Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Dantza-irakasle eta dantzarien kontratazioak, a ze buruhauste eta oztopoak!

Dokumentuaren akzioak

Dantza-irakasle eta dantzarien kontratazioak, a ze buruhauste eta oztopoak!

2022/10/21 08:35
Dantza-irakasle eta dantzarien kontratazioak, a ze buruhauste eta oztopoak!

Izaskun Salazar eta Gari Otamendi, Dantzan Ikasi Topaketak, Eibar, 2022-05-20. Argazkia: Amaiur Aristi - Dantzan CC-BY-SA

“Faktura! Faktura behar dugu!” horixe da azken aldian dantzariei eta taldeei erakundeek eskatzen dieten ditxosozko dokumentua; taldeen jardunak eta errealitateak kontutan hartuta, ordea, askotan ez da horren erraza suertatzen enpresen pareko paper kontuak eta justifikazioak eskuratzea. Dantza-irakasle eta dantzarien legezko kontratazioan eta kudeaketan aurkitu ohi ditugun buruhauste eta oztopoak ipini dituzte mahai gainean Gari Otamendik (Dantzan - Dantzagunea) eta Izaskun Salazarrek (Aurtzaka dantza taldea). Orokorrean zein den egoera azaldu du lehenak eta Beasainen herriko hogei dantza irakasle gazteen kontratazioa nola egin duten esplikatu du bigarrenak.

Dantzan Ikasi topeketak 2022
Dantzan Ikasi Topaketak, Eibar, 2022-05-20. Argazkia: Oier Araolaza - Dantzan CC-BY-SA

Kontratazio korapilatsuak

Kulturgintzan, profesionala eta profesionala ez den gure kulturgintzan, faktura, paper, deklarazio eta kontu horiekin jendea itota dabilela dio Otamendik, “gehienok gabiltza noraezean ez dakigulako zer den egin behar duguna. Prozesu konplexu eta korapilatsua da. Gehienok ez dakigu egiten eta egiten baldin badakigu ere denbora asko kentzen du”. Orduan, momentu honetan, sektore askotatik antolatzen ari dira elkarteen bitartez lan horiek arintzeko eskaerak egiteko. Kulturak daukan salbuespenari erantzun nahi zaio, ez baitu ez hanka ez buru kulturgintzan dabilen norbanakoen eta taldeen jarduna enpresak bailiran tratatzea, “gaur egun aurkitzen ari garen horma edo oztopoa da legera egokitu behar garela eta eskatzen ari garena, ahal dela behintzat, izugarrizko aldaketak egin gabe legeak jarduerara egokitzea da”. Otamendik uste du eskaera horrekin balio ekonomikoaz gain, balio soziala eta kultura ere aitortu nahi direla.

Gari Otamendi
Gari Otamendi, Dantzan Ikasi Topaketak, Eibar, 2022-05-20. Argazkia: Josu Garate - Dantzan CC-BY-SA

Foru Aldundiaren Arte eta Kultura Kontseiluaren kide da Otamendi, “alor artistiko eta kultural askotako jendea dago hor eta nahiko unanimea izan da eskaera hori. Gaur egun legeak eskaintzen dituen aukeren barruan kulturak daukan salbuespen izaera hori aldarrikatzeko mugitzen ari gara”. Bestetik, 2022an sortu den Lanartea elkartea aipatu du, “bertsogintza eta idazleen mundutik sortu da, guregana ere jo zuten galdetzeko ea zertan garen. Momentu honetan Lanartea ahalik eta sektore gehienekin bildu eta diagnostiko bateratu bat egiten ari da”. Denak antzeko ondoriora iristen gara, legalki, fiskalki eskatzen den guztia ez datorrela bat zifrekin. Otamendik dio gero eta jende gehiagori entzuten diola zenbait lani uko egiten ari direla, “60-100 euro kobratzeko paperak eta fakturak egiten joaten den denborak ez baitu konpentsatzen”.

Dantza irakasleen kontratazioa

Beasaingo Aurtzaka dantza taldeak 2021eko irailaz geroztik egin dituen dantza irakasleen kontratazioetan eman dituzten pausuak azaldu ditu Salazarrek. Taldean 16-27 urte bitarteko 20 dantza irakasle dituzte eta argi zuten horrela jarraitu nahi zutela, “horrek ematen baitigu dantza taldearen biziraupena. Mantentzen ditugu dantzariak gure dantza taldean irakasle bezala sartzen direlako eta sanjoanetako soka-dantza eta Igartzako ezpata-dantzaren kofradia erakargarri suertatzen zaielako”. Beraientzat oso garrantzitsua da gazteak dantza irakasle aritzea, eta ez irakasle izate hutsagatik, “gizarte ekintzaile izan daitezen, herrian parte hartu dezaten”. Hori dela eta, 20 kontratazio egitea erabaki du Aurtzakak Udalaren babesarekin.

 

Izaskun Salazar
Izaskun Salazar, Dantzan Ikasi Topaketak, Eibar, 2022-05-20. Argazkia: Josu Garate - Dantzan CC-BY-SA

Ikusita ogasunetik zein Udaletik gauzak gero eta zorrotzago ipintzen ari dela pausoa eman eta kontratuekin hastea erabaki zuten gestoria baten laguntzarekin, “hezkuntza ez arautuaren hitzarmena ezarri diegu, eta bete beharra daukazun bakarra da soldata minimoa eman behar diezula. Hilabeteko 12 orduko 20 kontratu egin ditugu”.

Udalak ikusi du herri mailan Aurtzaka izan dela pausu hori eman duen lehenengo elkarteetako bat, “balioa eman diote eta beraiek lagunduko digute gastu guztiekin”. Hala ere, paper kontu eta kontabilitate guztia behar bezala prestatzeko borondatezko lanak hor jarraitzen du, “dantzarako geroz eta denbora gutxiago eta are eta denbora gehiago administraziorako eta horrelako gauzetarako”.

Dantzan Ikasi Topaketak 2022

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com

__ __ __

Dantza irakasleen lan-poltsa

 

Hurrengo saioak
2022

Aurkezpena: Euskal Herriko plazetarako dantza berriak

Ikastaroa: Haurrekin dantzan jolasteko baliabideak

 

Egindakoak

2022

Dantzan Ikasi Topaketak 2022 // Kronika

Hitzaldi dantzatua: Jon Olazkuaga: Pamperruque // Kronika

Ikastaroa: Dantzan irakasteko baliabideak Eibar I // Beasain // Eibar II // kronika // Bideoa

2021
Sorkuntzaren bideak: Argiaren Martin Zalakain // Kronika // Bideoa
Topaketak 2021: Dantzaren transmisioa, proposamenak eta lanketak // Kronika
Maialen Araolaza: Dantzaren onurak // Bideoa
Oier Araolaza: Genero-identitate euskal dantzan II // Bideoa II
2020
Ikastaroa: Lau urrats eta kitto!  // Kronika
Oier Araolaza: Genero-identitate euskal dantzan I // Bideoa I
Ikastaroa: Dantzan irakasteko baliabideak // Bertan behera
Gaskoiniako herri-dantzak // Kronika
2019
Gogoeta saioa: Sorkuntzaren soka // Kronika
Bisita-dantzatua Patxi Labordarekin // Kronika
Urbeltz, Arregi, Sarriegi: Soka-dantza // Kronika I, Kronika II, Kronika III
Lantzeko zortzikoa Bizkai Elkartea // Kronika
Gaskoiniako herri-dantzak // Kronika
Ibis Albizu: Euskal dantza eta balleta // Kronika
Dantza-luzeak Carles Mas // Kronika
2018
Zuberoako dantzakera // Kronika
Arantzako dantza-luzea // Kronika
Thierry Truffaut: Lapurdiko inauteriak // Kronika
Mikel Alberdi: XIX. mendeko euskal aisia  // Kronika
2017
Berastegiko San Juan dantzak // Kronika
Rapper ezpata-dantzak // Kronika  
Makilaria // Kronika 
Hirunangoak: balsa, mazurka, fandangoa eta ingrutxoak // Kronika 
Patxi Perez: Mutxiko dantzaldien bilakera aztergai // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015
Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa