Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Iztuetaren nortasun poliedrikotik Gipuzkoako dantzen bilakaerara

Dokumentuaren akzioak

Iztuetaren nortasun poliedrikotik Gipuzkoako dantzen bilakaerara

2016/06/16 06:25
Iztuetaren nortasun poliedrikotik Gipuzkoako dantzen bilakaerara

Dantzan Ikasi, Gipuzkoako dantzak III. Errenteria, Gipuzkoako Dantzagunea, 2016-01-16.

Bi saiok osatu zuten pasa den urtarrilaren 16an Errenterian, Gipuzkoako Dantzagunean, Gipuzkoako dantzei buruzko ikastaroko hirugarren jardunaldia. Iztuetaren ekarpenaz aritu zitzaigun Juan Antonio Urbeltz eta gure begien aurrean ia-desagertu den dantzakeraren inguruan aritu ziren Arregi, Etxabe eta Vallejo Dantzan Ikasin Gipuzkoako dantzei buruz antolatutako des-ikastaroan.

Iztueta, izaera eta dantzak

Gipuzkoako dantzen ezagutzarako eta berreraikitze prozesurako erreferentzia nagusia eta altxor agortezina da Juan Inazio Iztuetaren Gipuzkoako dantzei buruzko liburua. Idazlearen bizitza-gora beherek, nortasun bereziak, testuinguru ekonomiko-politikoek eta oro har haren ibilbidean eragina izan zuten gertaerak liburuan bertan, eta ondorioz, Gipuzkoako dantzei buruz eskaintzen duen informazioan, zer nolako ondorioak izan zituen adierazi zigun modu argigarrian Juan Antonio Urbeltzek.  

Juan Antonio Urbeltz: Dantzan Ikasi 2016
Juan Antonio Urbeltz hitzaldia eskaintzen Dantzan Ikasi programan. Dantzagunea, 2016-01-16. Argazkia: Gari Otamendi.

Juan Inazio Iztuetaren gora-behera biografiko liskartsuak ezagunak dira, baina horien xehetasunetan eta bereziki Iztuetaren ezaugarri psikologikoek marrazten duten profil nahasian sakontzen dihardu Juan Antonio Urbeltzek. Lapurretengatik epaitua eta kondenatua, bikote harreman katramilatsuetan nahastua, politikoki eta militarki gatazkatsuak gertatu ziren urteetan markatua, probintziako botere borroketan zenbait ahaltsuren kontra ausartua... Bizitza eta nortasun konplexu eta aurreikusiezina erakusten du Zaldibiko dantza-maisuaren ibilbideak, eta ezaugarri horiekin pertsona kokatzen eta haren idatziak hobeto ulertzen laguntzeko ahaleginean aritu zitzaigun Juan Antonio Urbeltz.

Iztuetak liburua idazteko izandako arrazoien atzean, dantzaren bidez gorpuztu zuen botere borroka baten susmoa agertu zigun Urbeltzek. Iztuetak kontatzen duena adina ezkutatu zuen bere liburutik, eta hainbat galdera airean geratzen dira liburua irakurrita. Esaterako, zergatik ez dago arku-dantzen aipamenik, jakinik garai hartan ohikoak zirela han-hemen eta bere ondorengoek (Olano eta Pujanatarrak tarteko) brokel-dantzaren sortan baitan ematen zitzutela? Hautu horien atzean ezkutatzen den bizitza eta nortasun konplexura bidaia harrigarria egin zigun Juan Antonio Urbeltzek ohikoa duen buru-argitasuna datu eta xehetasunez jantzirik. 

Molde zaharreko dantzakera testigantzak eta erreforma

XX. mendearen azken zatian Gipuzkoako dantzetan gertatu diren aldaketa sakonei erreparatu nahi izan genien goizaren bigarren zatian. Abiapuntuan honako gogoeta genuen: "1970-80tik aurrera, Goizaldi dantza taldearen dantza-moldea zabaldu eta nagusitu da Gipuzkoan, eta herriz herri mantentzen zen dantza estiloa baztertu dute dantza taldeek eta ia desagertu da urte gutxitan." Mikel Sarriegiren gidaritzapean, trantsizio horren testigu izan diren hiru dantza-maisuren experientzia ezagutzeko aukera izan genuen: Jose Luis Vallejo, Iñaki Arregi eta Xabier Etxabe. 

Inaki Arregi - Dantzan Ikasi 2016
Iñaki Arregi, Dantzan Ikasi, 2016-01-16. Argazkia: Oier Araolaza - dantzan CC BY-SA

Donostiako Goizaldi eta Argia taldeetan aritu aurretik, Andoinen Lizar Makil taldearekin izandako esperientzia, eta herrian bertan ezagututako dantzari nagusien dantzakeren oroitzapena berritu zuen Iñaki Arregik. Pasaiako lehen aurresku txapelketara agertutako adineko aurreskulariari ikusitako dantzakera zaharra ere gogoratu zuen.

Jose Luis Vallejo - Dantzan Ikasi 2016
Jose Luis Vallejo, Dantzan Ikasi, 2016-01-16. Argazkia: Oier Araolaza - dantzan CC BY-SA

Jose Luis Vallejok Tolosako Udaberrin hasi ondoren, EDBn aurresku txapelketen batzordean egindako lanak aipatu zituen. Xabier Etxabek berriz, Zarautzen ezagututako dantza-moldea, eta harekin batera sumatutako dantzaren ikuskera zaharra ekarri zuen, Iratzarrin egindako ibilbidearen, zuzeneko testigantzen nahiz ikertutakoen bidez jasotzeko aukera izan duena. Goizane Arregi zarauztarrak osatu zuen Etxaben ekarpena, Mollarri taldearekin zein hainbat urtetako ibilbidean jasotako eskarmentuarekin. 

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com

__ __ __

Dantza irakasleen lan-poltsa

 

 

Hurrengo saioak
2018

_

 

Egindakoak
2018
Zuberoako dantzakera // Kronika
Arantzako dantza-luzea // Kronika
Thierry Truffaut: Lapurdiko inauterien lehena eta oraina, kontserbazioa eta modernizazioa // Kronika
Mikel Alberdi: Iztuetatik Mañé y Flaquereraino, XIX. mendeko euskal aisiari begirada  // Kronika
2017
Berastegiko San Juan dantzak // Kronika
Rapper ezpata-dantzak // Kronika  
Makilaria // Kronika 
Hirunangoak: balsa, mazurka, fandangoa eta ingrutxoak // Kronika 
Patxi Perez: Mutxiko dantzaldien bilakera aztergai // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015
Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan.com elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa