Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kattalin Agerre Neska-mutilek osatutako sokak Asteasun eta Bergaran

Dokumentuaren akzioak

Neska-mutilek osatutako sokak Asteasun eta Bergaran

2018/07/12 08:45
Neska-mutilek osatutako sokak Asteasun eta Bergaran

Sanpedroetako soka-dantza, Asteasu, 2018-06-29. Argazkia: Maite Irizar-Dantzan CC-BY-SA

San Pedro egunean Asteasun eta San Martzial egunean Bergaran, neskek zein mutilek dantzatu dituzte aurreskuak. Genero bereizketak alde batera utzi eta dantzariak bihurtu nahi izan dira protagonista.

Elizmendiko dantza-soka

San Pedro egunean, ekainaren 29an, asteasuar ugari elkartu dira Elizmendin. Meza, omenaldiak, hamaiketakoa eta dantza-sokarekin ospatu dute jaia. Aurtengoan, orain arte ez bezala, neskak eta mutilak atera dira sokan. Jaiak prestatzeko bileratan proposatu omen da aurten nesken parte hartzea gauzatzeko aukera eta horrela animatu dira neskak.

1936ko Gerratik egin gabe egon ostean, 2008an ekin zioten asteasuarrek atzera ere dantza-soka egiteari. Angeles Uzkudun herritarrak emandako testigantzekin osatu zuten soka herriko gizon helduekin. Azken bizpahiru urteotan, gero eta gazteagoak ziren partaideak, eta aurretik herriko hainbat ahotsek proposatutakoekin aurten erabaki dute sokako kideak gizonak eta emakumeak izatea.   

Asteasu soka-dantza
Sanpedroetako soka-dantza, Asteasu, 2018-06-29. Argazkia: Maite Irizar-Dantzan CC-BY-SA

San Martzialeko aurreskua

Biharamunean, bergararrek asteasuarren bide beretik jarraitu dute, emakumeek eta gizonek osatutako aurreskua dantzatu baitute Bergarako San Martzial erromerian. Aurreskuak azaldu digunez, aldaketa modu naturalean eman da, "dantza Xamatz dantza taldeko oraingo eta lehengo dantzariek eta zinegotziek egiten dugu. Aurten jende berria sartu da, lehen dantzan ibili gabeak ere bai, propio soka-dantzako entseguetan prestatu dute dantza".

Bergara soka-dantza
Sanmartzialetako soka-dantza, Bergara, 2018-06-30. Argazkia: goiena.eus

Azken urteetan nahiko soka heldua ateratzen omen zen, aurtengo berrikuntza bikoitza izan da, soka gaztetzearekin batera emakumeak sartu baitira. Aurtengoa berdintasunera bidean lehenengo urratsa izan da, hurrengo pausoa aurreskua edo atzeskua emakumea izatea izan liteke, "herrian emakumezko dantzari on dezente daudela ikusita, horiek animatzea izango litzateke ona, berritua eman ahal izateko sokari".

Bergara soka-dantza
Sanmartzialetako soka-dantza, Bergara, 2018-06-30. Argazkia: goiena.eus

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kattalin Agerre

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

 

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)

Ermua: dantzari-dantza (2015)

Unanu: mamuxarroak (2016)

Goizaldi: Gipuzkoako dantzak (2016)

Luzaide: Bolant-dantzak (2016)

Ajangiz: dantzari izandakoei omenaldia (2016)

Nesken parte hartzea Santa Agedatan

Berriz: emakumeak dantzari-dantzan parte hartzeko (2016)

Antzuola: Mairuaren Alardeko trokeo-dantzak (2016)

Itziar: Gazteen aurreskua (2016)

Aizarna: Aurreskua (2016)

Elgoibar: Soka-dantza (2016)

Durangaldeko ezpata-dantzari eguna (2016)

Luzaide: Jauziak (2017)

Lezo: Soka-dantza (2017)

Zaldibar: Dantzari-dantza (2017)

Iurreta: dantzari-dantza (2018)

Aduna: axeri-dantza (2018)

Goizueta: zahagi-dantza (2019)

Beasain: umeen aurreskua (2019)

Berriz: dantzari-dantza (2019)

Lesaka: ezpata-dantza (2019)

Lizartza: dantza-soka (2019)

Monteagudo: paloteadoa (2019)

Markina: saragi-dantza (2020)

Markina: karmenetako aurreskua (2020)

Abaltzisketa: Txantxoak (2022)

Donibane Lohizune: Donibaneko aurreskua (2022)

Lekeitio: Kaxarranka (2022)

Ordizia: Santanazaleen aurreskua (2022)

Markina: ezpata-dantza (2022)

Uztaritze: Kaskarotak (2023)

Otsagabia: Muskildako Amaren dantzak (2023)

Atzerrian:

Neska-mutil kurduak: gerra eta dantza

Genero rolak hankaz gora tangoan

Boise: Oñatiko dantzak (2019)

Generoa dantzan: lehengo kontuak:

Behin batez yoan ninduzun

Emakume espainola: otzana eta xumea, baita dantzan ere

Balletaren maskulinitatea

Potxuak, Idahon aurreskua dantzatzen zuten emakumeak

Orio: aurreskua (1942)

Añorga: aurreskua (1944)