Gipuzkoako dantzen emanaldi monografikoa eskaini du Goizaldik

Donostiako Goizaldi dantza taldeak Gipuzkoako dantzen sorta du bere ardatz nagusitzat, eta tarteka, osoki Gipuzkoako dantzez osatutako emanaldi monografikoa eskaintzeko ohitura izan du. Azken aldiz 1977an eskainia zuela eta 38 urtere ondoren, 2015eko hondarrean ere halaxe egin du, hain zuzen ere 2015eko abenduaren 20an, Donostiako Victoria Eugenia antzokian eskaini baitu Gipuzkoako Dantzak izeneko emanaldia. 

Berritasunen artean aipatzekoa da genero bereizketarik gabe, neska zein mutil elkarrekin eta batera aritu direla Gipuzkoako zenbait dantzatan.