Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kattalin Agerre Neska-mutil kurduak: gerrarako armak hartuta, dantzarako eskutik helduta

Dokumentuaren akzioak

Neska-mutil kurduak: gerrarako armak hartuta, dantzarako eskutik helduta

2016/02/15 05:45
Neska-mutil kurduak: gerrarako armak hartuta, dantzarako eskutik helduta

Gerlari kurduak soka-dantzan, Efrin-en, Sirian, 2016-02-10.

Govend deitzen dute turkuek, jaiotza, urteberri egun, ezkontza zein beste edozein ospakizunetan sokan, borobil irekian egiten duten dantza. Inguruko beste hainbat herritan ere dantzatzen dituzte era honetako soka-dantzak, baina beste zenbaitetan ez bezala, kurduen soka-dantzetan, ohikoa izaten da gizon eta emakumeak elkarrekin aritzea, eskuz esku, soka berean dantzan.

Gerra eta soka-dantza uztartzen dituzten irudiek "Gerra eta soka-dantza Salonikan eta Berrizen" artikulua ekarri digute gogora. Salonikan, 1916an, Lehen Mundu Gerran serbiar ofizialek eskoziarrekin dantzatutako kolo edo soka-dantzaren irudi ederretan edo Berriz-en, 1939an, soldadu eta herritarrek elkarrekin dantzatutako aurreskuaren irudiak, oso gertuko egiten zaizkigu Kurdoen irudiokin.

THE SERBIAN ARMY IN THE SALONIKA CAMPAIGN 1915-1918Argazkia: Ministry of Information First World War official collection © IWM (Q 32156)

MINISTRY OF INFORMATION FIRST WORLD WAR OFFICIAL COLLECTIONArgazkia: Ministry of Information First World War official collection © IWM (Q 32071) 

 

1939 Berriz Andikona soka-dantza
Berriz, Andikona, 1939-08-20. Argazkia: Indalezio Ojanguren / Guregipuzkoa.net CC-BY-SA

Dokumentuaren akzioak

2016/02/15 09:41
Bideo eta testu interesgarrik Kattalin. Beste soka-dantza bat ekarri didate gogora. Hemen duzu Sadam Hussein, beste gauza askoren artean, milaka kurdu hil eta hilarazi zituena, soka-dantza baten buruan:
https://www.youtube.com/wat[…]g&index=341&list=WL
Gizonen soka-dantza Husseinena, purua ahoan (beste sinbolo faliko bat?), guztien nagusi. Dantza botere-erakustaldirako tresna gisa ageri zaigu hemen.
Jarritako irudi eta egoera guztietan dantzak funtzio garrantzitsua betetzen duela iruditzen zait, kasuan kasuko gizarte-ereduaren eta antolaketaren erakusgarri gisa. Benito Lertxundik Zuberoa diskan kantatzen zuen moduan, "bizitzaren soka-dantzan / lehenbiziko jauzi /natura eta bizi-indarren / ereberritze kosmozkoan /bizi sinestearen oinarri". Eskerrik asko.

Erantzun

Erantzuna emateko identifikatu egin behar zara, gure webgunean erabiltzaile bat sortuz.