurkeztu dute. Gare du Midi, Miarritze, 2022-09-13.
- “Euskal dantza eta generoa”, mahai-inguruan parte hartu dugu, Ihintza Irungarai, Alaia Cachenaut eta Oier Araolaza hizlari, eta Nora Arbelbide gidari arituz, EKE eta Eusko Ikaskuntzaren parte hartzearekin Miarritzeko mediatekak antolatu duen ekitaldian, 2022-09-02.
- “Arteak eta Akademia” mahai-inguruan parte hartu dugu Ismael Manterola, Beñat Gaztelumendi eta Oier Araolaza hizlari, eta moderatzailea Zihara Enbeita. arituz, UEUk antolatuta eta online eskaini den saioan, 2022-06-21.
- Euskarazko kulturaren transmisioa hezkuntza legean bermatzeko agerraldian parte hartu dugu, 2022-06-16.
