Orain arteko ekarpenak

Azkeneko urteetan bezala, Berriztasuna taldeak, Ekainaren 1ean Portugaleten ospatu zen Txikien XVIII Dantzaldira gonbidatu gintuen. Bertan taldeko txikiek Nafarroako zenbait dantza aurkeztu zituzten.

Behin baino gehiagotan gertatu izan zaie Iruñeko Sanduzelaiko auzotarrei, haien festak elur artean ospatu behar izatea. Aurten ere hortxe-hortxe ibili ziren. Larunbat arratsalderako emanaldia eskatu ziguten eta egun osoa eman genuen zerura begira. Eguerditik aurrera atertu zuela eta bertaratu ginen auzoan, hala ere, beti begi bat zeruari begira.

Otsailaren 9an, inauteri larunbatez, eta IRUDAMAk antolatuta, kalejira ezberdinak antolatuak genituen Iruñeko alde zaharreko karriketan barna. Eguraldiak ez zuen sobera lagundu eta hartara, batzuk atera gabe geratu ziren, gero merkatuko plazan elkartzeko. Gu orduan ttanko kalera, eta euria hasi orduko dantzan ginen Nabarreria plazako "Los Burgos" ostatuaren aitzinean.

Heldu den larunbatean, otsailak 9, inauteriak ospatuko ditugu Iruñean. Berriki sortu den "Irudama" (Iruñeko dantzarien mahaia) ekimenak antolatuta, goizean Lapurdi, Nafarroa Beherea eta Zuberoako inauterietako dantzak eta puska biltzak karrikaratuko ditugu hiriko dantza talde ezberdinek.

Elurra, euria, ortotsa eta beste espero genituen baina eguzkitsu esnatu zen San Blas eguna Iruñean pasa den igandean. Hori bai, hotza kategorikoa!

Heldu den igandean, otsailaren 3an San Blas eguna ospatzen da Euskal Herriko hainbat txokotan, baita Iruñean ere. Gure taldearen azken urteotako helburua da garai baten dantzak Iruñean zuen tokia berreskuratu dezala. Garai batean hiriko ospakizunetan egiten ziren dantza emanaldien erreferentziak asko dira artxiboetako dokumentoan eta ezagunak eta publikoak dira. Somatzen genituen hutsune horiek betetzen joatea jarri genuen gure jardunaren erdian eta San Blas eguneko hau izanen da hurrengo urratsa.

Urteroko zita dugu Ezkaba mendiaren herri igoeraren osteko emanaldia. Aurtengoan, urriaren 28an taldeko txikiak izan ziren Udaletxe plazan Ezkaba mendia igo zuten mendizaleei harrera egiten. Hotzari aurre eginez, emanaldi polita eskeini zuten taldeko gazteek.

Fagurrinak larrazkeneko hosto nabarrak dantzarazten dituenean, dantzarazten dituzte San Fermin Aldapakoaren dantzariek ere haiek kriskitinak Iruñea zaharreko karriketan barna. Buruilaren 23an iratzarri ziren, beraz, kriskitinak laugarrengoz, San Fermin Aldapakoaren dantzak beste behin plazaratzeko.

Denbora arrapaladan doa eta lana pilatu zaigu uda partetik hona. Hartara, udako gure ibilerak kolpe batez azalduko ditugu hemen eta lixto!

Denbora arrapaladan doa eta lana pilatu zaigu uda partetik hona. Hartara, udako gure ibilerak kolpe batez azalduko ditugu hemen eta lixto! Ekainaren 24ean emanaldia egin genuen Iruñea ondoko Mutiloa-beheiti herrian. Bertako jaien kari, eguerdian dantzatu behar izan genuen eguzkiak bere indar guzt...