Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Gipuzkoako Dantzagunea

Orain arteko ekarpenak

Osa eta Mujika: Suddenly III

2018/02/06

Jaiotz Osak martxan jarritako Suddenly proiektua bere hirugarren fasera iritsi da. Xabier Mujikarekin batera 50 minutuko ikuskizuna osatu du oraingoan eta estreinaldirako azken ukituak ematen ari dira biak Gipuzkoako Dantzagunean. Irudietan Osa dantzan ikus dezakegu, bi protagonistek proiektuari buruzko azalpenak ematen dizkiguten bitartean. Irudiak: Gipuzkoako Dantzagunea. Osa eta Mujika, Suddenly III, 2018-02-02.

Dantzagunea 2017 iruditan

2017/12/27

Ezin guztiak jaso laburpen batean, baina hemen dituzue aurten Gipuzkoako Dantzagunean egindako zenbait jardueraren irudiak. Gipuzkoako Dantzagunea, iruditan, 2017.

Sorkuntza-prozesua abiatzen: Sagari Urzaiz

2017/12/11

Ideiak ondu, esaldiak zehaztu, musika dohitu... Sorkuntza-lan berria ari da jartzen abian Sagari Urzaiz. Europako hainbat dantza eta melodiaren inguruan ari da lanean klake-dantzaria. Oraindik izenik ere ez duen ikuskizunari forma ematen ari zaizkie dantzariak eta musikariak. Prozesuaren une honetako zenbait gauza oholtzan ikusiko ditugu garatuta. Beste batzuk, ordea, ideien kutxan gordeta geratuko dira. Gipuzkoako Dantzagunea, Sagari Urzaiz, sorkuntza-prozesua, 2017.

Dantza eta bideoa uztartuko ditu Zinetika jaialdiak Iruñean eta Donostian

2017/11/21

Zinetika jaialdiaren II. edizioak dantzari buruzko bideo-sorkuntzak emango ditu azaroaren 22tik 25era. J aialdiaren helburua mugimenduaren bitartez adierazten den zinemaren erakusleiho izatea da, eta ikus-entzunezko medioen bitartez, dantzaren aniztasuna eta koreografia-sormen bereziak helaraziko ...

Gehiago irakurri

Thiago Cohen: Burua itzali

2017/11/15

Thiago Cohen dantzari brasildarrak egonaldia egin du Gipuzkoako Dantzagunean Ertza konpainiaren eskutik eta Bahia Estatuko Gobernuko Kultur Idazkaritzarena laguntzarekin. Urriaren 6an erakustaldia egin zuen Donostiako Convent Gardenen, egonaldian landu duen Burua itzali izeneko pieza aurkezteko. Thiago Cohen, Burua itzali, Gipuzkoako Dantzagunea, 2017-10-06.

Dantzaz: teknologia berriekin esperimentazioan

2017/11/09

Dantzaz eta Iametza enpresa dantza eta teknologia berriak uztartzeko esperimentuan aritu dira Gipuzkoako Dantzagunean. Zuzeneko grabaziorako prototipo batekin frogak egin dituzte. Julen Irazoki Iametzako garatzaileak dio, prototipo horren bitartez, dantzaria dantzan ari denean, publikoaren eta dantzariaren arteko komunikazioa lortzea dela helburua; publikoak dantzarian eragin dezake. Ondorio interesgarriak eta erabilera anitzak ikusi dizkiote, hala azaltzen du bideoan Bertha Bernudez, Dantzazeko dokumentazio eta arte aholkulariak. Dantzaz, teknologia berriekin esperimentazioan, Gipuzkoako Dantzagunea, 2017-10-05.

Sortutakoak 11: Encuentros

2017/10/12

Dantza garaikidea eta flamenkoa uztartzen dituzte Denis Santacanak eta Victori Fernandezek Sortutakoak 11 egonaldirako aukeratutako Encuentros proiektuan. Bi dantzariek elkar topo egin zutenetik lengoaia berriak bilatzen dituzten, beren jatorrizkoaren esentzia galdu gabe. Gipuzkoako Dantzagunea, sortutakoak 11, encuentros.

Entsegu irekia: One way ticket

2017/09/27

Dantza Hirian jaialdiaren barruan aurkeztuko du Kanpai konpainiak One way ticket lana. Gipuzkoako Dantzagunean aritu dira prestatzen pieza Natalia de Miguel eta Jorge Jauregi, eta entsegu ireki batean erakutsi dute emaitza. Sortutakoak programarekin batera ekin zioten elkarlanari, hau da elkarrekin egin duten lehenengo sortze-lan eszenikoa.  One way ticket, Kanpai, Gipuzkoako Dantzagunea, 2017-09-08.

Sortutakoak 11: "Kirolak", Laida Aldaz eta Helena Lizari

2017/09/13

Euskal Herriko herri-kirolen gaineko behaketan oinarritu dira Laida Aldaz eta Helena Lizari "Kirolak" pieza koreografikoa sortzeko. Haren zenbait pieza sortzeko egonaldia egin dute Gipuzkoako Dantzagunean, bertako Sortutakoak 11 diru-laguntza programaren barruan. Gipuzkoako Dantzagunea, Kirolak, Laida Aldaz eta Helena Lizari, 2017-09-08.

Sorkuntza prozesua: "Electra" Antonio Ruz

2017/09/06

Antonio Ruz, dantzari eta koreografoak, Electra lana estreinatuko du 2017ko abenduan Espainiako Balletarekin. Sorkuntza-prozesuan murgilduta dago bete-betean, urte eta erdi darama proiektuarekin. Astebeteko lan-egonaldia egin du Gipuzkoako Dantzagunean eta azken egunean, proiektuaren inguruan egindako lanaren lagin batzuk erakutsi zizkien bertaratutakoei, bere sormen-irizpideen inguruan ere mintzatu zitzaien. Antonio Ruz Gipuzkoako Dantzagunea, Errenteria, 2017-08-04.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...