Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kattalin Agerre Mutil-dantza ez baztertzaileak eta feministak aldarrikatu ditu Plazara Dantzarak

Dokumentuaren akzioak

Mutil-dantza ez baztertzaileak eta feministak aldarrikatu ditu Plazara Dantzarak

2022/06/15 09:25
Mutil-dantza ez baztertzaileak eta feministak aldarrikatu ditu Plazara Dantzarak

Mutil-dantzak Elizondon, 2018. Argazkia: Maite Irizar.

Udako festen atarian Baztango mutil-dantza kontra-programatu baztertzaileen aurkako mezua kaleratu du Plazara Dantzara taldeak eta festak denok elkarrekin dantzan, inolako bereizketa eta bazterketarik gabe, igarotzeko garai eta espazioak direla aldarrikatu dute. Hemen argitaratu duten oharra:

Behar bezalako bestarik gabeko bi urte luzeren ondotik, itzuli dira elkarrekin ospatzeko bestak, herria elkartzeko eta inguruko herrietako jendearekin elkarrekin egoteko. 
Jakin badakigu elkarrekin erraten dugularik, denendako erran nahi dugula, bereizketarik eta bazterketarik gabeko besten kontu ari garela. Erasorik gabe eta libre ibiltzeko bestak.
Guri dagokigunez, mutil-dantzak izan dira borroka gunea, eta horrekin batean Baztanen hondar urteetan dantza parekidea eta librea paratu ditugu erdigunean. Lortu dugula ere erraten ahal dugu, azkeneko urteetan ez delakoz mutil-dantza baztertzailerik programatu herrietako bestetan. 
Zorionez programatu ez, zoritxarrez, kontra programatu bai. Baztango Mutil-dantzariak taldeak Elizondoko bestetan mutil-dantza baztertzailearen saio bat edo gehiago kontra-programatu baitzuen. Elizako eremuan segitu dute beren bazterketa gauzatu nahian. 2019an dantza hartan sartzea erabaki genuen, eta emakumeak mutil-dantzetan onartzen ez dituen gizon taldeak, gurekin dantzan segitu zuen. Kontra-programazio hauek urteetan Baztango emakumeak sufritutako bazterketaren azkenengo erakusle dira. Bazterketa betikotzeko azkenengo saiakera, plaza parekidea ez onartzeko azkenengo temazukeria.
Honen aitzinean segituko dugu herritar guztiak herriko plazetara gonbidatzen. Batzuk bazterketa betikotu nahi badute ere guk herritarren arteko aniztasuna, askatasuna eta berdintasuna betikotu eta ospatu nahi ditugu.
Mezu honekin adierazi nahi duguna da, guk feminismoan lanean segitzen dugula,  eta gero eta argiago dugula ez dugula bazterketa bakar bat ere onartuko denendako diren bestetan, ez bertze inon ere.
Iruritako eta Berroetako bestetan gozatu dugun bezala, goza dezagun gure kulturaren parte diren mutil-dantzetan plaza guzietan. 
 Plazara Dantzara
Kattalin Agerre

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

 

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)

Ermua: dantzari-dantza (2015)

Unanu: mamuxarroak (2016)

Goizaldi: Gipuzkoako dantzak (2016)

Luzaide: Bolant-dantzak (2016)

Ajangiz: dantzari izandakoei omenaldia (2016)

Nesken parte hartzea Santa Agedatan

Berriz: emakumeak dantzari-dantzan parte hartzeko (2016)

Antzuola: Mairuaren Alardeko trokeo-dantzak (2016)

Itziar: Gazteen aurreskua (2016)

Aizarna: Aurreskua (2016)

Elgoibar: Soka-dantza (2016)

Durangaldeko ezpata-dantzari eguna (2016)

Luzaide: Jauziak (2017)

Lezo: Soka-dantza (2017)

Zaldibar: Dantzari-dantza (2017)

Iurreta: dantzari-dantza (2018)

Aduna: axeri-dantza (2018)

Goizueta: zahagi-dantza (2019)

Beasain: umeen aurreskua (2019)

Berriz: dantzari-dantza (2019)

Lesaka: ezpata-dantza (2019)

Lizartza: dantza-soka (2019)

Monteagudo: paloteadoa (2019)

Markina: saragi-dantza (2020)

Markina: karmenetako aurreskua (2020)

Atzerrian:

Neska-mutil kurduak: gerra eta dantza

Genero rolak hankaz gora tangoan

Boise: Oñatiko dantzak (2019)

Generoa dantzan: lehengo kontuak:

Behin batez yoan ninduzun

Emakume espainola: otzana eta xumea, baita dantzan ere

Balletaren maskulinitatea

Potxuak, Idahon aurreskua dantzatzen zuten emakumeak

Orio: aurreskua (1942)

Añorga: aurreskua (1944)