Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Gipuzkoako Dantzagunea

Orain arteko ekarpenak

Zortzikoa eta dantza-jauziak ikasteko ikus-entzunezko materiala sarean

2023/01/04

Dantza bakoitza pausoz pauso ikasteko ariketak eta adibideak jaso ditu Aritz Ibañez dantza-maisu iruindarrak "Pausoka dantzan: Klik eta dantza!" proiektuan, eta dagoeneko erabilgarri daude Dantzan.eus webgunean. Sortutakoak Tradizionalaren 9. edizioan material didaktikoa egiteko hautatutako proiek...

Gehiago irakurri

Sortutakoak 21: Qabalum, Become

2023/01/03

Zenbait gairen inguruko hausnarketak gorputz-mugimendu bihurtzeko laborategi-lana egin dute Diego Pazó eta Lucia Burguete dantzariek Sortutakoak deialdiaren 21. edizioaren baitan egindako egonaldian. Sorkuntza egituratu eta konplexu bati ekiteko moduko materiala sortu ahal izan dute. Qabalum, Become, Sortutakaok 21, Gipuzkaoko Dantzagunea, 2022-12-30.

 

Ertza: Moor Krad

2022/12/07

Pertsona guztiek duten alde ilunera bidaiatu du Asier Zabaletak bere azken lana prestatzeko. Moor Krad ikuskizuna Bilboko Arriaga antzokian estreinatuko dute 2022ko abenduaren 9an, 19:30ean. Familiak, gizarteak, erlijioak... jaiotzen garenetik erreprimitzen ditugun sentimenduak itzaletik atera, eta forma koreografikoa eman die. Valerio di Giovanni, Rafke Van Houplines, Pilar Andrés, Denis Martinez eta Thiago Luiz Almeida arituko dira oholtzan dantzan. Kantuak presentzia nabarmena du ikuskizunean, Iosu Ieregi abeslariarekin. Moor Krad, Ertza, Asier Zabaleta, 2022-12-02.

Sortutakoak 20: Olaia Valle eta Rocio Tejeda, Lo que pasa mientras

2022/11/07

Zer gertatzen da erorketan? Galdera hori sorkuntzarako gaitzat hartuta garatu dute beren sorkuntza-proiektua Olaia Valle eta Rocío Tejeda dantzariek. Bata bestearekiko zaintza, enpatia, errituak... Kontzeptu ugari agertu zaizkie bidean. Era berean, egonaldiak balio izan die sortu nahi duten pieza koreografiko luzerako oinarriak markatzeko. Sortutakoak 20, Lo que pasa mientras, Olaia Valle eta Rocio Tejeda, Gipuzkoako Dantzagunea, 2022-10-21.

Sortutakoak 20: Laura Parra, Issue

2022/10/13

Gipuzkoako Dantzagunean abiatutako Bleeding Issue sorkuntza-prozesuari jarraitasuna eman ahal izan dio Paula Parrak Sortutakoak deialdiari esker. Paula Montoya eta Axier Iriarte dantzariekin bizitzaren zaurietan arakatu eta ospakizun bilakatzen ditu Issue lanak. Aurretik sortutakoei ekarpen berriak egin dizkiote, eta aretorako pieza luzea osatzea dute orain helburutzat. Sortutakoak 20, Laura Parra, Issue, Gipuzkoako Dantzagunea, 2022-10-04.

 

Udako ikastaroak 2022: Busti dantzan

2022/10/04

Zenbait aldaketa egin dituzte aurten Gipuzkoako Dantzaguneko udako ikastaroetan, Gipuzkoako Dantza Profesionalen Elkartearekin batera. Aurreko edizioetan ez bezala, ikasle guztiek dantza garaikidea eta klasikoa landu dituzte, bi mailatan banatuta. Orain arte egindako ikastaroetan, dantza estiloak bereizita lantzen ziren, eta ikasle bakoitzak hautatzen zuen batean, bestean ala bietan inskribatzea. Busti dantzan izenarekin, dantzari gaztetxoak estilo berrietan murgiltzeko gonbidatzea izan dute helburutzat.

Ohiko bi asteko formatua ere irauli da. Bost eguneko ikastaro trinkoan goizetik eguerdira aritu dira egunero bost bat orduz. Marcello Racitirekin klasikoa eta Alessio Natarekin garaikidea ikastearekin batera, bi klaseen artean egunero dantzarien formazioa osatzeko saioak egin zituzten zenbait aditurekin. Aikidoa eta dantza garaikidearekin teknika propioa eratu duen Iker Arrue koreografoarekin gorputzaren prestaketa landu zuten. Eva Arrieta fisioterapeuta eta osteopatak lesioak saihesteko gomendioak eman zizkien, emozioek gorputzean duten eraginari arreta ematearekin batera. Rocio Laurak pilates-saio bat eman zien, eta Dantzaz konpainiako Maddi Gaztelumendi eta Estebe Abrisketa dantzari gazteek dantzari profesional gisa hasten ari diren ibilbideko gorabeherak kontatu zizkieten.

Ikastaroaren azken egunean, gurasoei eta publiko orokorrari irekitako saio bat egin zen Errenteriako Lekuona fabrikan, ikastaroan ikasitakoak erakusteko. Busti Dantzan, Udako ikastaroak, Gipuzkoako Dantzagunea, 2022-09-20.

Dantzaren ikerkuntzari eta material didaktikoen sorrerari bultzadatxoa

2022/09/28

Gipuzkoako Dantzaguneak sustatutako Sortutakoak Tradizionala deialdian hautatu diren proiektuen berri eman du Gari Otamendik: Jon Olazkuagaren La Pamperruque dantzari buruzko ikerketa lana eta Aritz Ibañezen Dantzaren ikasketan laguntzeko sareko ikus-entzunezko baliabideak izeneko pr...

Gehiago irakurri

Dantza dokumentazioa Eresbilen

2022/07/13

Dantzaren inguruko argitalpen eta material ugari kontsulta daitezke Eresbil Musikaren Artxiboan, hala bertatik bertara, nola sarean. Gipuzkoako Dantzagunea eta Eresbil zenbait proiektutan aritzen dira elkarlanean, eta sortzaile, ikertzaile eta dantza-zaleek jakintza-iturri oparoa dute eskura Eresbilen Errenteriako egoitzan, Dantzagunearen aretoak dauden Niessen eraikinean. Eusko Jaurlaritzaren bultzadarekin 2009an jarri zuen abian Eresbilek dantzari berariaz eskainitako dokumentazio zentroaren enbrioia, eta musika dokumentatzeko zuten eskarmentua eta ezagutza aplikatu zuten. Pello Leiñena Eresbileko zuzendariak kontatu dizkigu zerbitzuaren ezaugarriak eta erabiltzeko baldintzak. Eresbil, Dantza Artxiboa, Errenteria, 2022-07-08.

Anexa dantza konpainia aitzindaria ezagutzeko dokumentazioa eskura

2022/06/14

70eko hamarkadan dantza garaikidean aitzindaria izan zen Anexa konpainiako Julio Duran dantzariak jasota zeukan dokumentazioa laga dio Eresbileko artxiboari, eta dagoeneko ikusgai dago haren webgunean , eta gaur sinatu dute lagatze-kontratua Julio Duranek, Pello Leiñena Eresbileko zuzendariak e...

Gehiago irakurri

La Súbita: Prácticas de lo invisible

2022/06/01

Laura Alcalá eta Emma Riba sortzaileek osatzen duten La Súbita proiektuarekin egindako sorkuntza-egonaldian ikusezinak diren gorputzei buruzko hausnarketa egin dute. Hainbat ikuspuntutatik tratatu dute ikusezintasuna eta dantza: dantza lanbide ikusezin bezala, gorputza eremu ikusezina bezala, emakumea dantzaren sektorean emakume ikusezin bezala... Asmoa da dantzari eta sortzaileak elkartzeko espazioak sortzea. Oraingoan lanerako gonbidatu dituzte Marizaunka kolektiboko Oihane Vesga eta Nerea Gurrutxaga. La Súbita, Prácticas de lo invisible, Gipuzkoako Dantzagunea, 2022-04-27.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...