Dokumentuaren akzioak
Tuterako besten goxoa...
Duguna - Iruñeko dantzariak
Zazpigarren urtez gonbidatu gintuen aurtengo uztaila hondarrean, Tuterako Beterri peñak, bertako festetan dantzatzera. Gustora asko joaten gara erriberako hiriburura dantzara, goxo baino goxoago tratatzen baigatuzte bertan. Uztailaren 26arekin abiatu ginen, beraz, Tuterara eta iaz zezensuzkoarekin izandako kalapita saihestearren, pixka bat aurreratu genuen karrikadantza eta emanaldia.
Aurten Gipuzkoako zenbait dantza eman genituen alde zaharreko karriketan: Uztai-txikiena, Makil-handiena, Brokel-Makilena, Zinta-dantza eta Makil-txikiena. Dantzari zortzikoteak eta buruzagi lanak partekatuz aritu ginen, beroari aurre egiteko eta xede horretan berebiziko laguntza izan ziren antolatzaileek uneoro eskaini zizkiguten ur eta garagardo katxiak.
Ainara Ranera, Itziar Perez, Akier Perkaz, Iñigo Gartzia, Julen Fagoaga eta Aritz Ibañez aritu ziren tarteka taldea gidatzen. Baita Aitor Razkin ere, kasu honetan lehenbiziko aldiz. Izan ere, aurretik egindako emanaldi bikain eta hutsik-gabea saritzeko, azkeneko plazako geldiunean Makil-handien taldearen buruzagi izateko aukera izan zuen! Biba Aitor!
Emanaldiaren ondoreneko dutxa eta afari goxoarekin hasi ginen kontatzen heldu den urteko bisitarako falta diren egunak.
Biba Tutera eta Tuterarrak!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
