Mutil-dantzetan emakumeak parte hartzeri buruzko eztabaida

Santiago egunean mutil-dantzak izan ohi dira egun handiko protagonistak Elizondon. Ikusmina zegoen zer gertatuko ote zen azken urteotako eztabaida dela eta. Udalak esan zuen ezin zitzaiela emakumeei debekatu dantzan parte hartzea, eta Elizondoko txistulariek uko egin diote jotzeari. Ondorioz, Javier eta Patxi Larralde, eta Martin Elizalde aritu ziren txistua eta danborrarekin Elizondoko plazan.

Plaza berritu berri eta euri-langarra egin zuen goiz osoan zehar, eta beraz, egoera berezi asko. Mutil-dantzari askok uko egin omen diote dantzatzeari, ez daudelako konforme emakumeen parte hartzearekin. Dena den aurten ez da emakumerik sartu dantzan. Aipatu denez, normalean 60 mutil-dantzari inguru biltzen dira, eta aurten 23 aritu dira.

Dantza, ohi bezala, Felix Menak ireki zuen. Emakumeen parte hartzearen kontra agertu izan da Mena, baina arduraz jokatzeagatik ireki omen zuen dantza, ohi duen moduan. Jaietan, gauetan, mutil-dantzak izaten dira berriz plazan, baina emakumearen parte hartzearen kontra daudenek beste deialdi bat egin dute, plazan beharrean Ikastola aurreko plazatxoan bildu eta dantzatzeko.

Baztango Haizegoak mutil-dantzen emanaldiko zenbait argazki sareratu ditu eta hona ekarri ditugu CC-BY-SA lizentzia baliatuz.

Mutil-dantzak Elizondon, 2010-07-25. CC-BY-SA Baztango Haizegoa

Gaiaren inguruan argitaratu diren hainbat kontu:

• El pueblo que danza. Diario de Noticias, 2005/07/27.
• Día grande al compás de las Mutildantzas, Diario de Noticias, 2006/07/26.
• El eterno debate de la danza 'sólo para hombres', Diario de Noticias, 2006/09/26.
• Neskek plazan dantzatu nahi dute, Berria, 2007/08/10.
• Mutil-dantzak, pitilin-dantzak?, Ernesto Prat-en gutuna, Berria,  2007/08/30.
• Mutildantza de Elizondo, Elizondoko Txistularien gutuna. Noticias de Navarra, 2009-10-08.
• Mutilen dantza. Baztango Haizegoa blogean artikulua eta erantzun sorta zabala, 2009/11/18.
  
• Mutil danza, eusko dantza? Baztango Haizegoa blogean artikulua, 2010/07/19.
• Notables ausencias en la mutildantza. Diario de Navarra, 2010/07/26.
• Plante" Mutildantzari. Noticias de Navarra, 2010/07/26. Albiste honen erantzunetan eztabaida luzea dago Noticias de Navarran bertan.
  

• Elizondo: Mutil-dantzak 2009 Hiru puntukoa (mutilak bakarrik)
• Ezpalak 2010 Baztandarrak: mutxikoak (neska-mutilak)
• Ezpalak 2010 Baztandarrak: Aunitz urtez eta zazpi jauzi zaharra (neska-mutilak)