Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Altsasuko inauterien birsortzea azalduko du Galdakaoko Andra Mari dantza taldeak

2020/02/12

Momotxorroak protagonista nagusi dituen Altsasuko inauterien berreskuratzea nola egin zen azaltzeko dokumentala prestatzen ari da Andra Mari dantza taldea , eta horrekin batera, hitzaldi bat antolatu dute Galdakaon otsailaren 14rako. Lau hamarkada pasa dira Galdakaoko dantza taldeko kideak Altsasu...

Gehiago irakurri

Benois sarietarako hautagai izendatu dute Jon Vallejo

2020/02/12

Jon Vallejo (Donostia, 1985) ballet dantzariak Benois de la Danse sarietarako izendapena jaso du. Dantza munduko sari garrantzitsuena da; zineko Oscarrarekin parekatzen da.  Dresdeko (Alemania) Semperoper balleteko lehen dantzaria da Jon Vallejo . Saria irabaztera iritsiko ez balitz ere, ...

Gehiago irakurri

Kuartango: Agate Deuna 2020 Kantuak, porreroak eta hartza

2020/02/11

Santa Agedaren ospakizunek inauteriekin bat egiten dute Kuartangon. Arabako bailara honetan otsailaren 8an ospatu da 2020 urtean Ageda Deuna, eta kantu eta makilekin batera inauterietako larru, joare eta mozorroak ageri dira Zuhatzun. Horien artean da Hartza, hezitzaileak katez lotuta daramana eta porreroak deritzen mozorroek eusten dutena. Irudiak: Ana Flor. Agate Deuna Kuartangon, kantuak, porreroak eta hartza Zuhatzu, Kuartango, 2020-02-08. 

 

Altzürükü: Altzürüküko maskaradak 2020 lehen barrikada

2020/02/10

Hasi dira 2020ko maskaradak. Irudietan duzuen barrikadarekin abiatu dituzte Altzürüküko gazteek aurtengo maskaradak. Gorrien eta beltzen barrikada-haustea jaso dugu. Hogeita hamar arizaletik gora elkartu dira aurtengo maskaradak prestatzeko eta otsailaren 9an hasita apirilaren 26ra arte hamabi emanaldi egingo dituzte. 9:00etan ekin diote lanari; talde argazkia atera ondoren Altzürüküko sarreran hautsi dute lehenengo barrikada. Goizean zehar beste bost barrikada izan dira. Frontoian amaitu dituzte goizeko lanak. Ohi denez, herrian bertan eman dituzte lehenengo maskaradak eta azkenak Garaibin izango dira, zati bat Altzürükükoa eta bestea Urdinarbekoa dituen auzoan. Irudiak: Maite Irizar, Amaiur Aristi. Altzürüküko maskaradak, lehen barrikada, 2020-02-09.

Aretxabaleta: Santa Ageda 2020

2020/02/07

Santa Ageda egunean dantzatu dute aurtengo lehenengo aurreskua Aretxabaletako kintoek. Otsailaren 5etik inauterietako igandera arteko igande guztietan irtengo dira plazara dantzara Santa Ageda neska-mutilak. Aurten 19 urte beteko dituzten 60 herritar inguru elkartu dira kintoetan. Egun hauek festa egunak dira 2001ean jaiotako aretxabaletarrentzat; dantza, kantua eta jan-edana. Santa Ageda bezpera eta egunean kantuan eta eskean aritu ondoren, otsaileko igandeetan plazan soka ateratzeko ardura dute orain herriko gazteek. Irudiak: Amaiur Aristi. Santa Ageda, Aretxabaleta, 2020-02-05.

Pamperruque dantzari buruzko hitzaldi dantzatua Jon Olazkuagan eskutik

2020/02/06

Larunbat honetan, otsailaren 8an, Baionako Euskal Museoan "Bayonne - Fêtes et pamperruques" hitzaldi dantzatua eskainiko du Maritzuli konpainiako Jon Olazkuagak. Pamperruque izeneko dantzaren inguruan ikerketa eta berregite lana egin zuen orain hogei urte Maritzulik eta lan horren emaitza 2001eko...

Gehiago irakurri

Dantzaz: Atalak, Martxel Rodriguez

2020/02/05

Martxel Rodriguez eta Jon Lopez Led Silhouette konpainiaren zuzendariak dira eta Gipuzkoako Dantzagunean egon dira Dantzatz konpainiarekin lanean. Atalak proiektuaren barruan 2019ko abenduaren 2tik 13ra egonaldia egin dute. Sorkuntza laborategi horren xedea koreografo berriei aukerak ematea da. Martxel Rodriguez oso gustura agertu da esperientziarekin. Proiektuari esker metodologia propio baten oinarriak planteatzeko aukera izan dute. Matxalen Bilbao koreografoa izan dute bidelagun. Dantzaz, Atalak, Martxel Rodriguez, 2020-02-05..

Gibel-jana, puska biltzea eta dantzak Lizartzako inauterietan

2020/02/05

Datozen bi asteburutan ospatuko dituzte Lizartzan inauteriak eta dantzariak festarako prest direla azaldu digu Josune Zubeldia Otsolar dantza taldeko kideak. Larunbat honetan ekingo diote jaiari txekorraren egunarekin eta otsailaren 15ean eta 16an irtengo dira dantzariak eskera eta dantzara. 199...

Gehiago irakurri

Hartzaro festibala asteburuan hasi dute Uztaritzen

2020/02/04

Otsailean sartzearekin batera hasi dira Uztaritzeko inauteriak. Programazioa betea antolatu dute otsailaren 1etik 25era egingo den Hartzaro festibalerako. Jaialdiak udaberriari ongietorria ematea du helburu. Tradiziozko ohitura eta egungo festa molde berriak batuta herritar guztiak festara gonbidat...

Gehiago irakurri

"Bizitzan behin bizitzen dugun esperientzia da kinto izatea"

2020/02/03

Hirurogei kinto edo Santa Ageda neska-mutil inguru irtengo dira dantzara Aretxabaletako plazara. Umetatik itxaroten egon diren momentua iritsi zaie eta gogo handiz bizi dituzte Santa Ageda bezperako egun hauek Aretxabaletako kintoek. Laura Igartua, Eñaut Beltran de Heredia eta Lorea Mateos kintoek...

Gehiago irakurri

Orain arteko erantzunak

Dantzan on Biarritz 1948 Dantzak Eusko Ikaskuntzaren kongresuan

2020/04/01

Irudi hauek argitaratu genituenean Patxi Monterok ohartarazi gintuen bigarren aldiz atera genituela. Izan ere 2019ko martxoan atera genituen https://dantzan.eus/[…]/biarritz-1948-eusko-ikaskuntza-vii-kongresua. Ez ginen ohartu eta errepikatutako bideoan, Emilio Xabier Dueñasek abisatu digun moduan, irudien kalitatea hobea da, baina 3:22 minututik aurrerako irudiak horizontalki iraulita daude. Dantzariak alderantziz dabiltza, txistua eskumarekin jotzen ageri dira, normalki alderantziz jotzen dutenean , xirulari zuberotarrak ezkerrarekin, entseinariak ezkerrarekin darama bandera, puntu guztiak ezkerrarekin hasten dituzte, alborako mugimendu guztiak ezkerrera hasten dituzte...

Dantzan on Inauteriak 2020 oinarrizko egutegia

2020/01/23

Eskerrik asko! Ordutegiak edo informazio gehiago bidaltzerik bai dantzari@dantzan.com helbidera?

Dantzan on Ezpata-dantzarien alarde bat 1934an. Non da?

2020/01/10

Bai Xabier, mila esker! Beste zenbait irakurlek ere informazio interesgarria eskaini digu, hemen jasoko duguna:

- Pablo Izagirrek esan digunez "artikulu batean topatu dut, 1933ko ezpatadantzarien alarde oso handia egin zela Bilboko Ibayondo futbol-zelaian". https://dialnet.unirioja.es/servlet/articulo?codigo=157657

Informazio honekin osatu du Pablok kokapen aukera: "Nik arakatutakoaren arauera, Ibayondo (Ibaiondo) estadioa Getxoko udalerrian egotea da aukera fidagarriena, Areeta auzoan, Leioako udalerriko mugatik hurbil. Gaur egun desagertua dago futbol zelai hori. El Arenas futbol taldearen futbol zelaia izan zen urte horietan. Bitxia da, orduko artikulugileek Bilbon egin zela esatea, nahiz eta beste udalerria izan, kasu honetan Getxo. Oso ohikoa da arrain handiak arrain txikia jatea. Zein herri inportantea dago ondoan? Bilbo, ba Bilbon izan zela esatea. Atxikitutako argazkia, Areetako Ibaiondo estadiokoa da, eta antza handiak ditu filmazioko irudiekin: harmailak, zuhaitzak... Bestetik, sasoi horretan, 1930eko hamarkadan, Areeta ondo komunikaturik zegoen hainbeste lagun inguruko herrietatik hara hurbiltzeko ( Bilborekin, Erandiorekin, trenez; Ezkerraldearekin, itsasontziz, Portugaleteko Zubi Eskegiaz, itsasadarra zeharkatzeko... )

- Ignacio Elezcanok beste artikulu hau:
https://www.ehu.eus/[…]/18484

Eta Andoni Elezkanoren "Retratos de hierro y agua" lanean 70-71. orrialdeak begiratzea proposatu digu.

Dantzan on Dantza-kontuak Irulegi irratian

2019/11/07

Ez da ideia txarra. Ea gauzatzeko gai garen! Eskerrik asko Iker.

Dantzan on Zein da Madonnak Eurovisionen eskaini zuen euskal kanta?

2019/05/22

Halaxe da bai, Patxi eta Aitor, "Oihaneko Zuhainetan" da Madonnaren abesbatzeko monjeek hitzik gabe ematen duten kantaren doinua. Hemen hitzak, Jean Mixel Bedaxagarrek kantatu ohi dituen eran:

Oihaneko zuhainetan eder zuhainik gorena
Europako popülietan famatürik üskaldüna
Hura da zaharrena Kantabriaren semia
Lorius bere lurretan beti libre egon dena.

Leheneko üskaldüneri fama zaio baratü
Fidel zela herriari eta legetan argitü
Hura izan da gerlari, üsü odolak ixüri
Fidelitatian etxeki eta legia hareki.

Haritx piala bildürik üskal herri orotarik
Bakotxak bere botza emanik eta legia zen egin
Orai ezta legerik ez eta ere juntarik
Fidelitatia galdürik eta legia saldürik.

Dantzan on Barry Lyndon (1975): Goizeko ihintza dantzan

2019/04/24

Eskerrik asko zuzenketagatik Aitor! Bistan da oker jarri dugula.

Dantzan on Inauteriak 2019 oinarrizko egutegia

2019/01/22

Eskerrik asko ekarpenagatik!

Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.

Dantzan on Biarritz 1934 Euskal dantza jaialdia

2019/01/17

Durangaldeko dantzarien saioa xehe aztertuta honako argibide, zalantza eta xehetasunak aipatu dizkigu Durangaldeko dantzari batek:

"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.

Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.

Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.

Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.

Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.

Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.

Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."

Dantzan on Oñati 2018 Eusko Ikaskuntzak 100 urte: aurreskua

2018/11/28

Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com