Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Ikasi Plazako dantzen errepertorioa berritzen eta aberasten

Dokumentuaren akzioak

Plazako dantzen errepertorioa berritzen eta aberasten

2023/01/18 07:30
Plazako dantzen errepertorioa berritzen eta aberasten

Dantzan Ikasi, Plazako dantza berriak, Patxi Montero, Elgeta, 2022-11-26. Argazkia: Josu Garate - Dantzan CC-BY-SA

Sortu berri dituen plazako dantzak aurkeztu ditu Patxi Monterok Elgetan egindako Dantzan Ikasin. Gipuzkoako Dantzagunearen Sortutakoak tradizionala 8 deialdian aurkeztutako proiektutik abiatuta, 25 bat plazako dantza proposatu ditu, “sortu ditudan dantzen helburua ez da gero dantza horiek plazara edo taldeetara eramatea. Ez dut dantza estankoen edo finkoen bilduma egin, adibideak dira”. Egindako lanarekin dantzaldietarako sormena aldarrikatu nahi du. Horrela, Euskal Herriko dantza eta musika tradizioaren oinarri hartu eta egungo plazetako testuingururako egokiak izan daitezkeen dantzak moldatu ditu. Azaroaren 26an eta 27an aurkeztu du Monterok egitasmoa. Larunbatean dantza plazen testuingurua azaldu eta hortik bere proiektuaren abiatzea azaldu du; gogoetatik abiatuta, erakustaldi praktikoa ere egin du. Igandean, jendaurreko aurkezpen-dantzaldia egin da zuzeneko musikaz lagunduta. Hasteko, Eingo taldeko Iker Allur-ek Monterok proiekturako propio moldatutako doinuak jo ditu, eta jarraian Alboka taldea, egitasmorako erabili diren euren doinuak jotzen.

Plaza dantzak sendo

Plazako dantzena indarrean dagoen fenomenoa dela ikusten du Monterok; eskaintza handia dago, hitzordu ugari daude, astero batean edo bestean dantzaldiak antolatzen dira, “plazan dantza egitea modako dago. Ederra da dinamika hori berreskuratu izana, elkar harremanerako eta ludikotasunerako baliabide bezala”. Dantzaldiak, ikastaroak, dantzariak ugaritu dira, baina dantzarako errepertorio proposamena ez du sumatzen neurri berean handitu denik, “sarritan errepikapen sentsazioa izaten dut, proposamenetan ez dago berritasun handirik”.

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-26. Argazkia: Josu Garate - Dantzan CC-BY-SA

Egungo plazetan aurkitzen diren eredu zehatzak identifikatu ditu: trikitia eta panderoa, muxikoak, Dantza Plaza (Bilbo inguruan, dantza taldeen errepertorioak) eta Baztango eredua (mutil-dantzak, gaita, larrain-dantza). Nahiko eredu finkoak direla dio eta zenbait kasutan berritasun edo aniztasun bila joan nahi denean honakoak dira iturriak: Folkloreko dantzen errepertorioa, Kanpoko musika edo dantzakeren moldeak, Munduko Dantzak, Balfolk jaialdiak.

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-26. Argazkia: Josu Garate - Dantzan CC-BY-SA

Zaharretik berria

Nahiz eta badauden salbuespenak, kanpoko ereduei begiratzen zaie eta “gutxi jo ohi da sortzera, batez ere, zentzuz sortzera”. Monterok argi du hizkuntzak, kulturak egiten gaituela herri bezala, baita zerk dantzatzen garen ere, “herri bezala dantzatzen garena gara”. Eta Joxan Artzeren aipua ekarri du: “iturri zaharretik ur berria”. Uste du Euskal Herriko dantza eta musika tradizioak aukera oso aberatsa eskaintzen duela plazako dantzetarako proposamen garaikide berriak sortzeko, “horrekin ariko ginateke gure ondare aberatsa berrerabiltzen eta balio berria ematen. Asko dago gurean arakatzeko, kanpokoetara joan gabe”.

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-26. Argazkia: Josu Garate - Dantzan CC-BY-SA

Ekimenaren helburua izan da indarra ematea Euskal Herriko tradizioko hainbat dantza molderi, egun gutxi erabiltzen direnak: soka-dantzak, dantza kantatuak, irradakak, ingurutxoak, kontra-dantzak eta irri-dantzak. “Dantza horiek aldarrikatu nahi ditut, sustatzea sistema hauetan sormena gehiago erabiltzea”. Adibideen bidez egin nahi izan du hori eta erakutsi jendeari posible dela guretik sortzea, zentzuz, tradizioz jasotako dantza moldeetan eta tradizioaz jasotako musikarekin. Garrantzia ematen dio lotura emozionalari, “Euskal musikan daukagu ondare eder eta aberatsa, balioa ematea merezi duena. Kantu eta doinu horiek entzutean konexio emozionala eginda daukazu eta dantzan emozioen munduan gabiltza; atxikimendu emozionala behar da”.

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-26. Argazkia: Josu Garate - Dantzan CC-BY-SA

Teoriatik dantzara

Sortu duen errepertorioaren inguruko azalpenak partekatu ditu Monterok larunbateko saioan; plazako egungo panoramak, ze kezketatik abiatu den eta nola sortu duen. Azalpenekin batera moldatu berri dituen zenbait dantza ere erakutsi eta dantzatzeko tartea izan da.

Igandeko saioan, berriz, dantzek hartu dute protagonismoa. 100 bat dantza zale Elgetako Espaloia Kafe Antzokian dantzan! A ze, giroa!

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-27. Argazkia: Gari Otamendi - Dantzan CC-BY-SA

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-27. Argazkia: Gari Otamendi - Dantzan CC-BY-SA

Plazako dantza berriak
Dantzan Ikasi, Plazako dantza berriak, Patxi Montero, Elgeta, 2022-11-27. Argazkia: Gari Otamendi - Dantzan CC-BY-SA

Dokumentuaren akzioak

2023/01/20 11:32
Hona hemen,inork jakinminik balu, Dantzan Ikasi saioko azalpenetarako erabili nuen gidoia (pdf):
https://drive.google.com/[…]/view?usp=sharing

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan Ikasi

Dantzan Ikasi

Dantza tradizionalaren irakaskuntzan laguntzeko asmoz Gipuzkoako Foru Aldundiak abian jarritako programa da Dantzan Ikasi. Gipuzkoako Dantzaguneak dantza sustapenean egiten dituen ekintzen baitan, dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. http://dantzanikasi.com

__ __ __

Dantza irakasleen lan-poltsa

 

Hurrengo saioak
2022

Aurkezpena: Euskal Herriko plazetarako dantza berriak

Ikastaroa: Haurrekin dantzan jolasteko baliabideak

 

Egindakoak

2022

Dantzan Ikasi Topaketak 2022 // Kronika

Hitzaldi dantzatua: Jon Olazkuaga: Pamperruque // Kronika

Ikastaroa: Dantzan irakasteko baliabideak Eibar I // Beasain // Eibar II // kronika // Bideoa

2021
Sorkuntzaren bideak: Argiaren Martin Zalakain // Kronika // Bideoa
Topaketak 2021: Dantzaren transmisioa, proposamenak eta lanketak // Kronika
Maialen Araolaza: Dantzaren onurak // Bideoa
Oier Araolaza: Genero-identitate euskal dantzan II // Bideoa II
2020
Ikastaroa: Lau urrats eta kitto!  // Kronika
Oier Araolaza: Genero-identitate euskal dantzan I // Bideoa I
Ikastaroa: Dantzan irakasteko baliabideak // Bertan behera
Gaskoiniako herri-dantzak // Kronika
2019
Gogoeta saioa: Sorkuntzaren soka // Kronika
Bisita-dantzatua Patxi Labordarekin // Kronika
Urbeltz, Arregi, Sarriegi: Soka-dantza // Kronika I, Kronika II, Kronika III
Lantzeko zortzikoa Bizkai Elkartea // Kronika
Gaskoiniako herri-dantzak // Kronika
Ibis Albizu: Euskal dantza eta balleta // Kronika
Dantza-luzeak Carles Mas // Kronika
2018
Zuberoako dantzakera // Kronika
Arantzako dantza-luzea // Kronika
Thierry Truffaut: Lapurdiko inauteriak // Kronika
Mikel Alberdi: XIX. mendeko euskal aisia  // Kronika
2017
Berastegiko San Juan dantzak // Kronika
Rapper ezpata-dantzak // Kronika  
Makilaria // Kronika 
Hirunangoak: balsa, mazurka, fandangoa eta ingrutxoak // Kronika 
Patxi Perez: Mutxiko dantzaldien bilakera aztergai // Kronika
2016
Kontra-dantzen sistema // Kronika
Dantza lotua aberasten // Kronika
Larrain-dantza, Lizarrako ingurutxoa // Kronika
Gipuzkoako dantzak IV // Kronika
Gipuzkoako dantzak III // Kronika
2015
Berpizkundeko dantza-maisuen sistema // Kronika
Gipuzkoako dantzak I // Kronika
Dantzan irakasteko baliabideak // Kronika
Dantzan irakasteko baliabideak  // KronikaJean Michel Guilcherri esker ona // Kronika
Zuberoako dantzak // Kronika
Zuberoako dantzak // Kronika
2014
Antton Luku: Dantza libertitzeko? // Kronika
Gipuzkoako urratsak, aldairak eta dantzak // Kronika
Arabako dantzak // Kronika
Durangaldeko dantzari-dantza // Kronika
Erromerien bidaiak // Kronika
Nafarroako Erriberako Paloteadoak // Kronika
Dantza-jauzietatik aitzineko püntüetara //Kronika
Lesakako dantzak // Kronika Ikastaroa eta bisita
2013
Nondik nora // Kronika
Luzaideko dantzak // Kronika
Nafarroa Behereko dantzak // Kronika
Emakumea euskal dantzan // Kronika
2012
Lizartzako dantzak // Kronika
Lau urrats eta kitto // Kronika
Lapurdiko inauteriak // Kronika
Axeri-dantza // Kronika
2011
Ingurutxoak // Kronika
Musika eta dantza // Kronika
Haur folklorea // Kronika
Rapper dantzak // Kronika
2010
Zarauzko folklorea // Kronika
Dantza kantatuak borobilean// Kronika
Xemeingo ezpata-dantza// Kronika
Araba Errioxako dantzak // Kronika
Gorputz prestaketa // Kronika
Dantza-jauziak // Kronika
2009
Zuberoako dantzak // Kronika
Argiaren inguruan // Kronika
Pedagogia // Kronika
Goierriko dantzak // Kronika
Mutil-dantzak // Kronika
Jotak // Kronika

Boletinak
Dantzan Ikasi 1(pdf) - Apirila 2009
Dantzan Ikasi 2(pdf) - Urria 2009
Dantzan Ikasi 3(pdf) - Apirila 2010
Dantzan Ikasi 4(pdf) - Azaroa 2010

Dokumentazioa
Dantza curriculuma(pdf) - 2010
Gipuzkoako dantza irakasleak(pdf) - 2010

Dantzan Ikasi Gipuzkoako Foru Aldundiaren ekimena da. Dantzan elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk elkarteek gainbegiratzen dute proiektuaren ibilbidea Dantzan Ikasiren Jarraipen Batzordetik.

Dantzan Ikasi
ikasi@dantzan.com
Tfnoa. 943 53 04 40
www.dantzanikasi.com

logoa