Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Mikel Sarriegi Etxezarreta

Orain arteko ekarpenak

Ataungo eskua

2022/11/20

Euskal komunitate zientifiko -eta ez hain zientifiko- osoa aztoratu duen Irulegiko eskuaren aurkikuntza dela tarteko, banator ni ere jakingarri txiki bat plazaratzera. Gure dantza taldearen ibileran, une jakin batean agertu zitzaigun misterio txiki bat, eta Irulegikoari esker, neurri batean behintz...

Gehiago irakurri 1

Iñaki Mugerza oroimenean

2021/04/23

Herenegun utzi gintuen Iñaki Mugerza Ormazabalek (1938-2021). Dantzari bikaina izana eta Euskal Dantzarien Biltzarraren sortzaileetako bat izan zelako ezaguna. Enpresari arrakastatsua izan zen Iñaki, baina, aldi berean, dantzak bizi zuen, txiki-txikitatik, aitaren eskutik lehen aldiz Pujanatarren...

Gehiago irakurri 1

Dantza-espezie bat galzorian?

2019/06/24

Orain bi mende baino gehiago Von Humboldt anaietako batek, Alexander botanikari eta zientzialariak, Amerikan zehar -Kuba, Orinoko eta Magdalena ibaian zehar, besteak beste- hainbat espedizio egin eta espezie mordoxka bat aurkitu eta deskribatu zituen. Orain bi mende baino gehiago, beste Humboldt...

Gehiago irakurri 1

Urtubiren bandera-dantza izan zen Donostiako hori

2017/06/14

Oier Araolazak gogorarazi zigun aurreko batean sarean : banderatxoekin dantzariak agertzen diren argazki sorta honen misterioak   argitu gabe jarraitzen duela galdera bota eta 6 urte ondoren, alegia. Orduan zerbait argitzen saiatuko nintzela agindu nionez, neuri modu ez zuzenean botatako enbido...

Gehiago irakurri 2

Algemesiko misterioak, hainbat ohar bidai labur baten bueltan

2017/05/23

Gipuzkoako Segura herriko San Migel goiaingeruak izan du errua.  Orain urte mordoxka bat, Aste Santuko prozesioko pertsonai bizidun honek dantzan egiten zuela jakin nuenean, misterio txiki bat bihurtu zen goiaingeru honek egun horretan prozesioaren ibilbidean zehar egiten dituen urrats eta keinu ...

Gehiago irakurri

Maixuaren irribarrea ispiluan

2015/07/24

(Joseba Juarez Mendizabal, 1980-2014) Ispilu dantzan hasi zen Ane arrebarekin irribarreak plazetan zabaltzen, txiki asko. Bikotean dantzatzen garenean, elkarri begira, ispilu egiten irakatsi zigun. Entseguetan ere, ispilu aurrean dihardugunean jarraibidea bilatu ohi da, eta Josebak luze arraio j...

Gehiago irakurri 2

Beasaindarrak ziren dantzariak

2013/05/15

Dantzan.com-i esker, orain arte ezagutzen dugun beasaindar dantzarien argazki zaharrenetakoa aurkitu dugu, 1897. urteko Euskal Jaietan Donibane Lohizunen ateratakoa, buruan Justo Irastorza dantza-maisu ordiziarra dutela, eta herriko lehen udal-txistulari taldeak lagunduta, ziurrenik.

Gehiago irakurri 1

Orain arteko erantzunak

Mikel Sarriegi on Maskarada ala maskaradak?

2013/02/13

Juanan Urbeltzek dantzan zerrendan aipatu duenaren bidetik ("On Julio Caro Barojak aipatu zuen saio batean euskaldunak eta gure festetan deitzeko beti erabiltzen degu pluralez.Esate baterako Iñauteriak ere edo "Carnavales", baina baita ere "Santiburtzios", "Magdalenas", "Sanfermines", "Sanlorenzos", "Sanicolases" eta abar") zerbait gehitzearren:
festetarako plurala erabiltzen dugu, Beasainen Loinatzak, esate baterako, eta egun bakoitzari bere singularra: Loinatz eguna, Loinatz bigarrena, Loinatz hirugarrena... egunak izendatzeko modu hau beste hizkuntzetan ezagutzen al duzue? Orotariko Euskal Hiztegiak jasotzen du adiera hau (bigarren: día siguiente a una fiesta) baina ez du erdal baliokiderik ematen.

Mikel Sarriegi on Garai bateko inauteriak Luzaide eta Nafarroa Beherean

2013/02/07

Kaixo lagunak! ezin izan dut elkarrizketaren lotura zabaldu. Erabiltzaile sarbidea eskatzen du eta gero baimenik ez daukadala esan. Ea begiratu dezakezuen.
Eskerrik asko.
Kuriosoa argazkian agertzen den zaldikoa dirudien hori! ba al zenuten inork horren berri, itxuraz Luzaiden?
Sagasetaren liburua begiratu dut eta ez dut halako aipamenik aurkitu pertsonaien artean, ez eta "desagertutako pertsonaiak" atalean ere...

Mikel Sarriegi on Joan zaizkigun dantzariei azken agurra

2012/12/28

Antton Irizar idiazabaldarrak ere otsailaren 15ean utzi gintuen, gaixotasun bat medio, 55 urte zituela.

Antton Idiazabalgo Axari dantza taldearen sortzailea izan zen eta 1979tik 1988ra bitartean aritu zen taldearen arduradun. Alkate kargua hartu zuenean utzi egin zuen dantza taldea eta bi hamarkada egin zituen alkatetzan.
Alkate zela aurresku gisa dantzatu zen lehenbizikoz Idiazabalen berreskuratu zen Agintarien soka-dantzan, 1997an.

http://goierrimendebaldea.hitza.info/[…]/

http://goiberri.hitza.info/[…]/

Mikel Sarriegi on Dantzazalearen erosketa zerrenda Durangoko Azokarako

2012/12/06

bai baliteke, baina Elkar-en webgunean oraindik erosteko aukera ematen dute:
http://www.elkar.com/[…]/9788493468989

Mikel Sarriegi on Nor dabil mahai gainean dantzan?

2012/11/23

Bikaina argazkia, bikaina Celestino, eta bikaina Celestinoren abilezia adin horretan... hartuko genuke batek baino gehiagok.
Nire birramona ere Etxaniz zen, beraz beharbada badut aukeraren bat, jaja.
Mila esker Noeri.

Mikel Sarriegi on Huesca: San Lorenzo 2012 Danzantes

2012/11/21

Nik dantza hauek ezagutu nituenean, beste oso begi-bistako hainbat antzekotasunez aparte, honako hau egin zitzaidan bitxia: zinta-dantzako makilaren eramaile edo "portador"aren txaketila, gure Loinazko ezpata-dantzarien oso antzekoa, "torero" itxura horrekin:
http://www.danzantesdehuesca.es/images/albero1.jpg
http://www.dantzan.com/[…]/image_large

Mikel Sarriegi on Areatza: Aurreskua 1925

2012/11/12

Guk ere baditugu Oierrek aipatzen dituen antzeko testigantzak, orain arte beti ahozkoak, eta horregatik nioen zein garrantzitsua den ahoz jasotako datu horiek irudien bidez baieztatu (eta askotan ezeztatu!) ahal izatea.

Esate baterako, Ataungo Aia auzoan, auzotarrek santaixabel egunean, aurretik prestatu gabeko soka bapatekoa ateratzen zuten joan den mendearen erdialdean. Aurreskulariak dantza urratsak ezagutu eta jakin gabe, bere aurrekoen imitazio hutsez edo, soinujoleak markatutako doinuak dantzatzen zituen.

Baita Hermuako aurreskuan ere, bertatik bertara ikusi genuen, eta dantzariokin kontrastatu, bertako Ama Birjina ondoko herriari “saldu behar” izan ziotelako, baldintza gisa joaten direla urtero soka-dantza egitera. Herriko etxe bakoitzeko ordezkari batek parte hartu beharra dauka protokolo horretan eta apenas bezperan edo elkartzen diren, dantza urratsak errepasatu eta prestatzeko. Ezin zorroztasun handirik eskatu dantzatzerakoan, baina, kontuz, protokoloa zuzen-zuzen betearaziko duen “maisurik” bertan ez da falta. Hermuako kasu honetan, garbi dago nire ustez, jasoa esan dezakegun eredu bati jarraiki dantzatzea baino, erritual bat betetzeak duela lehentasuna.

Mikel Sarriegi on Areatza: Aurreskua 1925

2012/11/09

Uste dut ez dela ondo ulertu nik idatzia: Hermuakoa eta Areatzakoa eredu berekoak diruditela esan nahi izan dut. Galdakaokoaren aipamena, dantzarien adinarekin lotu nahi nuen bakarrik. Beraz, nire asmoa ez da izan eredua Galdakaokoarekin konparatzekoa, inondik ere, oso desberdina dela garbi baitago.
Nire ustez, bi eredu desberdin horiek (gutxienez) esan ditzakegunak esistitu direla garbi dago. Gure inguruan behinik behin, bien testigantzak jaso ditugu, eta seguruenik Durangaldea eta Arratialdean aipatzen duzun eskema berean gertatua.
 

Mikel Sarriegi on Areatza: Aurreskua 1925

2012/11/08

Ze pasada! ez genbiltzan hurrun Hermuako El Bartekoa garai batekoen eredu bizia behar zuela izan genionean.
Zein garrantzitsuak diren horrelako dokumentu hauek, diren eta azaltzen diren urritasunagatik. Izan ere, zenbat dogma erortzen diren plaust batean: emakumeen dantzarik ez zegoenarena, "honela eta bakarrik honela dantzatu behar" denarena,...
Niri aipatu beharrekoa egiten zait besteak beste, dantzarien adinarena. Sokan dijoazen horien batazbesteko adina ez dirudi nolanahikoa, eta ez dut uste dantzari gazteen faltagatik izango zenik. Beste adibide bikaina izan genuen Andra Marikoek erakutsi ziguten bideoa: http://www.dantzan.com/bideoak/berriz-garai-erregelak-1986.
Gozatu handia !

Mikel Sarriegi on Jabier Aranburu, Baryshnikov jaio eta James Dean hil zen dantzari ordiziarra

2012/11/07

Eskerrik asko albistea jartzeagatik.
Bere ingurukoak garenok ahaztua daukagun laguna da, eta ezagutzera eman beharrekoa, gazteek ere bere berri izan dezaten, gutxienez.
Argipen txiki bat: neuk ulertua dudanez, gizonezko dantzari batzuk emakumen soinekoekin dantzatzea ez zen protesta ekintza bat izan. Behinik behin, bere garaian zabaldu zenez, ohikoa izaten omen zen jira bat bukatzeko azken emanaldian nolabaiteko txantxak egitea, eta horrela justifikatu omen zuten. Dena dela, egia izan behar du zuzendaritza eta dantzarien artean giro txarra zegoela eta itxuraz, broma hori erabili zutela espedientea zabaltzeko.
Saiatuko naiz kontu hau hobekiago argitzen.