2.5 Dantza-jauziak: puntu aldairak

Erdizka lauetan! edo Pika, luze eta ebats! markatzen digutenean zertaz ari gara? Behin dantza-jauziak dantzatzeko beharrezko izanen ditugun puntuak ikusita, horiek konbinatzeari ekingo diogu. Finean, hizkuntza batekin parekatuz, hitzak ikastearekin, esaldiak atontzen ahalko ditugu eta esaldi horiek menperatu ahala, hizketan ere ausartzen ahalko gara poliki-poliki. Dantza-jauzietan badira maiz errepikatzen diren 'esaldi' horietako batzuk eta atal honetan horietako zenbait ikusiko ditugu, puntuen uztarketan treba gaitezen. 

Juan Inazio Iztuetak Aldaira gisa izendatu zuen urratsak elkarlotzeko modu zehatz bakoitza, Gipuzkoako dantza goagoangarrien kondaira bere liburuan. Aldaira horien helburua zera litzateke; dantza-urratsen edo puntuen konbinatoria jakin batzuetan trebatzea eta horiek barneratzea. Gerora, Ikerfolk elkarteak erabili izan du aldaira izendapen hori Gipuzkoako eta Zuberoako dantzak irakasteko atondu zituzten Jira Galdua izeneko metodoetan. Hari horri jarraikiz, hemen ere aldaira deituko diegu dantza-jauzien puntuen konbinatorian trebatzeko erabiliko ditugun puntu segidei. Hauek dira, beraz, proposatzen dizkizuegun aldairak:

• Lauetan erdizka 
• Lauetan erdizka eta hiru 
• Erdizka - dobla - erdizka eta hiru 
• Erdizka - dobla eta hiru - erdizka 
• Jauzi - erdizka - dobla - erdizka
• Jauzi eta hiru - erdizka eta hiru - dobla eta hiru - erdizka eta hiru 
• Jauzi - ebats - dobla - ebats 
• Jauzi - erdizka eta hiru - jo zangoz / eskuz - erdizka eta hiru (x2) 
• Jauzi eta hiru - ebats eta hiru - ebats 
• Jauzi • zeina • erdizka • dobla • zeina • erdizka 
• Ezker - eskuin - ezker eta hiru - erdizka - ezker 
• Eskuin - ezker - eskuin eta hiru - erdizka - eskuin 
• Pika, luze eta ebats (x2) 
• Pika bietan eta ebats (x2) 
• Pika - ezker - pika - eskuin 
• Lau urrats (x4) 
• Aitzina (x2)
• Zeina, ebats eta ebats (x2) 

Lauetan erdizka 

Lauetan erdizka eta hiru 

Erdizka - dobla - erdizka eta hiru 

Erdizka - dobla eta hiru - erdizka 

Jauzi - erdizka - dobla - erdizka 

Jauzi eta hiru - erdizka eta hiru - dobla eta hiru - erdizka eta hiru 

Jauzi - ebats - dobla - ebats 

Jauzi - erdizka eta hiru - jo zangoz / eskuz - erdizka eta hiru (x2)

Jauzi eta hiru - ebats eta hiru - ebats

Jauzi - zeina - erdizka - dobla - zeina - erdizka 

Ezker - eskuin - ezker eta hiru - erdizka - ezker 

Eskuin - ezker - eskuin eta hiru - erdizka - eskuin 

Pika, luze eta ebats (x2) 

Pika bietan eta ebats (x2)

Pika - ezker - pika - eskuin 

Lau urrats (x4) 

Aitzina bietan

Zeina, ebats eta ebats (x2) 

Esan bezala, hauek aldaira aukerak dira. Beste hainbeste izan litezke, norberak sortutakoak ere, zergatik ez? Zeure kasa trebatu nahi izanez gero, hona ttun-ttun kadentzia luze bat, bere gainean dantza zaitezen!

Klika hemen audioa deskargatu nahi baduzu (mp3).