Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak

Orain arteko ekarpenak

Berriz plazetara buelta!

2021/08/30

Aspaldi zen  —506 egun zehazki — Iruñeko karriketan ez genuela dantzarik egiten. Gurea bezalako jardueretarako zirrikitua inoiz baino txikiagoa izaten ari den honetan, oholtza gainean dantzatzeko zorte ona izan dugu, baita Oñatikoa edo Iurretakoa bezalako plaza ederretan dantzatzekoa ere! Ba...

Gehiago irakurri

Iruñea: San Fermin 2021, bigarren makila-txikiena

2021/07/07

Uztailaren 7ko hau izaten da gure dantza taldearendako urteko egunik garrantzitsuenetako bat. Sanfermin eguneko prozesioaren ondotik, Iruñeko udal plazan ematen ditugu trokeo-dantzak. Aurten bigarren urtez, ezinezkoa izan zaigu ohiko baldintzetan dantzan egitea, baina ez dugu egun berezi hau markatu gabe utzi nahi izan. Aurten sortu eta gure trokeo-dantzen sorta osatuko duen dantza berri batekin ospatu nahi dugu aurtengo Sanfermin eguna. Makila-txikien dantza da, habanera edo mambo erritmoa duena eta guk "Xenpelarrena" deitu duguna, Juan Frantzisko Petriarena Rekondo bertsolaria gogoan.

Irantzu Irigoien, Hasier Moreno, Aitor Puig, Itxaso Martinez, Idoia Egozkue, Akier Akerreta, Haizea Ruiz, Oier Santamaria eta Aritz Ibañez dira dantzariak, Julen Leuza, Ibai Indart eta Beñat Lopez, aldiz, gaitariak. Grabazioa: Mikel Tristan eta Hasier Moreno. Edizioa: Iñaki Tristan.

San Ferminetako trokeo-dantzak, bigarren makila-txikiena, Duguna dantza taldea, Iruñea, 2021-07-07.

Dantzan aritu gara Iurretan, Udaberri kulturala programaren baitan

2021/06/21

Metaforazko zerumuga goibelean argi izpiak ikusten hastea iruditzen zaigun honetan, benetazko zeruak erabateko argitasuna oparitu digu joandako ekainaren 12an, Iurretako plaza zoragarrian egin dugun emanaldian. Beste arnasaldi bat egoera petral honetan. Udaberri kulturala izeneko programaren bait...

Gehiago irakurri

Duguna 2021 trokeo-dantzak

2021/05/27

San Fermin jaietarako sortutako trokeo-dantzak eman ditu Iruñeko Duguna dantza taldeak Oñatin. Karrika-dantza, makil-txikiena, makil-handiena, brokel-dantza, zinta-dantza eta arku-dantza eskaini dituzte. San Fermin Aldapakoaren ezpata-dantzarekin hasi dute Oñatiko Oñatz dantza taldearen 50. urteurrena ospatzeko ekitaldia, eta, ondotik, trokeo-dantzen zikloa plazaratu dute. Jaialdian, iruindarrekin batera, Iurretako dantzariak aritu dira. Bizkaitarrek dantzari-dantza eta erregelak eman dituzte. Irudiak: Oier Araolaza, Amaiur Aristi. San Fermin trokeo-dantzak, Duguna, Oñati, 2021-03-17.

Duguna 2021 ezpata-dantza

2021/04/30

San Fermin Aldapakoaren ezpata-dantzarekin abiatu dute Dugunakoek Oñatiko plazako frontoiko erakustaldia. 2009an Iruñeko San Fermin txiki jaietan plazaratu zuten lehen aldiz eta 2019. urtera arte urtero dantzatu dute Alde Zaharreko karriketan. 2020an ezin izan zuten Iruñea Zaharrean kaleratu eta Lodosako Cerverako urmaelean eman zuten. Aurtengo irailean ez dakigu ezpata-dantza plazaratzeko moduan izango diren, baina, behintzat, Oñatin Iruñeko ezpata-dantzariak ikusteko aukera izan dugu.

Aritz Ibañez kapitain dutela ezpata-dantzari hauek aritu dira dantzan: Leire Leza, Hasier Moreno, Idoia Egozkue, Maialen Ziaurriz, Ainara Ranera, Irene Abrego, Amaia Sorbet, Auritz Garzia, Aitor Puig, Jone Torres, Akier Akerreta, Osel Molinet, Maria Izal, Jon Urmeneta, Irantzu Irigoien, Edurne Turrillas, Itxaso Martinez, Haizea Ruiz, Mikel Garzia, Saioa Seminario. Azkendariak, berriz, ezpata txikiekin Oier Santamaria, Bittori Elizalde, Mikel Tristan eta Itziar Gonzalez dantzatu dira. Shanti Diazek dantzatu du bandera eta Iñaki Tristan ibili da Bobo paperean. Musikariei dagokienez, Aitor Huarte, Eiande Aranburu eta Iñaki Sagardoi aritu dira txistuarekin eta Julen Leuza atabalarekin.

Oñatiko Oñatz dantza taldearen 50. urteurrena dela eta antolatutako jaialdiko irudiak dira honakoak eta Dugunako dantzariekin batera Iurretako dantzarieak ere gonbidatu dituzte urteurrenera oñatiarrek. Irudiak: Oier Araolaza, Amaiur Aristi. San Fermin Aldapakoaren ezpata-dantza, Duguna, Oñati, 2021-03-17.

Oñatin izan gara dantzan, Oñatz taldearen 50. urteurrenean

2021/04/21

Oñatin dantzatzeko aukera izan dugu aurreko larunbatean, apirilak 17 eta energia positibo txertoa izan da, garai hauei lotutako hitz jokoa eginez! Berez 2020rako gonbitea luzatu ziguten Oñatz dantza taldeko lagunek, haien 50. urteurrenaren karietara dantzatzeko, baina ordukoan ezinezkoa izan ze...

Gehiago irakurri

Sagrario Aranburu Olasagarre zendu da

2021/04/09

Triste doakigu 2021eko urte hau ere. Dantzatzeko hamaika arazo eta emateko ditugun berri apurrak, zoritxarrekoak. Atzo utzi gaitu, 90 urterekin, Sagrario Aranburu Olasagarre -k, gure taldeko dantzari aitzindarietakoak. Eta barkatuko gaituzte besteek, baina lehen dantzari haietarik, gogoangarrie...

Gehiago irakurri 2

Angel Etxaniz Ibarra "Veneno" zendu da.

2021/02/03

Bagenekien azken aspaldi honetan kili-kolo zebilela baina bart jaso dugu zorigaiztoko berria, Angel Etxaniz, gure taldearen hastapenetako dantzaria zendu dela. 1933an sortua, 16 urterekin eman zuen izena Iruñeko udal dantza taldean  — jadanik bere bi anai bertan ari baitziren dantzari — �...

Gehiago irakurri 2

Maskaradantzaren urtea

2020/12/31

Buka dadila behingoz dantzan egitea apenas utzi digun urte deabrua! Maskaradantzaren urtea. Eta heldu dena izan dadila dantzaz betexeagoa, behintzat! Intxaur oskola errekastoan nola, harat-honat ibili gaitu pandemiak martxotik hona, baina ikasteko ere balio izan digu: arnas gutxiagorekin bizitze...

Gehiago irakurri

Kalean entsaiatu nahi dugu, kaleak bizi gaitu gu...

2020/11/09

Irailean aire-librean eta urriko lehen astean gerizpean entsaiatu ondotik, gure dantza-jarduna etenda gaude, duela hiru aste pasatxo Nafarroako Gobernuak Covid19aren kontrako neurriak zorroztu zituenetik. Gure borondatez erabaki genuen errepikak etetea, inongo agiritan ez baitute aipatu dantza-jard...

Gehiago irakurri