Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kattalin Agerre Neskak dantzari-dantzan Bizkaiko Dantzari Egunean

Dokumentuaren akzioak

Neskak dantzari-dantzan Bizkaiko Dantzari Egunean

2019/05/24 08:20
Neskak dantzari-dantzan Bizkaiko Dantzari Egunean

Bizkaiko Dantzari eguna, Sestao, 2019-05-19. Argazkia: Txebi Arriaga

Iaz talde gutxi batzuetan neskek dantzatu bazuten dantzari-dantza Bizkaiko Dantzari Egunean, aurten talde gehiagotan izan dira neskak ezpata-dantza eginez. Talde askotan mutilak bakarrik dantzatzen dute oraindik, baina denbora gutxian emakumeen parte hartzea dantzari-dantzan orokortzen hasi da. Durangaldeko dantzak izanik, Durangaldean emakumeek dantzari-dantzan parte hartzen hasi ahala, eta Merinaldeko ezpata-dantzari egunean ere parte hartzen hasi ondoren, Bizkaiko Dantzari Eguneko ezpata-dantzarien alarde handian ere hasi dira emakumeak dantzari-dantza dantzatzen.

Bizkaiko Dantzari eguna 2019
Bizkaiko Dantzari eguna, Sestao, 2019-05-19. Argazkia: Txebi Arriaga

Bizkaiko Dantzari eguna 2019
Bizkaiko Dantzari eguna, Sestao, 2019-05-19. Argazkia: Txebi Arriaga

Pasa den igandean Sestaon ospatu zen Bizkaiko Dantzari Egunean Txebi Arriagak egindako argazkietan ikus daiteke hainbat taldetan parte hartu dutela emakumeek 2019an dantzari-dantzan. Sestaoko futbol zelaira neska-mutilez osatutako ezpata-dantzari taldeak plazaratu ziren, baita emakumeek bakarrik osatutakoak ere, eta baita soilik mutilez osatutakoak ere. Nerabe, gazte eta heldu gutxi batzuk, adin guztietako emakumeak ikusi ahal izan ziren dantzari-dantza dantzatzen. Bizkaiko hainbat dantza taldeetan luzaroan indarrean izan den genero banaketa, umetatik mutilak dantza batzutara bideratzen zituena eta neskak beste dantza batzuetara, kolokan hasi da jartzen orain. 

Bizkaiko Dantzari eguna 2019
Bizkaiko Dantzari eguna, Sestao, 2019-05-19. Argazkia: Txebi Arriaga

Bizkaiko Dantzari eguna 2019
Bizkaiko Dantzari eguna, Sestao, 2019-05-19. Argazkia: Txebi Arriaga

Durangaldean bertan ezarri dira jatorriz Merinalde horretakoa den dantza errepertorioan genero bereizketarekinn bukatzeko oinarriak azken urteetan. Tartean izan dira besteak beste Durangon 2015eko San Faustotan lau emakumek eta lau gizonezkok dantzatu zutenekoa, Berrizen 2016an udalak dantza taldeekin dantzari-dantzan emakumeen parte hartzea baimentzeko hartutako erabakia edo Iurretan 2018an Mikel Deuna dantza taldeko belaunaldi berria neska eta eta mutilez osatuta plazaratu izana eta San Migeletan eskainitako emanaldia bera.

Bizkaiko Dantzari eguna 2019
Bizkaiko Dantzari eguna, Sestao, 2019-05-19. Argazkia: Txebi Arriaga

Bizkaiko Dantzari eguna 2019
Bizkaiko Dantzari eguna, Sestao, 2019-05-19. Argazkia: Txebi Arriaga

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kattalin Agerre

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

 

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)

Ermua: dantzari-dantza (2015)

Unanu: mamuxarroak (2016)

Goizaldi: Gipuzkoako dantzak (2016)

Luzaide: Bolant-dantzak (2016)

Ajangiz: dantzari izandakoei omenaldia (2016)

Nesken parte hartzea Santa Agedatan

Berriz: emakumeak dantzari-dantzan parte hartzeko (2016)

Antzuola: Mairuaren Alardeko trokeo-dantzak (2016)

Itziar: Gazteen aurreskua (2016)

Aizarna: Aurreskua (2016)

Elgoibar: Soka-dantza (2016)

Durangaldeko ezpata-dantzari eguna (2016)

Luzaide: Jauziak (2017)

Lezo: Soka-dantza (2017)

Zaldibar: Dantzari-dantza (2017)

Iurreta: dantzari-dantza (2018)

Aduna: axeri-dantza (2018)

Goizueta: zahagi-dantza (2019)

Beasain: umeen aurreskua (2019)

Berriz: dantzari-dantza (2019)

Lesaka: ezpata-dantza (2019)

Lizartza: dantza-soka (2019)

Monteagudo: paloteadoa (2019)

Markina: saragi-dantza (2020)

Markina: karmenetako aurreskua (2020)

Abaltzisketa: Txantxoak (2022)

Donibane Lohizune: Donibaneko aurreskua (2022)

Lekeitio: Kaxarranka (2022)

Ordizia: Santanazaleen aurreskua (2022)

Markina: ezpata-dantza (2022)

Uztaritze: Kaskarotak (2023)

Otsagabia: Muskildako Amaren dantzak (2023)

Atzerrian:

Neska-mutil kurduak: gerra eta dantza

Genero rolak hankaz gora tangoan

Boise: Oñatiko dantzak (2019)

Generoa dantzan: lehengo kontuak:

Behin batez yoan ninduzun

Emakume espainola: otzana eta xumea, baita dantzan ere

Balletaren maskulinitatea

Potxuak, Idahon aurreskua dantzatzen zuten emakumeak

Orio: aurreskua (1942)

Añorga: aurreskua (1944)