La Camargo, orain 300 urte "entrechat quatre" egin zuen dantzari harrigarria

2016/11/18 08:15

La Camargo, orain 300 urte "entrechat quatre" egin zuen dantzari harrigarria

"La Camargo dancing", Nicolas Lancret (1730), National Gallery of Art.

Marie Anne de Cupis de Camargo zuen izena, 1710ean Brusselan jaio eta Europako antzoki nagusiak harrituta utzi zituen dantzari bertutetsua. "Entrechat quatre" egin zuen lehen emakumea izan zen La Camargo, takoidun zapatak utzi eta txapinekin dantzatzen hasi zen lehen dantzarietakoa izan zen.

Aita biolin-jolea eta dantza-maisua zuen, eta umetatik dantzarako trebatu zuen alaba. Hamar urte zituela Paris-eko Operako lehen dantzaria zen Françoise Prevost dantzariarekin aritu zen trebatzen eta oso gazte lortu zituen lehen dantzari izendapenak bai Brusselan eta Rouen-en. Pariseko Operako Balletean 1726an egin zuen debuta Les Caractères de la Danse obrarekin. Prévost-ek koreografiatutako balleta zen eta Camargok zur eta lur utzi zituen ikusleak bere teknika harrigarri eta dantzakera energikoarekin, entrechat eta kabriola distiratsuak eginez.

Dantzarako txapinak erabiltzen eta entrechat quatre egiten lehen emakumea izateaz gain, dantzarako soinekoa laburtu zuen, eta garaiko modan eragin handia izan zuen, bai janzkera, orrazkera eta oinetakoekin egiten zuen ekarpen bakoitza modan jarriz.

La Camargo (Nicolas Lancret, 1730) — "La Camargo dancing", Nicolas Lancret (1730), National Gallery of Art.

Nicolas Lancret margolariak margotu zuen La Camargo 1730ean haren irudia gaurdaino iraun-araziz. Soineko zuri eta luzea darama bertan, eta bikotean ageri da dantzan. Atzean, musikarietako bat dantzarako jotzen ari dela dirudi, eta hain zuzen ere, txistulari edo danbolinteroa da bera.

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)