Emakume eta gizonezkoek elkarrekin dantzatu dute Mairuaren Alardeko trokeo-dantzetan

2016/07/28 09:00

Emakume eta gizonezkoek elkarrekin dantzatu dute Mairuaren Alardeko trokeo-dantzetan

Argazkia: Aitor Agiriano - Goiena

Uztaileko hirugarren larunbatean, uztailaren 16an ospatu da Antzuolan Mairuen alardea, eta lehen aldiz, Oinarin dantza taldeko dantzariak, neska eta mutil, batera dantzatu dituzte alardean ohikoak diren trokeo dantzak. Orain arte, mutilek egiten zituzten trokeo-dantzak, eta neskek, aldiz, alardeko zortzikoa dantzatzen zuten. 2015eko uda aurretik erakutsi zuten neskek trokeo-dantzak ikasteko interesa eta horretan aritu ziren urte bereko urrian makil-txiki, arku-dantza, makil-handi eta zinta-dantza Basauriko dantza agerketara eraman zituzten arte. Orduan izan zuten neskek Mairuaren Alardeko trokeo-dantzetako dantzari izateko lehen aukera.

Antzuola mairuaren alardea 2016 02 — Trokeo-dantzak Antzuolako Mairuaren Alardean, 2016-07-16. Argazkia: Aitor Agiriano - Goiena.eus

Herriko festako ekintza nagusienera jauzi egin dute oraingoan eta denek batera egin dituzte aipatutako dantzak. Antzuolako herritarren %10ak parte hartu du aurten Mairuaren Alardean eta Oinarineko nesken parte-hartzea dantzan mutilenarekin parekatu trokeo-dantzan parte hartzearekin. Erantzunetan Ion Lizarazuk azaldu digunez, 2009 urterarte emakumeek dantza desberdinekin parte hartzen zuten, eta urte horretan Mairuaren Alardea berritu zen, eta emakumeentzat egindako zortziko bat dantzatzen hasi ziren.

Antzuola mairuaren alardea 2016 03 — Trokeo-dantzak Antzuolako Mairuaren Alardean, 2016-07-16. Argazkia: Aitor Agiriano - Goiena.eus

Informazioa: Mairuaren Alardea egin dute Antzuolan (Goiena)
Informazioa: Alardeko dantzak neska eta mutilen arteko bereizketa barik (Antzuolako alardea)

Dokumentuaren akzioak

Bidali hitzordua

Ion Lizarazu

2016/07/28 12:57

Ez da guztiz zuzena 2009ra arteko dantza gabezia. Dantzariak orokorrean ez zeuden orain bezain integratuak alardean, eta emakumezkoek gainera urtero dantza desberdina dantzatzen zuten.

Dantzan

2016/07/28 13:26

Eskerrik asko Ion. Arrazoi duzu, guk ere badugu gogoan neskak dantzan ikusi izana 2009 urtea baino lehen. Zuzendu dugu testua.

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kattalin Agerre

Urratsez urrats. Dantzaz dantza. Sasi guztien gainetik eta laino guztien azpitik. Kattaliñaño nauzu, Agerreko alaba. Ez nauzu gehiago Murde Beltzuntzen beldurrez.

Emakumeak dantzan: gertatzen ari da

Legazpi: ezpata-dantza (1915-2015)

Deba: San Roke dantzan (1967, 2013)

Durango: dantzari-dantza (2015)

Lasarte (2011), Arizkun (2011)

Villabuena (2013), Pasaia (2015)

Ermua (2015), Barakaldo (2015)

Zumarraga: ezpata-dantza (2015)

Bera: makila-dantzak (2015)

Leitza: ezpata-dantza (2015)

Durango: San Fausto (2015)

Antzuola: trokeo-dantzak (2015)