Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Aritz Ibañez Lusarreta

Orain arteko ekarpenak

Lotuneak: Sorginak, Satanak, Dumollet jauna eta haurren lauhazka

2016/11/04

Garai batean Lotuneak izeneko post serie bat argitaratu nuen, beste herri batzuetan ere topatu izan ditudan hainbat euskal doinu tradizional bilduz (Ferreries-eko jaleoa eta Cortes-eko jota , The Galway piper - La Matelote - Matelota, Ekialdeko arin-arinak , Okzitaniako i nauterietatik San Ferm...

Gehiago irakurri 2 erantzun daude

Biba Txantreako Neska-mutil nagusiak!

2016/04/27

Duela 20 urte bersotu zuten Iruñeko Txantreako auzoan maiordomoen usantza. Garai bateko Magdalena auzo zaharreko festetan, jaiak antolatzeko arduradunak hautatzen zituzten mutil gazteek -musika kontratatzea, merenduak antolatzea, ordainketak egitea... zuten ardura nagusi- eta ohitura horretan oina...

Gehiago irakurri

Bidador pastorala: auzolanean uxatu dugu betiko agorraldia

2016/03/31

Kasik bi urte dira Joxemiel Bidador - Iruñeko euskaldunak pastoralaren proiektuarekin hasi ginela. Egun hauetan, emankizunen bigarren itzulian buru-belarri sartuta, eta egitasmo honen argiak itzaltzeko emanaldi bakar baten faltan, bilan bat egiteko una egokia iruditu zait. Nire bizipen pastoralero...

Gehiago irakurri 2 erantzun daude

Maskarada berriak, betiko maskaradak

2016/02/01

Udaberri zaporeko urtarrila honek utzi digun asteburuetako bat probestu dut, Muskildin, Sohüta-Hokiko gazteek atondutako maskaradak ikustera joateko. Emanaldiak hasi aitzineko elkarrizketek ikusmina sortu zidaten: Xorrotxik ez zela izanen eta haien ordez artzaintsa eta axuriak plazaratuko zituz...

Gehiago irakurri

Iruñeko Baltasar: korapilatutako mataza

2016/01/04

Azken egunotan nire burua ere aspertu dut Baltasarren belztasunaren inguruko eztabaidetan parte hartzen. Baina zer galdu zait niri eztabaida horietan? Ba aizue, ezin sahiestu! Alta, sare sozialetan zaila da batek pentsatzen duena nahi bezala garatzea. Beraz, gogoeta hau terapia gisa erabiltzea erab...

Gehiago irakurri 2 erantzun daude

Bolant goiza, Luzaiden

2015/04/20

Bigarren aldia nuen aurtengoa Luzaideko Bolant-egunean eta aurrekoarekin alderatuz, euririk ez zuen ari behintzat. Eguerdi parteko dantzak karrikan ikusiko genituen beraz! Goiz joan ginen, goizean-goizeko puska biltza ez galtzeko asmoz. Hala ere, Luzaideko gasolindegira heltzerako, Ziganteak, Gorri...

Gehiago irakurri

Hartz makilaria

2015/03/24

Plazako dantzen sukarra Iruñea aldean

2015/03/12

2011. urtean abiatu zuten Iruñean Karrikadantza ekimena Karrikiri, Zaldiko Maldiko eta Nafarroako EDB elkarteek eta zenbait norbanakok, eta orduz geroztik egin du bere ibilbidetxoa. Batzuetan arrakasta handiagoz, besteetan gutxiagoz. Batzuetan toki batean, besteetan beste batean. Batzuetan karri...

Gehiago irakurri 2 erantzun daude

"Nafar Folklore Funtsa" elkarte misteriotsua

2015/02/25

Urtarrila hondarrean izan nuen Nafar Folklore Funtsa izeneko ekimen (niretako) misteriotsuaren berri, Iosu Royo-ren eskutik. Nafarroako Mezenasgoaren Legean onartutako gizarte intereseko proiektuak ezagutzera eman zituzten orduan eta ondarearen sailean agertzen ziren lau proiekturen atzean zegoen N...

Gehiago irakurri

Dantzaz eta politikaz

2015/01/19

Gaineko izenburuak besterik ulertarazi badezake ere, post honetan ez naiz ariko dantzak zenbait ekitaldi politikoetan duen presentziaz, historian zehar kolore bateko zein besteko alderdiek dantzaz egin duten erabilpenaz edo agintari politikoek dantzari eman dioten garrantziaz (edo garrantzi ezaz)....

Gehiago irakurri 4 erantzun daude

Orain arteko erantzunak

Aritz Ibañez Lusarreta on Ravel Jauna - TVPI Baiona

2013/10/28

Niri izugarri gogorra egiten zait "Ravel ez dut ezagutzen, ez naiz musikari bat, eta ez dut ezagutzen bere obra salbu boleroa" esatea eta Raveli buruzko ikuskizun bat egitea. Sorkuntzak ezagutza behar du oinarri nire ustez, inoiz ez ez-ezagutza!

Aritz Ibañez Lusarreta on ETB Seguran 30 urte

2013/10/24

Erabat ados! Nik telebistaren papera ere azpimarratuko nuke, izan ere, elkarrizketatuek diotenetik ondorioezta daiteke, lehenago ezberdin dantzatzen bazen eta telebista txapelketa ematen hasi denetik homogeneizazio prozesu bat eman bada, hain zuzen ere, telebista emanaldi hori izan daitekeela errudun nagusietako bat.

Baina horrek bigarren irakurketa bat du, eta telleriak dioenaren bidetik joko dut. Txapelketa mundu guztiarendako ikusgarri egiten hasi denetik gainbehera batean sartuta dagoela esanen nuke. Dantzakera horrek dantzariak uxatu ez ote dituen... (konplexuagatik, Telleriak dioen gisan, edo dantzakera horrekin asper-asper eginda!) Euskal Herrian zenbat dantzari bikain dago? eta horietatik txapelketara 9 bikoite baino ez dira aurkezten, 8 gipuzkoarrak eta bizkaitar bakarra. Ostras, niri zer pentsa emanen lidake!!!

Aritz Ibañez Lusarreta on ETB Seguran 30 urte

2013/10/23

Ni Joxe Mari Telleriak dioenarekin geratzen naiz. Lehen beste era batera dantzatzen zen!

Eta Mendizabalek dio alde teknikoa gailendu dela, baina uste dut hori ez dela bikoteen errua, txapelketak indarrean jarri duen ereduaren errua baizik.

Aritz Ibañez Lusarreta on Virsky Ukrainako Folklore Ballet Nazionala - ETB2 1996

2013/10/16

Ostras! Ze animaliak Arkaitzen bideoko dantzariak! Ikaragarria 1:36 minutua!!! Ala ensaiatzera! :)

Aritz Ibañez Lusarreta on Hernio: Erromeria Zelatun 2013

2013/10/15

Ederra bideoa! Bestetik, aspaldiko erromerietako argazki zaharrak ikustean interesgarria izaten da jendearen arropei erreparatzea. Hemendik 70-80 urte barrukoek ere izanen dute zertan fijatu! :)

Aritz Ibañez Lusarreta on Ezpata-dantzak San Migeletan, Xemeindik Igantzira eta Iurretatik Ontariora

2013/10/01

Handik eta hemendik tiraka bildu ditut informazio batzuk.

San Migel egunez egiten dituzte dantzak Igantzin. Ezpata-dantza eta Makil-dantza bat behintzat.

(http://www.flickr.com/[…]/ eta http://www.flickr.com/[…]/)

Goizeko 10:00etan karriketan barna buelta ematen duten txistulariek eta ezpata-dantzariek. Geroxeago, Udalbatza, ezpata-dantzari eta txistulariekin batera herriko bandera aitzinean dutela Herriko-Etxetik elizara abiatzen dira meza nagusia entzutera. Mezaren ondotik bandera arbola egiten dute plazan eta ezpata-dantzariek haien saioa egiten dute ondotik.

Bitxia iruditu zait, neskek duten partehartzea. Izan ere ezpata-dantzarien ondoan egiten baitute herriari buelta, kastañuelak joz eta ezpata-dantzarien ezpaten artetik dantzatuz.

http://www.flickr.com/[…]/

Iosu Royori Igantziko Amadeo Arretxea txistulariak esan dionez, 1936. urteko gerra aitzineko zenbait informazio eta datu zituzten bilduta Igantziko dantzen inguruan, baina gaur egun egiten dituzten hauek berritik sortuak dira ez oso aspaldi. Gutxienez 2008. urtetik egiten dute Ezpata-dantza eta Makil-dantza Igantzin.

Ederra litzateke bertakoren batek datu zaharrei buruzko eta dantza berrien sortze prozesuari buruzko artikulotxo bat eginen balu. Ia animatzen diren!

(Argazkiak: Oskar Txoperena)

Aritz Ibañez Lusarreta on Ezpata-dantzak San Migeletan, Xemeindik Igantzira eta Iurretatik Ontariora

2013/09/27

Mundu hauetan gero eta gehiago murgildu, gero eta ezjakinago sentitzen da bat.

Duela ez asko, 2-3 urte, jakin izan nuen Igantzin ezpata-dantza bat bazela. Gaurkoarekin 3 argazki ikusi ditut tarte horretan. Misterio bat da niretako, ze Lesaka edo Berakoen tankera hartzen diot, baina ez dut bideorik edo zuzenean ikusterik izan.

Inork ba al du beste erreferentziarik?

Aritz Ibañez Lusarreta on Cetina: Contradanza 1991

2013/09/13

Cetinako Dance-aren argazkiak ikusiak nituen baina ez dantza bera. Bitxia, errepikakorra, bufoneskoa, beste garai bateko dantza, baina ah ze ederra! Bideoa oso-osorik ikusiz gero dantzan-ikasiko ziurtagiriren bat emanen duzue, ezta? :)

Ah ze meritu fisiko eta mentala dantzariek. Bikaina iruditu zait.

Aritz Ibañez Lusarreta on Sri-Lanka: Arku-dantza 2012

2013/09/02

Ikaragarria, edo bideo bukaeran dioten bezala, guapísimo!!!!!!

Aritz Ibañez Lusarreta on Jantziarekin dantzatu eta jantzia dantzatu

2013/07/18

Oso gai interesgarria Anek plazaratutakoa, mila buruhauste ekartzen baitizkigu, besteak beste. Azken urteotan ikusten ari gara neskek merezitako lekua hartzen ari direla plazan, poliki-poliki (polikiegi?). Askotan, lehen, mutilek bakarrik zuten tokia plaza horretan eta neskek ere salto hori ematerakoan... nola jantziko ditugu? hori da buruhauste handienetako bat. Honi buruz hausnartzea eta etortzen ahal diren egoerei aurre hartzea bikaina litzateke, beraz, aurrera mintegiarekin!