Udako ikastaroak Gipuzkoako Dantzagunean: izen-ematea irekita

2016/06/13

Iker Murillo, Vitali Safronkine eta Ion Garnika izango dira Gipuzkoako Dantzagunean egin ohi diren Udako ikastaroetako irakasleak. Ohi bezala, Gipuzkoako Dantza Profesionalen Elkartearekin lankidetzan antolatu ditugu udako ikastaroak, eta horietan dantza klasikoa eta garaikidea landuko ditugu. Ekainaren 27 eta uztailaren 8 bitartean teknika hobetzeko eta sormena garatzeko hainbat ariketa egingo dituzte ikasleek. Izen-emateko epea ekainaren 24 arte dago irekita.

Datak: ekainaren 27tik uztailaren 8ra (klaseak astelehenetik ostiralera egingo dira)

Dantza klasikoa

Ordutegia

9:30-11:00: Maila ertaina, Iker Murillorekin
11:15-12:45: Maila aurreratua, Iker Murillorekin
13:00-14:00: Errepertorioa, Vitali Safronkinerekin

Irakasleak: Iker Murillo / Vitali Safronkine

Dantza garaikidea

Ordutegia

16:00-17:30: Maila ertaina

Irakaslea: Ion Garnika

Udako ikastaroak: izen-emateko informazioa

Prezioak

Ikastaro osoa: 60€
Klase bakarra: 10€
Errepertorioa: 30€

Izen-ematea: dantzagunea@gipuzkoa.eus

Ordainketa: diru-sarrera egiteko kontu-zenbakia ES77 3035 0053 07 0530045362 (izena, abizena, eta zein kurtso egingo den adierazi).

Izen-emateko epe-amaiera: ekainaren 24a (tokiak epea amaitu baino lehen betez gero, izen-ematea itxiko da)

Izen-emateko gutxieneko adina 12 urte.
Gutxienez bi urteko formazioa eskatzen da.
Antolatzaileek dute onarpen eskubidea, beharrezko maila ez duten ikasleei dagokionez

Informazioa: Udakoa ikastaroak Dantzagunean: izen-ematea irekita (Gipuzkoako Dantzagunea)

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea.

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...