Mary Neal, ia historiatik kanpo gelditu den morris dantzen bultzatzailea

2019/05/29 08:20

Mary Neal, ia historiatik kanpo gelditu den morris dantzen bultzatzailea

Mary Nealen Esperance klubeko dantzariak.

Mary Neal 1860an jaio zen Birmingham-en, sufragista, aktibista soziala eta morris dantzen bultzatzailea. Hogeita zortzi urte zituela ahizpa Mary izena hartuta behartsuei laguntzen hasi zen Londresen. 1895ean, berriz, Espérance Club izeneko neskatoentzako kluba sortu zuen Emmeline Pethick-ekin batera.

Neskatoekin egin nahi zuten lan, dantza, abestiak eta antzerki oinarri hartuta. Horrez gain, ehun enpresa ere sortu zuten, emakume horiek lan mundura sartzeko. Aurrena kantu herrikoiak ikasi zituzten. Ondoren, Mary Nealek Cecil Sharp-i eskatu zion Ingalaterrako dantza tradizionalak erakusteko neskatoei. Hark William Kimber eta Headington Quarry-ko morris dantzariak eraman zituen klubera. Horrela Esperance klubeko neskek 1906an lehenengo emanaldia eskaini zuten Londresko Queen Hall antzokian.

Neskatoen ikuskizunak ospetsuak egin ziren. Hori dela eta Ingalaterrako herrixka, eskola eta fabriketara gonbidatzen zituzten dantza eta musika klaseak ematera. Esperance klubeko neskak morris dantzen berpizkundearen giltzarrietako bat izan ziren.

Sozialista zen Neal eta 1899an Londresen egin zen Emakumeen Nazioarteko Kongresuan parte hartu zuen. Nealek Estatu Batuetara bidaiatu zuen 1910 eta 1911 bitartean, Ingalaterrako dantza tradizionalak sustatzera. 1934an, bake-epaile aritu zen, gaztetxoen delinkuentziarekin lanean. Ekintzailea eta borrokalaria izan zen eremu askotan eta bizitzak transformatzeko dantzak eta antzerkiak duten indarra demostratu zuen, batez ere gazteengan eta pobreengan izan dezaketen eragina.

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)