Elsa Ines-Oliarj errealizatzaile zuberotarrak Ederlezi pastoralaren lehen agerraldiaz dokumentala egin du. 2013ko Xiru jaialdian, Gotainen, estreinatu zen Nicole Lougarot-ek idatzi eta zuzendutako Ederlezi pastorala. Prestaketa lanen eta estreinaldiko irudiekin osatu du Elsa Ines-Oliarj-ek honako dokumentala. Kanaldudek sareratu du ia ordubeteko iraupena duen ikusentzunezkoa:

Bagera euskaltzale elkarteak eta Udaleko Musika eta Dantza Eskolak erromeria antolatu dute eta bertan Herri dantza lehiaketa burutuko da. Maiatzaren 17an, arratsaldeko 18:30ean, Donostiako Konstituzio Plazan egingo dira erromeria eta Herri Dantza lehiaketa. Honela dio deialdiak:

1964an, Oargi elkarteak Deban antolatutako Euskal Jaia, lozorrotik esnatzen ari zen hartzaren orro bortitzaren modukoa izan zen. Euskal nortasuna eta kultura aldarrikatzeko ekitaldi jendetsu eta arrakastatsu hura hurrengo hamar urteetan han eta hemen errepikatu ziren agerraldien sua piztu zuen. 1965ean errepikatu zen festa Deban, eta 50.000 lagun elkartu omen ziren bertan. Orduko kronika eta programa dakargu hemen.

Santurtziko auzoa da Kabiezes. Bertan, Serantes mendi magalean sortu zen 1961ean Mendi Alde dantza taldea. Mende erdiko ospakizunetan DEIA Hemendik Kultura Saria jaso zuen dantza taldeak, eta orain, Mendi Alde taldearen omenezko eskultura inauguratu da. Hain zuzen, taldearen arima diren Flores sendiko Andoni Flores-ek egin du lau metro garai den eskultura.

Astelehenean ireki ditu ateak Gipuzkoako Dantzagunearen egoitza berriak Errenterian. 2009an Gipuzkoako Foru Aldundiak Dantzagunea sortu zuenetik Donostian, Loiola auzoan, Artelekun izan du egoitza, baina ingurune hori uholdeetatik babesteko berregin eta Artelekuren eraikina bera eraitsi beharra gertatu da, eta beraz, Errenterian, Niessen eraikinean egokitu dute Diputazioak eta Errenteriako udalak Dantzagunearen egoitza berria.

Dantzaren sustapenean eragiteko helburuarekin sortu zen Mov-s ekimenak. Zehazki, dantzaren alorreko sortzaile eta antolatzaileen artean zubiak eraikitzeko du xede. Bosgarren ekitaldia du 2014koa eta kongresu ibiltari tankera hartu du. Galizian egin du lehen geldialdia martxo hasieran, eta maiatzaren 30 eta ekainaren 1a bitartean Bilbon izango da. Programa artistiko zabal baten lagundu ohi ditu mintegiak, dantza eskaintza oparoa egin ohi duena.

Amaiur dantza taldeak antolatzen duen Folk lore 2014 jaialdia apirilaren 12 eta 13an izango da. Urtero bezala, larunbatean Iruñeko alde zaharrean eta igandean Uharten izango da jaialdia. Sardiniatik etorriko diren Samugheoko Mamutzones ikusgarriak izango dira Folk Lore jaialdian, Goizaldi, Amaiur eta beste hainbat talderekin batera. Hona egitaraua:

1964a, Getxoko Andra Mari auzoan, Itxas Argia Kultur Elkarteko zenbait kidek dantza taldea sortu zuten elkartearen baitan. Mende erdia ospatzeko hainbat jarduera antolatu ditu Getxoko dantza talde honek. Maiatzaren 10ean dantza taldean parte hartu duten guztiei omenaldia egingo zaie eta azaroan Itxas Argia eta bere lagun guztiak biltzeko festa handia antolatzea aurreikusi dute.

Malandain Ballet Biarritzek eta Euskadiko Orkestra Sinfonikoak elkarrekin egindako proiektu baten prestaketa lanak eta estreinaldiaren ingurukoak erakusten ditu Oskar Tejedor errealizatzaileak egindako "Notak mugimenduak" dokumentalak. 2013an Versaillesen, elkarrekin eskaini zuten bi taldeek Sergei Profokfiev-en Errauskine, eta erronka horren nondik norakoen testigantza da Tejedorren dokumentala. Dokumentalaren trailerra ikusi dezakezue hemen:

Atarrabiako Mikelats dantza taldea 1994an sortu zen, eta aurten 20. urteurrena ospatzeko, zenbait ekitaldi antolatu ditu. Argazki eta jantzi erakusketak, dantza emanaldiak eta ikuskizun berria besteak beste. Horra martxoa eta apirilerako aurreikusitako ekitaldi egitaraua: