Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Gipuzkoako Dantzagunea

Orain arteko ekarpenak

Sortutakoak 10: "White lies", Natalia de Miguel eta Jorge Jauregi

2017/02/10

Sortutakoak 10 programaren barruan, Gipuzkoako Dantzagunean sorkuntza-egonaldi bat egin ondoren, San Telmo Museoarekin elkarlanean aurkeztu zuten egindako lanaren emaitza Natalia de Miguelek eta Jorge Jauregik. White Lies eguneroko bizitzan geure buruei esaten dizkiegun gezurrei eta haiei aurre egiteko zailtasunari buruzko hausnarketa da. Sortutakoak 10, Natalia de Miguel eta Jorge Jauregi, White lies, Gipuzkoako Dantzagunea, 2017-01-14.

Tailerra Dantzagunean: Mikel Aristegi

2017/01/30

Mikel Aristegi dantzari eta koreografo donostiarrak dantza garaikidearen alorrean ibilbide luzea eta sendoa egin du. Egun Berlinen bizi da, eta nazioarte-mailan ari da lanean, Europa osoan irakaskuntza eta sormen-lanak uztartzen. Gabonetako oporren bueltan etxera itzulita, egun osoko tailerra eman zuen Mikel Aristegik Errenterian. Tailerra Dantzagunean: Mikel Aristegi, Gipuzkoako Dantzagunea, 2017-01-27. 

Gipuzkoako Dantzagunea: 2016 iruditan

2016/12/26

2016a jardueraz betetako urtea izan da, eta iruditan jaso ditugu Gipuzkoako Dantzaguneak antolatutako edota Gipuzkoako Dantzagunean egindako zenbait jarduera: sorkuntzak eta produkzioak (Dantzaz, Jone San Martin, Ertza, Cielo Raso, Haatik), tailerrak (Damian Muñoz, Virginia Garcia, Iker Arrue), udako ikastaroak (Iker Murillo, Vitali Safronkine eta Ion Garnika), Sortutakoak programako egonaldiak (Amaia Elizaran), eta dantzaldiak (Urbeltzen Dantza Ganbara). 

Jaiotz Osa: Suddenly

2016/12/19

Mikel Laboa katedraren laguntza jaso du Jaiotz Osak bakarkako bere lehen lana egiteko. Gipuzkoako Dantzagunean eta Donostiako Egiako kultur etxean landu du proiektua. Bera da proiektuko dantzari-bakarlari eta koreografoa, eta hainbat kolaboratzaile izan ditu: Xabier Mujika (jantzigintza eta eszenografia), Marilo Minguez (argazkiak), Raquel Rodriguez (bideoa). Jaiotz Osa, Suddenly, sorkuntza proiektua, Gipuzkoako Dantzagunea, 2016-12-19.

DantzaKlub: Atalak 27 Victoria P. Miranda: Ultimo aliento

2016/12/06

Victoria P. Mirandaren eskutik, Dantzaz konpainiako dantzariak Atalak 27 lanerako pieza prestatzen ageri dira honako bideoan. Último aliento izeneko lanean pertsonon muturreko egoera islatzen dituzte dantzaren bidez. Gipuzkoako Dantzagunea, 2016-12-07.

Cielo Raso: Jardin de invierno

2016/11/02

2016ko azaroaren 5ean estreinatuko du Cielo Raso konpainiak bere azken lana, "Jardin de invierno", Donostiako Gazteszena aretoan. Hainbat kontzepturen gainean aritu dira dantzan Marti Güell, Gorka Gurrutxaga, Nekane Mendizabal, eta Leire Otamendi dantzariak, eta Igor Calongek egin ditu koreografiak. Cielo Raso, Jardin de invierno, Gipuzkoako Dantzagunea, 2016-11-02.

Sortutakoak 10: izen-ematea irekita

2016/10/27

Gipuzkoako Dantzaguneak Sortutakoak programaren hamargarren edizioaren deialdia iragartzen du. Sortutakoak Gipuzkoan dantza-proiektu berriak sortzeko, garatzeko eta dibulgatzeko Gipuzkoako Dantzagunearen programa da. Bere baitan hartzen ditu diru-laguntza bat, egonaldi bat Dantzagunearen Errenteria...

Gehiago irakurri

Sortutakoak 9: Amaia Elizara eta Jhon Kendall

2016/09/23

Sortutakoak 9 programaren barruan, egonaldia egin zuten Gipuzkoako Dantzagunean Amaia Elizaran eta John Kendall dantzariak, elkarrekin sortu duten "Raw" lanari azken ukituak emateko. Egonaldiaren ondoren, prest dago jende aurrean emateko. Gipuzkoako Dantzagunea, 2016-09-23.

Haatik: Hormek diote

2016/09/02

Donostia 2016ren barruan landu du Haatik konpainiak "Hormek diote" proiektua. Hirian egindako bost muralen inguruan, eta bizikidetza gaitzat hartuta, Iker Arrue, Vitali Safronkine eta Aiert Beobide koreografoek egindako bost koreografia prestatu zituzten Gipuzkoako Dantzagunean sei hilabetez. Lan horren emaitza uztailean zehar eman zuten Donostian zehar.

Udako Ikastaroak 2016 Garaikidea: Ion Garnika

2016/07/29

2016ko ekainaren 26tik uztailaren 8ra egin ziren Gipuzkoako Dantzaguneko udako ikastaroak. Ion Garnika izan zen dantza garaikideko irakaslea. Dantza garaikideko teknika eta estilo nagusiak landu zituzten, gorputzaren oinarrizko mugimenduak eta inprobisazioa oinarritzat hartuta. Udako ikastaroak, garaikdiea, Ion Garnika, Gipuzkoako Dantzagunea, 2016-07-29.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...