Hemen zaude: Hasiera Komunitatea Aritz Ibañez Lusarreta

Orain arteko ekarpenak

Lotuneak: Sorginak, Satanak, Dumollet jauna eta haurren lauhazka

2016/11/04

Garai batean Lotuneak izeneko post serie bat argitaratu nuen, beste herri batzuetan ere topatu izan ditudan hainbat euskal doinu tradizional bilduz (Ferreries-eko jaleoa eta Cortes-eko jota , The Galway piper - La Matelote - Matelota, Ekialdeko arin-arinak , Okzitaniako i nauterietatik San Ferm...

Gehiago irakurri 2 erantzun daude

Biba Txantreako Neska-mutil nagusiak!

2016/04/27

Duela 20 urte bersotu zuten Iruñeko Txantreako auzoan maiordomoen usantza. Garai bateko Magdalena auzo zaharreko festetan, jaiak antolatzeko arduradunak hautatzen zituzten mutil gazteek -musika kontratatzea, merenduak antolatzea, ordainketak egitea... zuten ardura nagusi- eta ohitura horretan oina...

Gehiago irakurri

Bidador pastorala: auzolanean uxatu dugu betiko agorraldia

2016/03/31

Kasik bi urte dira Joxemiel Bidador - Iruñeko euskaldunak pastoralaren proiektuarekin hasi ginela. Egun hauetan, emankizunen bigarren itzulian buru-belarri sartuta, eta egitasmo honen argiak itzaltzeko emanaldi bakar baten faltan, bilan bat egiteko una egokia iruditu zait. Nire bizipen pastoralero...

Gehiago irakurri 2 erantzun daude

Maskarada berriak, betiko maskaradak

2016/02/01

Udaberri zaporeko urtarrila honek utzi digun asteburuetako bat probestu dut, Muskildin, Sohüta-Hokiko gazteek atondutako maskaradak ikustera joateko. Emanaldiak hasi aitzineko elkarrizketek ikusmina sortu zidaten: Xorrotxik ez zela izanen eta haien ordez artzaintsa eta axuriak plazaratuko zituz...

Gehiago irakurri

Iruñeko Baltasar: korapilatutako mataza

2016/01/04

Azken egunotan nire burua ere aspertu dut Baltasarren belztasunaren inguruko eztabaidetan parte hartzen. Baina zer galdu zait niri eztabaida horietan? Ba aizue, ezin sahiestu! Alta, sare sozialetan zaila da batek pentsatzen duena nahi bezala garatzea. Beraz, gogoeta hau terapia gisa erabiltzea erab...

Gehiago irakurri 2 erantzun daude

Bolant goiza, Luzaiden

2015/04/20

Bigarren aldia nuen aurtengoa Luzaideko Bolant-egunean eta aurrekoarekin alderatuz, euririk ez zuen ari behintzat. Eguerdi parteko dantzak karrikan ikusiko genituen beraz! Goiz joan ginen, goizean-goizeko puska biltza ez galtzeko asmoz. Hala ere, Luzaideko gasolindegira heltzerako, Ziganteak, Gorri...

Gehiago irakurri

Hartz makilaria

2015/03/24

Plazako dantzen sukarra Iruñea aldean

2015/03/12

2011. urtean abiatu zuten Iruñean Karrikadantza ekimena Karrikiri, Zaldiko Maldiko eta Nafarroako EDB elkarteek eta zenbait norbanakok, eta orduz geroztik egin du bere ibilbidetxoa. Batzuetan arrakasta handiagoz, besteetan gutxiagoz. Batzuetan toki batean, besteetan beste batean. Batzuetan karri...

Gehiago irakurri 2 erantzun daude

"Nafar Folklore Funtsa" elkarte misteriotsua

2015/02/25

Urtarrila hondarrean izan nuen Nafar Folklore Funtsa izeneko ekimen (niretako) misteriotsuaren berri, Iosu Royo-ren eskutik. Nafarroako Mezenasgoaren Legean onartutako gizarte intereseko proiektuak ezagutzera eman zituzten orduan eta ondarearen sailean agertzen ziren lau proiekturen atzean zegoen N...

Gehiago irakurri

Dantzaz eta politikaz

2015/01/19

Gaineko izenburuak besterik ulertarazi badezake ere, post honetan ez naiz ariko dantzak zenbait ekitaldi politikoetan duen presentziaz, historian zehar kolore bateko zein besteko alderdiek dantzaz egin duten erabilpenaz edo agintari politikoek dantzari eman dioten garrantziaz (edo garrantzi ezaz)....

Gehiago irakurri 4 erantzun daude

Orain arteko erantzunak

Aritz Ibañez Lusarreta on Nongo dantzariak dira?

2015/02/19

Gainera, Oikian oilasko-biltzea egiten da eta horrela jantzita doaz parte-hartzaileak. Makil luzeak ere ibiltzen dituzte.
Adibidez: https://leireantia.files.wordpress.com/2008/12/pic_0020.jpg
Eta beste bat: http://www.3digitala.com/share/showMuestra.php?id=5849

Aritz Ibañez Lusarreta on Dantzaz eta politikaz

2015/02/16

Gaineko testuan batez ere dantzak eta artedramak orokorrean barne politikan duen eraginaz aritu nintzen baina asteburuan Berria-k Raul Zelik politogoari elkarrizketa egin eta kanpora begira ere, folkloreak duen garrantziaz ohartarazten zuen:

"Hemendik (Euskal Herritik) kanpo, esaterako, folklorea zerbait kontserbadore gisa ulertu ohi da. Horregatik ulertarazi behar da nortasun kultural horri arreta ematea, funtsean, kultura dominatzailetik urruntzeko modu bat dela, eta horregatik erresistentziazko ekintza bat dela".

Elkarrizketa osoa hemen: http://www.berria.eus/paper[…]klase_identitate_bat_da.htm

Aritz Ibañez Lusarreta on Dantzaz eta politikaz

2015/01/23

Nik baietz esanen nuke. Beti pentsatu izan dut dantza egitea ez zela aerobik-aren pareko ariketa fisiko hutsa, baina duela oso gutxi jabetu naiz dantzaren dimentsio politikoak duen esanahiaz. Gero badakigu, norberak zentzu bat edo beste emanen dio baieztapenari. Toki batzuetan dantza benetan da gizartearen egituratzaile, egun ere, eta niretako hori da eredua. Lukuk dio dantza bere kontestutik aterata, bere hondoko metafora ezagutu gabe eta bere dimentsio politikoa ulertu gabe dantza "folklorea" baino ez dela, hitzaren zentzu negatiboenean. Urteak daramatzagu dantza bere kontestutik kanpo ematen (edo kontestu egokia bilatu gabe), hondoko metaforarik ba ote den ere planteatu gabe eta dimentsio politikoaz oharkabean (ez bada politikiaren azaleko irakurketa)... horixe panorama!

Aritz Ibañez Lusarreta on Feministak bai, baina dantzan ez

2015/01/21

Pentsatzen dut 1920-1970 urte bitarteetan sortutako talde gehienetan egoera berdintsua izanen zela eta neskek bigarren mailako parte-hartzea izanen zutela. Gurean ere horrela izan da duela ez askora arte.

Hortik partitzen garela bistakoa da. Duela 2 egunera arte neskek dantzatu izan ez dutela sinetsi dugula bistakoa den bezala.

Dantza taldeok gure zilborrei begira bizi izan gara luzaz, hortik kanpo erreferentzia eta konponbide egokiak topa genitzakeelaz ohartu gabe. Uste dut garaia badugula XXI. mendeko dantza talde eredua nolakoa izatea nahi dugun pentsatzekoa, XX. mendeko eredua inarrosiz eta berrituz.

Aritz Ibañez Lusarreta on Feministak bai, baina dantzan ez

2015/01/21

Nik gure taldeko esperientzia kontatuko dizuet. Duela 8-9 urtera arte mutilok eta neskek banatuta ensaiatzen genuen, bakoitzak bere errepertorioa, bakoitza entsaio-tokiaren punta batean... batzuetan dantza mistoak egiteko elkartzen ginen. Esan bezala, duela 8-9 bat urte elkarrekin ensaiatzen hastea erabaki genuen, denok denon errepertorioa, eskaera maila berarekin. Esperientzia ederra izan da eta emaitzarekin oso pozik nago ni (beti dago zer hobetu, noski).

Interesatzen ez zitzaigun errepertorioa txoko batean gorde genuen eta interesgarri zitzaizkigun beste hainbat dantza ikasi genituen, generoaren ikuspegia ere aintzat hartuz.

Horrez gain, azken urteotan sortu izan ditugun dantza-tradizioetan ere bide ezberdinak jorratu ditugu. Batetik ezpata-dantzan ez dago generoaren araberako ezberdintasunik. Soka-dantzetan bai, horregatik sortu genituen bi, bata mutilek gidatua, bestea neskek.

Neskek orain arte dantzatu ez dutela eta beraz, orain pozik egon behar dutela dantzatzen dutenarekin, gezurra dela esanen nuke. Hasteko, neskek bai dantzatu izan dutelako orain baino lehen (Oier-ek honi buzuko hitzaldi oso gomendagarria du). Bestetik, nik ikusi izan ditudan neskendako sortutako dantza batzuk nahiko eskasak iruditzen zaizkidalako (baita generoaren trataeran ere) eta horretan ere antzematen da genero-ezberdintasuna.

Tradizioarekiko errespetua zer den aztertu beharko litzateke. Tradizioa aldagarria da berez, eta beraz, gauzak aldatzea izan liteke tradizioarekiko errespeturik handiena. Hori bai, ez nolanahi, aurrekoek egin dutena ezagutuz, zentzuz... ezagutzan dago gakoa, nire ustez.

Beraz, jarrera batzuk perpetuatzeko erabiltzen ditugun argudioen egiazkotasunari ere erreparatu beharko genioke. Eta ados naiz Rakelekin dantza baloreak transmititzeko oso baliabide interesgarria da. Ekitekoa!

Abentura ederra dugu aurretik!

Aritz Ibañez Lusarreta on Feministak bai, baina dantzan ez

2015/01/21

Zure inguruan askotan ikusten duzu hori? Neskak dantzatzen dutenarekin (mutilekin desorekan) konforme?

Aritz Ibañez Lusarreta on Lorenzo San Juan: Erromeriak eta dantzak 1951-1955

2014/12/10

Gure dantza maisuak saiatu dira naturaltasunez dantzatzea zer den erakusten. Niretako hau da!
Ederra bideoa!

Aritz Ibañez Lusarreta on Igdır: erreginak soka-dantzan

2014/12/04

Ze errex ematen duen - bideoa ikusita - eta ze zaila den - gure inguruko errealitatea ikusita - dantzaren soiltasun erabatekoa topatu eta bere indar guztia dastatu ahal izatea. Musika egokia, sinkronizazio bikaina eta grazia, naturaltasun eta indarra dantzan. Nik handitan txiki horiek bezala dantzatu nahi dut!

Aritz Ibañez Lusarreta on Gu ere izan ginen New York-en!!!

2014/11/27

Zer pentsatuko zuten New Yorktarren 1965. urteko urriko egun hartan figuratzar horiek haien karriketatik dantzan ikustean? Edonola, esanen nuke Iruñeko erraldoiak Iruñeko alde zaharreko karriketan direla benetan erraldoi! Bosgarren etorbide horretan haien handitasuna galtzen dute pixkatxo bat!