Dokumentuaren akzioak
Sortutakoak 22 deialdiko lau proiektuak hautatu dira
Gipuzkoako Dantzagunea
Sortutakoak 20: Olaia Valle eta Rocio Tejeda, Lo que pasa mientras. Irudia: Gipuzkoako Dantzagunea
Gipuzkoako Dantzaguneak 22. Sortutakoak programarako lau proiektu hautatu ditu: Hiriko Dantza Performance elkartearen X², Compañía X-en Locari, Compagnie Insigth-en Los quemadores del tiempo eta Nazario Diazen Amanecer.Alto.Cielo. Egile bakoitzak 3.500 euroko laguntza jasoko du Gipuzkoako Dantzagunean sorkuntza-egonaldia egin eta lana gorpuzteko. Ondoren, aurkeztutako sorkuntza-prozesuen lan guztiak, Gipuzkoako Dantzagunean egiten direnen beste lan guztien gisan, Eresbileko artxiboko gordailuan gordeko dira.
Sortutakoak programaren helburua dantza-proiektu berrien sorrera, garapena eta dibulgazioa sustatzea da. Horrela, aurkeztu diren proiektuen garapen-irizpideak, bideragarritasuna eta Gipuzkoako Dantzagunearekin duen testuinguru-harremana hartu dira kontutan hautaketa egiteko orduan.
Guztira, hemeretzi proiektu aurkeztu dira Sortutakoaken deialdi honetara; behin eskaerak eta txostenak jasota, aipatutako laurak izan dira aukeratuak. Balorazio batzordea Aiert Beobide (Haatik) Caterina Varela (Resiencias paraíso) eta Nando Piñeirok (C.C. Egia Gazteszena) osatu dute eta Gipuzkoako Dantzaguneko Sofía Alforja aritu da idazkari lanetan.
Dokumentuaren akzioak
Erantzun
Gipuzkoako Dantzagunea
Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.
Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea.
Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.
Dantzagunearen lan-lerro nagusiak honakoak dira:
1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.
2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.
3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.
4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.
5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...
