Antzekotasunak bai, jakina. Baina"harrigarriak"... Ni ez naute harritu. Ea ba. Jotan jarduteko aukera izan dut Ávila, Valladolid, Mallorca, Aragoa eta abarreko dantzazaleekin. Eta ikusi, bideoan edo zuzenean, ikusi ditut Errioxa, Extremadura, Asturias, Galizia, Portugal eta abarrekoak. Eta guztietan ere, antzeko parezido. Berezitasunak berezitasun, ñabardurak ñabardura, aberastasunak aberastasun... baina jota. Bai gurean, berdin kanpoan, lengoaia amankomuna. Eta urratsak ere, elkarren lehengusu, odol berekoak. Bideokoa asko gustatu zait. Sinplea, pausatua, baina dotorea eta indartsua. Horixe baietz. Mikelueren bromaren haritik, seguru asko ez zituzten pausu hauek 'La Casilla'n ikasiko, baina alderantziz izan balitz, hau da, bikote hau ohikoa izan balitz La Casillako garai bateko erromerietan (edo gaur egun Santiagon edo nahi duzuen edozein erreferentziazko erromeriatan), ez ninduke harrituko hemengo batek baino gehiagok begiz jotzea eta ideiaren bat hartzea, normala eta ohikoa den moduan. Nik behintzat bai, egingo nuke.

Hogei minutuko bideo erreportaiak, eta bestelako erreportai luzeak, edo definizio altukoak, pisu handiegia daukate nonbait, eta intermitente ikusten ditut beti (ez bakarrik nire ordenagailuan). Astuna egiten da. Ezinbestekoa ez bada, beharbada informazio efektu bera eskain daiteke erreportai laburragoekin. Proposamen-eskari bat da.

ZORIONAK!!!!!

... eta batez ere, eskerrik asko hor egoteagatik, eta eskaintzen duzuen guztiagatik. Behar zaituztegu. Behar zaituztet. Asko zor diot dantzan-com-i.

Imaginatzen, orain dantzan.com-ik gabe?

Aitzakia... nahi denean, nahi denerako. Elkartzeko, hitz egiteko, dantzan egiteko. Nire egutegiak ere hutsune gutxi, baina ahal izanez gero bertan izango naiz, jakina.

Ez diot nik ikusten etorkizun handirik dantza honi; hemen erakusten den moduan behintzat ez (akaso eboluzionatuko du). Bolada baterako moda beharbada bai, baina ez zait iruditzen nahikoa tajuzkoa gure artean etorkizun sendorik izateko, ez badu forma aldatzen (beste manera batetan, izan liteke).

Nik ere berdin:

Esker ona aitortzeko modukoa da dokumentu interesgarri hauek guztion eskura jartzea. LP formatuan eta agortuta, apal zokoren batetan ahantz ez daitezen. Mila eta bimila esker!

iTunes-en ere badaude Amazoneko guztiak (edo gehienak). Azkenean, Agorila edo Elkar bezalako etxeetako fondoak daude bietan eskura. Eta beste batzuk ere bai. Nik sarritan jo izan dut iTunesera, eta nahi nuena aurkitu (eta ustekabeak ere bai) Bestalde, ibaimusic.com-en (Ibaizabal etxekoa) IZ etxea zenaren fondoko hainbat lan aurki ditzakegu, bestela lortu ezin direnak. Adibidez Txanbelaren bi lan; bertan dantzako hainbat pieza daude.

Zelako maila!! 12.000 puntu lehenengoan (1. urratsa). Akats bakarra eta 25 segundu soberan. Urrats guztiak gaindituz gero, zer? Dantzari titulua?

Ederra asmakizuna, eta didaktikoa. Eskerrik asko, Oier, Maite...!

Baina kontuz zer idazten duzuen: "aurreskua" akatsa da, "dulzaina" (t barik) akatsa da, atzo "LaKarra" (k-z) akatsa eman zidan... Segunduak soberan izanez gero, bigarren bueltan zuzendu behar.

Jakina! Tradizionalean ere bai. Beharko luke. Interesgarria, eta interesgarriak ere agertzen diren musika eta dantza heziketako esperientziak.

Garaian garaiko desafioak!! Sustrai beretik, eboluzio naturala. Ez dut testuingurua batere ezagutzen (nork - zergatik - zertarako - ondorena - ...). Beraz, ezjakintasun horrek eskatzen didan prudentziaz... baina gustatu zait.

Izugarri gustatu zait Algara dantza taldearen koreografia hau, kanpoko (baina gertuko) doinu tradizionalak kanpoko eta hemengo urratsekin uztartuta. Benetan kohesio txukuna eta ederra!! Hau ere, dantza tradizionalaren alorreko sorkuntza da. Orain arte halako sasi-bapateko ekimenetan hip-hop, areto dantzak, latinoak... neuzkan ikusita, baina ez dantza tradizionala. Zorionak, Algara. Ederra.