Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kattalin Agerre "Dantzaria dantzari da, emakumea edo gizona izan baino lehen"

Dokumentuaren akzioak

"Dantzaria dantzari da, emakumea edo gizona izan baino lehen"

2019/04/02 08:15
"Dantzaria dantzari da, emakumea edo gizona izan baino lehen"

Maskaradak, Idauze-Mendi, 2015-01-18. Argazkia: Iñaki Zugasti - Dantzan CC-BY-SA

Joana Etxartek, Marylin Rekaltek eta Joana Hokik maskaradetan eta pastoraletan bizi izan dituzten sentsazio eta sentimenduak azaldu dituzte Mauleko zinka ostatuan martxoren 8an. Euskal irratietan jaso dituzte mahai inguruan jasotako zenbait adierazpen. Pastoraletan, emakumeak albo batean eta bigarren paperean agertzen direla argi ikusten dute eta horri buelta ematea aldarrikatzen dute, emakumeak bazterretik lehen planora ekartzeko beharra. Dantzan, berriz, mutil eta neska eskemak apurtu behar dela diote.

46608214462_38134a8c3a_b.jpg
Maskaradak, Urdiñarbe, 2019-01-06. Argazkia: Jokin Artola - Dantzan CC-BY-SA.

"Konprenitu ahal dut txakurren lekua, baina emazteen lekua ez dut konprenitzen", Joana Etxartek dio pastoraletan leku jakin batzuk sortzen direla emakumeentzat, mugatuak. Eremu zehatz horietan ager daitezke emazteak, baina ez beste nonbait. Nabarmendu du historia androzentristak kontatzen direla gehienetan, gizon baten biografia azaldu ohi da eta agertuko dira ama, emaztea edo alaba, baina esklusibotasuna gizonarena da.

Pettareko maskaradak
Maskaradak, Pettarra, 2017-01-22. Argazkiak: Amaiur Aristi - Dantzan CC-BY-SA

Marylin Rekaltek aitortzen du emakumeek dantzan badutela leku bat, baina puntu nagusi edo ederrenak gizonentzako eginak direla iruditzen zaio. Gizonen indarra eta azkartasuna apreziatzen dira, baina emakumeren batek abilezia horiek erakutsi izan dituenean, ez duela eder dantzatzen entzun izan da publikoan, mutikoen gisa dantzatzen baitu eta ez modu goxo eta femeninoan, "Onar dezagun emazte batek dantza indartsuak ematea ederra dela. Kontuan hartu dantzaria dantzari dela, emakumea edo gizona izan baino lehen".

Joanikot Pastorala - Iñaki Zugasti 01
Joanikot Pastorala 2017-07-30. Argazkia: Iñaki Zugasti-Dantzan CC-BY-SA

Gizarteko beste esparruetan bezala, plazako jokoetan ere gizonei rol batzuk atxikitzen zaizkiet eta emakumeei beste batzuk. Joana Hokik dio maskaradetan ere badagoela zeregina, batez ere beltzeriari dagokionez. Mutiko batek beti lekua izango du beltzerian, baina neska bati beltzen taldean irteteko ezaugarri asko eskatuko zaizkio.

Informazioa: Zer edo non da emazten leküa plazako joküetan (Euskal Irratiak, 2019-03-14)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kattalin Agerre

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

 

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)

Ermua: dantzari-dantza (2015)

Unanu: mamuxarroak (2016)

Goizaldi: Gipuzkoako dantzak (2016)

Luzaide: Bolant-dantzak (2016)

Ajangiz: dantzari izandakoei omenaldia (2016)

Nesken parte hartzea Santa Agedatan

Berriz: emakumeak dantzari-dantzan parte hartzeko (2016)

Antzuola: Mairuaren Alardeko trokeo-dantzak (2016)

Itziar: Gazteen aurreskua (2016)

Aizarna: Aurreskua (2016)

Elgoibar: Soka-dantza (2016)

Durangaldeko ezpata-dantzari eguna (2016)

Luzaide: Jauziak (2017)

Lezo: Soka-dantza (2017)

Zaldibar: Dantzari-dantza (2017)

Iurreta: dantzari-dantza (2018)

Aduna: axeri-dantza (2018)

Goizueta: zahagi-dantza (2019)

Beasain: umeen aurreskua (2019)

Berriz: dantzari-dantza (2019)

Lesaka: ezpata-dantza (2019)

Atzerrian:

Neska-mutil kurduak: gerra eta dantza

Genero rolak hankaz gora tangoan

 

Generoa dantzan: lehengo kontuak:

Behin batez yoan ninduzun

Emakume espainola: otzana eta xumea, baita dantzan ere

Balletaren maskulinitatea

Potxuak, Idahon aurreskua dantzatzen zuten emakumeak

Orio: aurreskua (1942)

Añorga: aurreskua (1944)