Komunitatearen ekarpen guztiak
Orain arteko ekarpenak
Ttunttuneroak dantzari begira, 2014ko ezpalak
Ezpalak jaialdia
2014/05/14
Txistua eta danbolina, txirula eta ttun-ttuna: euskal folkloreak eskaintzen dizkigun sinboloetako bat dira txistulariak, danbolinteroak. Danbolinteroak, ttunttuneroak dantzari begira jotzen izango ditugu Ezpalak 2014 jaialdiaren protagonista. Gloucestershire, Zamora, Cambrils, Itsasu eta Berrizko ttunttunero eta dantzariak izango dira maiatzaren 24an Iruñean eta 25ean Eibarren ospatuko den Ezpalak jaialdian.
San Lorentzo dantza taldea – Berriz (Bizkaia)
2014/05/14
San Lorentzo dantza taldea 1952. urtean sortu zen Alejandro Aldekoa txistulari eta dantza-maisuaren laguntza ezinbestekoaz. Gaurko dantzariak laugarren edo bosgarren belaunaldikoak dira.
Feet Together Jump – Gloucestershire (Ingalaterra)
2014/05/14
Feet Together Jump, Costwolds eskualdeko Morris jigs dantzetan aditua den bikotea dugu. Dantza tradizionalak plazaratu eta estilo bereko dantza berriak sortzen dituzte.
Paloteo de Muelas del Pan – Muelas del Pan (Zamora)
2014/05/14
Muelas del Pan herria Gaztela-Leongo Zamora probintzian kokatzen da. Bertako makila-dantzaren arrastoak XVI. mendera arte garamatza, Gorpuzti eguneko prozesioetan Santisimoari laguntzeko dantzatu izan baita.
Ataitze dantza taldea – Itsasu (Lapurdi)
2014/05/14
Ataitze Itsasuko (Lapurdi) dantzarien multxoa da. Lapurdi barnealde eta Baxenabarre hurbileko dantzak ditu oroz gainetik begiratzen eta lantzen, bai eta Euskal Herriko bertze zonbeit ere.
Ball de bastons de Cambrils – Cambrils (Tarragona)
2014/05/14
Cambrils herrian ezagutzen dugun ball de bastons edo makila-dantzen aurreneko albistea 1907ko Kontzepzio jaietakoa da. Hain zuzen, Cambrilsen bizi ziren Montblanc aldeko bastoners (makil-dantzari) batzuek dantzatu omen zuten.
Kezka dantza taldea – Eibar (Gipuzkoa)
2014/05/14
Eibarko Klub Deportiboaren barruan sortu zen Kezka dantza taldea 1958. urtean. Hasiera-hasieratik txistulari eta dantzariek osatu dute Kezka, eta taldearen 56 urteko ibilbidean eskutik aritu izan dira.
Duguna dantza taldea – Iruñea (Nafarroa)
2014/05/14
Duguna dantza taldea 1949. urtean sortu zen, eta orduz geroztik Iruñeko ospakizun nagusietan parte hartzen du. Izan ere, horixe baitu bere xede nagusia, Iruñeko dantza-ekitaldiak sendotu eta bultzatzea.
2014ko Ezpalak jaialdiaren egitaraua
2014/05/14
Ttunttuneroak, danbolinteroak dantzari begira jotzen izango ditugu Ezpalak 2014 jaialdian. Maiatzaren 14an Iruñean eta 25ean Eibarren Gloucestshire, Muelas del Pan, Cambrils, Itsasu eta Berrizko danbolinteroak eta dantzariak izango ditugu. Hona hemen egitaraua:
