Hemen zaude: Hasiera Albisteak Emakumeek eta gizonezkoek mutil-dantzak elkarrekin dantzatu dituzte Iruritan

Dokumentuaren akzioak

Emakumeek eta gizonezkoek mutil-dantzak elkarrekin dantzatu dituzte Iruritan

2014/05/30 12:30
Iruritako Xalbatore festak hasi dira Baztanen, eta bi urtez Iruritako festetan mutil-dantzarik egin gabe pasa ondoren, ikusmina zen ea aurtengoan zer gertatuko den ikusteko. Bart egin da lehen mutil-dantza saioa Iruritako plazan eta liskarrik gabe, emakume eta gizonek elkarrekin dantzatu dituzte mutil-dantzak.

Naiara Elolak twitterren eman zuen bart zuzenean Iruritako mutil-dantzaren berri. Mutil-dantzak ikustera jende andana bildu zela esan ostean, "Neska zein mutil ari dira i nolako arazorik gabe mutil dantza dantzatzen! Berdintasunaren bidean" esan zuen txio batean.

2014-05-29. Iruritako Xalbatore festak. Emakumeak mutil-dantzetan.

Ondoren, bi emakumeren artean izandako elkarrizketa (!) aipatzen zuen, emakume batek besteari "ez atera, hau ez da neska-dantza" esan ziola, baina honek jaramonik egin ez eta plazara atera zela dantzara.

Berrian nabarmendu da, Iruritako festetan bi urtez mutil-dantzarik egin gabe izan ondoren emakumeek parte hartu dutela eta istilurik gabe iragan direla mutil-dantzak. Bihar ostirala eta etzi larunbata, mutil-dantzen beste bi saio egingo dira, iluntzeko 21:30ean.

2014/05/30 13:41
Ea urte gutxiren buruan ez den notizia inorentzat eta festaz eta dantzaz gozatzeaz baino ez dugun arduratu behar!

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Emakumeek eta gizonezkoek mutil-dantzak elkarrekin dantzatu dituzte Iruritan

Argazkia: Naiara Elola