Adibide zuzen bat hemen diozunari Oier: Xabier Sarasola beasaindar konposatzaileari kanta baten enkargua egin ziotsn Rigatik, non bertako folklorea eta Euskal Herrikoa erabili zituen:
http://www.diariovasco.com/[…]r-composicion-20140324.html
Eta harrotasun handitzat dauka bere musika ibilbidea txistulari moduan hasi izana. Konplexurik gabe.

Oso ona. Gehiena gustatu zaidana, taula da. Oso garbi sintetizatzen du proposamena, eta check-list bikaina iruditzen zait noberak bere taldea erkatzeko.

Ederra bidaia, ederra kronika, eta ederra ordezkaritza. Poztekoa da Etxepare bezalako erakunde baten inplikazioa ikustea.
 Zorionak eta eskertzen da informazio zabala.
Portzierto, zin dagizuegu Igartzako zaldikoak ez zuela museoan agertzen den zumitzezko beste zaldiko horren berririk! Harritu egin gaitu soin-egiturak daukan antzekotasunak. Nongoa da?

Ederra bideo hau ere. Pare bat xehetasunek eman didate atentzioa. Bata, erropa: jaieguneko trajean ari dira, garai hartako kalekoa, suposatu daiteke. Gaur egun darabiltena berriz, "folklorikoagoa" da: http://www.youtube.com/watch?v=t0y-Y8fiHvk
Ta bestea, are bitxiagoa! bideoaren bukaeran, parez-pare ezpata jokoa egiten duen bikoteak, muxu ematen diote elkarri. Horrelakorik ikusi gabe neukan ezpata-dantzetan behinipein. Eta fijatu ezkero, gaur egungoan ere atal hori musu batekin bukatzen dutela dirudi.

Zorionak Iturendarrei, berreskuratze polita egin dutelako.
Eta eskerrik asko Eireri, hain ongi jaso eta erakusteagatik. Oso ona aurretik azalpenak ere jasotzeko ideia. Asko aberasten du bideoa.
Zerbait aipatzeagatik, ohituraren jatorrian, Auritz eta Iturengo udalbatzak dantzaren bidez lotzen zireneko aipamena, Iztuetak gipuzkoar Goierriko herrien arteko deskribatzen zituen loturekin bat egiten duena bete-betean!

Ez dakit ezer gehitzen duen, baina J.D.J. Sallaberry-ren 1899ko maskaraden deskribapenak, argazkian agertzen diren elementu hauek behintzat aipatzen ditu:

- Bohame-Jaonak fusilez tiroak egiten zituela. “...Mais cette barricade ne saurait les retenir longtemps. Cherrero en tête, aprés quelques bruyants coups de fusil tirés par le Bohame-Jaon,...”. Argazkian bi buhame dira fusilarekin daudenak.

- Xahok aipatzen zituen artzaina, arkumeak eta hartza, desagertuak zirela berak ezagutu zituen maskaradetan, “...Aprés le Cherrero, on ne voit plus dans nos mascarades ours, agneau ni berger...”. Argazkian agertzen dira ordea.

- Xahok aipatutako gotzainaren pertsonaia zalantzan jartzen du, berak ez duelako sekula ikusi ez entzun, “...Dans les mascarades actuelles, il n’existe pas de rôle d’évêque... nous ne l’avons jamais vu et nous n’avons trouvé personne qui l’ait vu non plus parmi les nombreux compatriotes, vieux et jeunes, que nous avons consultés à ce sujet.” Argazkian ez dago gotzainik, nahiz eta zapurrek buruan dituzten kapela koniko horiek niri San Nikolasen mitra gogorarazi... gotzainaren astotxorik ez da ageri.

Eskerrik asko Oier.
Argazkiak baditu bai elementu "nahasgarriak": dantzarien jantziek alde honetakoak dirudite, baina buruzagiaren salbuespenarekin. Buruzagiaren postura bera ere berezia da. 16 dantzari kontatzen dira, itxuraz lauko bi ilaratan. Loinazko ezpata-dantzariek hiru ilaratan dantzatu ohi dute eta horrek ez du bat egiten...
begiratuko dugu ia zerbait gehiago jakin daitekeen.

Bitxia eta interesgarria azalpena. Garai hartan bazegoen seta berezi bat brokel dantzak gudu dantza moduan azaltzekoa.
Baina albisteari erantsi diozuen argazki horrek ere atentzioa eman dit. Baionako Euskal Museoaren erreferentzia bai, baina datu gehiagorik?
Gure herriko Loinazko dantzari txikien tankera izugarria dute.

Llangollengo euskal dantzariari Gene Yurreren antza hartu diot.
Mundiala irudien leku hau. Esker mila.

Bidebatez, gure inguruko bi adibide gehiago:
- Ordiziako Amets-bide talde berrantolatua: http://www.dantzan.com/albi[…]ritua?searchterm=amets+bide
- Ordiziako dantzari txikien eguna, Handien eguna bihurtua:
http://www.dantzan.com/[…]/ordizian-dantzariak-handitu-egin-gara
- Idiazabalgo "dantzari ohiek" eta gurasoek martxan jarritako dantza-soka, agintariekin batera:
http://vimeo.com/59054878#