Baztango Udala eta Batzar Nagusia ez dira ados mutil-dantzen aferan

2018/10/05 09:55

Baztango Udala eta Batzar Nagusia ez dira ados mutil-dantzen aferan

Mutil-dantzak, Baztandarren Biltzarra, Elizondo, 2015-07-19. Argazkia: Oier Araolaza-Dantzan CC-BY-SA

Baztango Batzar Nagusia mutil-dantzetan emakumeak baztertzearen aurka agertu da; Udalak, berriz, ez du salaketarekin bat egin. Elizondoko elizaren eremuetan egiten diren mutil-dantzen saioetan emakumeei parte hartzea ukatzen zaiela salatuz, Plazara Dantzarak, Baztango talde Feministak eta Jo ala Jo elkarteak mozioa aurkeztu du Baztango Udalean eta Batzar Nagusian. Batzar Nagusiak mozioa onartu du aldeko 13 bozkarekin, kontrako 6 bozkarekin eta 7 abstentziorekin. Udal-batzak, ordea, ez du babestu mozioa; Geroa Baik, Auzolanek eta Baztango Ezkerrak kontra bozkatu dute (5 boto), UPNk abstentzioa (4 boto) eta Bilduk (3 boto) aldeko bozka eman du.

Aipatutako mozioan salatzen da, Baztandarren Biltzarrean eta Elizondoko festetan mutil-dantza baztertzaileak ematen direla eta horren aurrean esku hartzeko eskatzen zaie Udalari eta Batzar Nagusiari. Egun, Baztango herrietako festetan jotzen diren mutil-dantza ofizialetan emakumeen parte hartzea bermatua dago. Mozioak salatzen du Elizondoko festetan eta Baztandarren Biltzarrean, emakumeen parte hartzerik gabeko mutil-dantza saioak antolatzen direla Elizaren eremuetan, "bazterketa gauzatu ahal izateko".

Mozioaren sinatzaileek bi eskaera egin dizkie Udalari eta Batzar Nagusiari. Alde batetik, "Publikoki salatzea Elizondoko elizaren eremuan ematen den emakumeekiko bazterketa" eta bestetik, "Ekintza hori egiten duten gizonei egiteari uztea zuzenean eskatzea".

Erlazionatutako elementuak: Emakumeek eta gizonezkoek mutil-dantzak elkarrekin dantzatu dituzte Iruritan; Mutil-dantzetan emakumeak parte hartzeri buruzko eztabaida; Emakumeek ere dantzatu dute Santiago eguneko mutil-dantzetan Elizondon; Generoa, tradizioa eta aldaketa Baztango mutil-dantzetan; Garbiñe Elizegi (Baztango alkatea): “Txistu eta irainak entzun behar izan nituen dantzan hastean”

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)