2.7.2 Jauzi eta Dobla, Iholdiko maneran
Tokika, dantza-jauzien puntuak egiteko eta apaintzeko manera ezberdinak ere agertzen zaizkigu. Adibidez, Nafarroa Behereko Iholdi herriko molde berezia azalduko dugu hemen. Iholdin Jauzi (edo Dobla) egiteko, honako patroi erritmikoa erabili izan dute:
- Jauzi
- Dobla
Hartara, hiru urrats egiten hasiko gara —bigarrengoan, aurreko oinaren atzetik zapalduz— eta laugarren keinua esekidura izanen da. Hortik aurrera, ohi bezala bukatuko dugu urratsa, kortaren bitartez.
- Jauzi
- Dobla
1965an Michel Verdierek Janpier Bordarranpe dantza-maisu Iholdiarrari egindako grabazioetan puntu hau ageri da Jo izenarekin (Hala esaten baitzaio Jauzi-ri zenbait tokitan).