Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Patxi Laborda: "Interesgarria da ulertzea musika irakasten ari naizela gorputzaren bidez"

Dokumentuaren akzioak

Patxi Laborda: "Interesgarria da ulertzea musika irakasten ari naizela gorputzaren bidez"

2021/06/14 09:00
Patxi Laborda: "Interesgarria da ulertzea musika irakasten ari naizela gorputzaren bidez"

Patxi Laborda, Dantzan Ikasi topaketak, 2021-05-08. Argazkia: Josu Garate - Dantzan: CC-BY-SA

Dantzariek musikaren oinarrizko kontzeptuak ikastearen garrantzia azpimarratu du Patxi Labordak, Bilbao Musikako eta Aiko taldeko irakasleak, Dantzan Ikasi Topaketetan. Bilbao Musikan ikasleekin egiten duen lana azaldu du, eta dantza musikarien eta dantzarien arteko harremana dela uste du; hori argi ikusi zuen Urraska dantza-jauzien bilduma osatzerakoan. Izan ere, musikariek galdetu zioten: "Jauziak nola dantzatzen dira? Eta hori musikan nola da?". Orduan, urratsen transkripzio erritmikoa egin zuten, "urratsak ez dira transkripzioan jasotakoa bakarrik, baina egia da horrek erakusten duela urratsen sustraia non dagoen, eta gure perkusionistak horrela hobeto jotzen zuen, ulertzen zituelako urratsak".

Gorputzarekin dantzan

Musika ez dela solfeoa dio Labordak, solfeoan ez baita islatzen musikan agertzen den guztia, eta berdina dantzaren kasuan, "analfabetoa izan zaitezke, baina hizkuntza menperatu". Notazio musikala edo solfeoa analisirako metodo ona da, baina musika eta dantza harago doaz.

Patxi Laborda
Patxi Laborda, Dantzan Ikasi topaketak, 2021-05-08. Argazkia: Gari Otamendi - Dantzan: CC-BY-SA

Labordaren ustez, dantza tradizionalaren hizkuntza koreografikoa ez da klasikoaren edo garaikidearen bera, "dantza tradizionala oinetan sortzen da, lurrean, perkusioak lurrean egiten ditugu. Oin puntan banago belauna eta gerria mugitzea zaila dira, blokeatuta daude. Lurrera joaten banaiz mugimendu hori gorputzera pasatzen da". Abiapuntua lurrean dugula dio, eta beste dena zabalik bada, mugimendua gorputz osora zabaltzen dela. Ikasleei kanal hori zabaltzea dela bere lana dio Labordak.

Dantzan Ikasi topaketak 2021
Dantzan Ikasi topaketak, 2021-05-08. Argazkia: Josu Garate - Dantzan: CC-BY-SA

"Dantza tradizionalean gozatzen dut gauzak gorputzarekin esaten direnean", dantza tradizionala etxearen marrazkiarekin irudikatzen du: pultsua sotoan, gainean egitura erritmikoa, ondoren hori nola kokatzen den espazioan, horren gainean hori melodiaren arabera nola aldatzen den eta azkenengoan apaindurak. "Niretzat dantza guztietan hori da sistema. Etxera ez gara zimendutik sartzen, lehenengo pisuan dago sarrera". Beraz, Labordaren proposamena da egitura erritmikoetatik hastea.

Zertarako notazio musikala?

Aspalditik dantza notazio sistema asko daudela dio Labordak, "notazioa da tresna analitikoa, horrela ikusten da sistema dagoela atzean". Azaldu du notazioak laguntzen digula ikusten zer dagoen mugimenduaren atzean, eta dantza tradizionalak musikarekin duen harreman estua islatzen duela. Sistema errazago ulertzen dugu eta, horri esker, gehiago sakondu dezakegu. Horrez gain, musikariekin hizkuntza komuna lortzeko balio du. Ikastaro labur batekin asko ikasten dela dio, "gakoa dago ulertzean, sistema ulertuta errazago bereganatuko duzu; zuk ulertu ez duzuna zaila da besteei erakustea".

 

"Interesgarria da ulertzea musika irakasten ari naizela gorputzaren bidez". Dantzariek musikaren oinarrizko kontzeptuak ikasteak asko laguntzen du gauzak ulertzen. Notazioa tresna modura ongi etortzen zaiola dio, "ez dut nahi jakitea zer den anakrusa, baina egitea nahi dut".

Musikaren eta dantzaren arteko koherentzia

Ikuskizunetan dantzaren eta musikaren arteko koherentzia faltak frustratzen du Laborda, "musikak, garra eta arima badu, eta dantzariak ez, zertarako da musika?". Dantzan hainbat dinamika daude, eta hor dagoela kolorea ikusten du, "baina hori norberaren pertsonalitatean dago, norberaren pertzepzioan, eta hain subjektiboa izanik, ez dakit irakastea dagoen edo ez".

Patxi Laborda
Patxi Laborda, Dantzan Ikasi topaketak, 2021-05-08. Argazkia: Gari Otamendi - Dantzan: CC-BY-SA

Sei urte, hiru ziklo

Bilbao Musikako dantza eskolak sei ikasturtetan banatzen dira, eta ibilbide osoan hiru ziklo bereizten dituzte, bakoitza bi urtekoa. Jauziak, mutil-dantzak, jota, porrua, kontra-dantzak, ingurutxoak... ikasten dituzte ikasleek, "horiek dira tresnak ikasteko gorputzarekin dantzatzen eta hizkuntza ulertzeko". Alde fisikoa, sistemen ulermena, inprobisazio mugatua, autonomia pertsonala eta euskal dantzen errepertorioa lantzen ditu Labordak ikasleekin. Dantza zaletasuna sortzez gain, garrantzitsua dela uste du ikusle kritikoak sortzea: "Nik nahi dut nire ikasleek dantzak ikusten dituztenean ulertzea, eta, ondoren, baloratzea argudioekin".

 

Dantzan Ikasi Topaketak 2021

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com

__ __ __

Dantza irakasleen lan-poltsa

 

Hurrengo saioak

 

Egindakoak

2023

Ikastaroa: Dantzan irakasteko baliabideak Eibar // Kronika

Ikastaroa: Aragoiko jota // Bertan behera

2022

Aurkezpena: Euskal Herriko plazetarako dantza berriak // Kronika

Ikastaroa: Haurrekin dantzan jolasteko baliabideak // Kronika

Dantzan Ikasi Topaketak 2022 // Kronika

Hitzaldi dantzatua: Jon Olazkuaga: Pamperruque // Kronika

Ikastaroa: Dantzan irakasteko baliabideak Eibar I // Beasain // Eibar II // kronika // Bideoa

2021
Sorkuntzaren bideak: Argiaren Martin Zalakain // Kronika // Bideoa
Topaketak 2021: Dantzaren transmisioa, proposamenak eta lanketak // Kronika
Maialen Araolaza: Dantzaren onurak // Bideoa
Oier Araolaza: Genero-identitate euskal dantzan II // Bideoa II
2020
Ikastaroa: Lau urrats eta kitto!  // Kronika
Oier Araolaza: Genero-identitate euskal dantzan I // Bideoa I
Ikastaroa: Dantzan irakasteko baliabideak // Bertan behera
Gaskoiniako herri-dantzak // Kronika
2019
Gogoeta saioa: Sorkuntzaren soka // Kronika
Bisita-dantzatua Patxi Labordarekin // Kronika
Urbeltz, Arregi, Sarriegi: Soka-dantza // Kronika I, Kronika II, Kronika III
Lantzeko zortzikoa Bizkai Elkartea // Kronika
Gaskoiniako herri-dantzak // Kronika
Ibis Albizu: Euskal dantza eta balleta // Kronika
Dantza-luzeak Carles Mas // Kronika
2018
Zuberoako dantzakera // Kronika
Arantzako dantza-luzea // Kronika
Thierry Truffaut: Lapurdiko inauteriak // Kronika
Mikel Alberdi: XIX. mendeko euskal aisia  // Kronika
2017
Berastegiko San Juan dantzak // Kronika
Rapper ezpata-dantzak // Kronika  
Makilaria // Kronika 
Hirunangoak: balsa, mazurka, fandangoa eta ingrutxoak // Kronika 
Patxi Perez: Mutxiko dantzaldien bilakera aztergai // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015
Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa