Ulertzen dut zure egoneza, eta bat nator zurekin, baina... iruditzen zait bide antzu bati begira gaudela.

Nik gustura asko egingo nituzke Euskal Dantza Tradizionaleko ikasketa 'serioak', asko baitago ikasteko eta sakontzeko. Eta horren premia orokorra aldarrikatzen dut, Eibarko manifestuan sinatu genuen bezala.

Baina esango dizut... Aspalditik ez dut ezer espero Arte Eszenikoen Goi Mailako Zentruaren egitasmo honengandik, eraman duen bidea eraman duelako, eta apuntatzen duen norabidea apuntatzen duelako. Benetan uste dut guk (dantza tradizionalak) ez dugula bertan ezer pintatzen.

Eta, behartuta edo, azkenean sartuko balitz ere, zein orientazio espero dezakegu Arte Eszenikoen eskola batetik? Dantza tradizionala arte eszeniko bezala, eta helburu / orientazio horrekin? Dantza tradizionala arte eszenikoa da? Bai, izan daiteke, eta ematen da ere arte eszeniko bezala, baina hori izan behar du bakarrik? Ez, ezta? Orduan... ni neu ez nau motibatzen proiektu honek. Ez dut nire burua halako eskola batetan ikusten.

Dantza tradizionalak behar duen formakuntza... edo guk geuk eratzen eta montatzen dugu, edo ez da inoiz izango benetan dantza tradizionalak behar duena. Hori da nire iritzia. Ojala, oker banago, eta proiektu honek gure beharrei erantzuna emango balie bi urteren buruan. Baina ez dut espero. Benetan. Eta sentitzen dut hala esatea, ezagututa zenbateko lana eta energia jarri den aukera honetan. Nire gaurko ikuspegitik, bide antzua da.

Utz diezaiegun antzerki eta dantza garaikideko munduetakoei euren proiektua gauzatzen, eta jar ditzagun gure indar guztiak dantza tradizionalaren ezagutza / sakontze / ikertze / formakuntza / transmisio beharrei erantzuna emango dien GURE proiektuan. Bila dezagun gure bidea.

Ea ba, Eibarko manifestua sinatu genuen guztiok... Benetan sinesten dugu sinatu genuena? Jar gaitezen bada serio demonio, baina denok.

"Aldarrikatzea?" Puffff... Ez dut espero goitik ezer etorriko zaigunik, ez badugu guk egina eta aho batez aurkezten.

Baina klaro. Erosoago da beste batzuk egitea (goitik), eta eginda ematea("Es ke Jaurlaritzak inposatu du"...), guk geuk eraiki baino, batez ere gu geu ez bagara gauza elkarrekin ados jarri eta egitasmo bateratua bultzatzeko. Bitartean, "beti penetan..."

Bai, ba. ZORIONAK, ondo merezita, eta eskerrik asko emandakoagatik!!

Bai erantzun zentzuduna, azken galderakoa!! Hobe hedatuago balego jarrera hori...

Ez nuen ezagutu. Baina Mizel Theret-en 'Oroitzen naiz' antzespenean ikusi nuen. Lan ederra egin zuten Mizelek eta hiru dantzariek, hunkigarria... kariñoa hartu nien. Horregatik, pena hartu dut.

Mundiala da!! Halere, bertsio hobea iruditzen zait orai urte batzuk argitaratu zenutena. Gainera, danbolinteruak ere ageri dira bertan: http://www.dantzan.com/bideoak/alosno-fandango-parao

Ni, aldiz, pozik oparotasunagatik. Eskerrik asko parte hartzeko aukera irekitzeagatik.

Amorratzen nago, ezin dudalako joan. NDB edo dantzan.com: aurreikusi duzue bideoan grabatzea, eta gero sarean argitaratzea?

Nabarmentzekoa iruditu zitzaidan Kezkaren emanaldia, ezpata dantza oinarri hartuta, dantza-eskolako adin talde guztiekin. Figura ezberdinak, trebezia maila ezberdinei egokitutakoak, talde bakoitzak bereak, baina ondo bateratuta, eta erritmo onean. Sorkuntza aldetik ere aberatsa, anitza. Emaitza, bateratzailea... baina batez ere ikusgarria, polita. Beharbada motibagarria ere bai adin talde ezberdinentzat (hori irakasleek esan beharko dute). Animatzen zaituztet 'sorkuntza' honi probetxua atera eta gehiagotan eskaintzen. Zorionak!!

Eskerrik asko, Oier, bertan izateagatik, gure ahotsa izateagatik, eta berri emateagatik.

Bai, batek ez daki zenbaterino merezi duen erakundeen plan estrategiko handinahi hauetan denbora / indar gehiegi galtzerik... Hain gaituzte ohituta ezer gutxirako balio izatera...

Baina inoiz ez dakigu, eta azkenean egon egon behar da. Bada ezpada, interesgarria da jakinean egotea, gertutik jarraitzea, eta parte hartzea; senti dezatela hor gaudela, eta entzun gaitzatela. Eta ez horregatik bakarrik; korrespondentziagatik ere bai. Erakundeek euren funtzionamendu estiloa dute (gure gustukoago edo gutxiago). Beraingandik zerbait nahi dugunean, nahi izaten dugu gu kontuan hartzea, gu entzutea, eta inplikatzea. Horren ordainetako bat izan beharko du, beraiek gugandik zerbait nahi dutenean, parte hartzea eskatzen dutenean, erantzutea.

Beraz, planari iruzkinak / ekarpenak egitea... nik esango nuke baietz, positiboa dela egitea, parte hartzea. Eta hori norbaitek egin behar du. Eta egitekotan, nork hobe zuek baino?

Lana da, baina sektorearen mesedetan hartu beharreko lana (nire ustez).

Eskerrik asko berriz.

Han izango naiz. Jon-en hitzaldi dantzatuan ere izan nintzen, Dantzan Ikasi ekimenean antolatutakoa. Lan interesgarria, txukuna, eta polita iruditu zitzaidan. Zorionak, eta eskerrik asko zuen lana ezagutzera emateagatik.