Mintegia: Gipuzkoako eta Errenteriako dantza moldeak

2025/03/21
Mintegia: Gipuzkoako eta Errenteriako dantza moldeak

Mikel Sarriegik Gipuzkoako dantza-maisuen puntuak eta aldairak. Oinordetza ezkutua liburua aurkeztuko du Errenterian apirilaren 11n. Behin Gipuzkoa osoko dantza-maisuek gorde duten eta hain ezaguna ez den Iztuetaren oinordetza horren ezaugarri nagusienak aurkeztu ondoren, joan den mendean Errenterian 1950eko hamarkadatik aurrera ezagutu ziren zenbait dantzaera eta molde aipatuko ditu Sarriegik eta aurreko haien testuinguruan nola kokatzen diren azalduko ditu, hainbat egikera modu praktikoan ere erakutsiz.

Non dute jatorria gure dantzek? Beti dantzatu al gara berdin? Jakin al daiteke noiz gertatu diren aldaketak? Zergatik gertatu dira aldaketa horiek?

Aurten Erromeria Egunaren 25. urteurrena ospatzen ari dira Errenterian eta horrekin batean dantzari lotutako hainbat ekintza programatu dituzte urtean zehar. Saio hau ere urteurrenaren harira antolatu du Ereintza dantza taldeak Dantzan Ikasirekin elkarlanean.

Gipuzkoako eta Errenteriako dantza moldeak

  • Hitzaldia: Gipuzkoako eta Errenteriako dantza moldeak
  • Gidaria: Mikel Sarriegi
  • Data: 2025eko apirilaren 11, ostirala
  • Ordutegia: 18:00
  • Lekua: Errenteria, Sala Reina aretoa
  • Prezioa: Doan (lekuak bete arte)
  • Izen-ematea: Izena emateko egin klik hemen

 

Errenteriako arku-dantzariak, Sara, 1912. Argazkia: Vida Vasca

Eta Errenterian zer?
Errenteriako dantza-tradizioa ibilbide luzekoa da. Oso zaharrak dira bertako dantza eta dantzarien lehen aipamenak eta gerora ere bertako dantzen historiaren eta bilakaeraren berri ematen duten hainbat datu daukagu. Ezpata-dantzak, soka-dantzak, brokel-dantzak etab. ezagutu dira azken 400 urtetan gutxienez.
Badira Errenterian aritu izan diren dantza-maisuak, eta besteak beste, sona handikoa izan zen Ireneo Rekalde, esate baterako. Dantzari eta maisu segida luzea ezagutu da gerra aurretik (A. Korta, F. Arzamendi, E. Guruzeaga, F. Salsamendi) eta ondoren, tradizio dantzatuaren katebegi: R. Basurto, I. Rekalde, A. Iriberri, R. Taberna, J. Bengoetxea, X. Gastesi... Haien lekukoa jaso zuen Ereintza dantza taldeak zuzenean, gaur egunera arte.

Mikel Sarriegi (Beasain, 1965)

Mikel Sarriegi
Mikel Sarriegi, 2019. Argazkia: Josu Garate - Dantzan CC-BY-SA
Beasaingo Aurtzaka dantza taldeko dantzari, zuzendari eta ikertzailea. Raimundo Gamayo, Martin Iraola eta Jesus Mari Garate dantza-maisuekin ikasia da. Dantzari gisa ibilbide zabala du: Argia, Jakintza eta Ostadar taldeekin aritua; Arrateko Amaren eta Andoaingo Santakruz Kofradietako Ohorezko kidea. Zazpi urtez Euskadiko Gipuzkoar Aurresku Txapelduna (1984-1991). Dantza-maisu bezala bultzatu ditu azken urte hauetan, besteak beste: Igartzako dantzarien Kofradia, Beasaingo Sanjoan esku-dantza edota Goierriko Agintarien soka-dantza. Duela 20 urtetik Gipuzkoako dantza-sistemaren bilakaera ikertzen dihardu. Eta lan horren emaitza da Gipuzkoako dantza-maisuen puntuak eta aldairak. Oinordetza ezkutua lana. liburua.

 

Gipuzkoako eta Errenteriako dantza moldeak

  • Hitzaldia: Gipuzkoako eta Errenteriako dantza moldeak
  • Gidaria: Mikel Sarriegi
  • Data: 2025eko apirilaren 11, ostirala
  • Ordutegia: 18:00
  • Lekua: Errenteria, Sala Reina aretoa
  • Prezioa: Doan (lekuak bete arte)
  • Izen-ematea: Izena emateko egin klik hemen