Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kattalin Agerre Emakumeak Aizarnako eta Elgoibarko aurreskuetan eta Durangaldeko ezpata-dantzari egunean

Dokumentuaren akzioak

Emakumeak Aizarnako eta Elgoibarko aurreskuetan eta Durangaldeko ezpata-dantzari egunean

2016/09/20 09:50
Emakumeak Aizarnako eta Elgoibarko aurreskuetan eta Durangaldeko ezpata-dantzari egunean

Durangaldeko ezpata-dantzari egunean, Izurtza, 2016-09-11. Argazkia: Anboto.org

Orain gutxi arte itxita zituzten ateak irekitzen ari dira dantzan emakumeentzat. Azken aldiko hiru adibide hemen: Aizarnako eta Elgoibarko aurreskuak, eta Durangaldeko ezpata-dantzari eguna.

Aurreskularia Aizarnan

Aizarnako oilasko biltzea eta aurreskua Andra Mari festetan egin ohi dira. Goizean goizetik oilasko biltzean ateratzen dira herriko gazteak, eta zahagi-dantza egiten dute baserri atari bakoitzean. Ikusi hemen iaz Amaiur Aristik egindako kronika. Plazara etorrita aurreskua dantzatu ohi dute. Oilasko biltzea eta zahagi-dantzan badira urteak neska-mutilak elkarrekin aritzen direla, baina aurten aurreskuan, lehen aldiz, neska batek egin ditu aurreskulari lanak. Maddi Astigarraga izan da Aizarnako soka-dantzan aurreskulari lanak egin dituen lehen emakumea.

Aizarna: oilasko-biltzea 2016
Aizarnako oilasko biltzea. Argazkia: Amaiur Aristi

Elgoibarko San Bartolome Eguneko soka-dantza

Abuztuaren 24an, San Bartolome eguna, aurreskua dantzatu ohi da Elgoibarko Foruen plazan. Aurten lehen aldiz, dantzarien lehen soka emakumeek osatu dute eta emakumeak izan dira aurresku eta atzesku lanetan. Zehazki Maialen Astigarraga izan da aurreskua eta Amaia Loiola atzeskua. Ondoren, gizonezkoak gonbidatu dituzte plazara eta neskek mutilei dantzatu diete agurra.

Elgoibar: Soka-dantza 2016 - 1
Soka-dantza Elgoibarren San Bartolome egunean, 2016-08-24. Argazkia: Rafa Alkorta.

Durangaldeko Ezpata-dantzari eguna

Gerediaga elkarteak antolatuta, Durangaldeko ezpata-dantzari taldeen ekitaldi handia izan ohi da Merinaldeko Ezpata-dantzari eguna. Izurtzan ospatu da aurtengo ekitaldia, eta lehen aldiz, zenbait emakumek parte hartu dute bertan dantzari-dantza dantzatuz. Zehazki, Durangoko Kriskitin taldeko zortzikotean hiru emakumek parte hartu dute: Leire Sagastigoia, Ixone Aroma eta Garazi Sarrionandia.

Izurtza: Durangaldeko Ezpata-dantzari eguna 2016 Kriskitin 004
Kriskitin dantza taldea Durangaldeko ezpata-dantzari egunean, Izurtza, 2016-09-11. Argazkia: Anboto.org

Izurtza: Durangaldeko Ezpata-dantzari eguna 2016 Kriskitin
Kriskitin dantza taldea Durangaldeko ezpata-dantzari egunean, Izurtza, 2016-09-11.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.