Ion Garnika

Ion Garnika (Lizarra, 1962)

Ion Lopez Garnikak 18 urterekin deskubritu zuen dantza, Iruñeko Julian Gayarre kontserbatorioan hasi zen dantza ikasten, eta Jose Lainez-ek trebatzeko aukera izan zuen. Ondoren, Zaragozan, Maria de Avila akademian aritu zen, eta handik, Brusselara jo zuen, Maurice Bejart-en Mudra International eskolara. 300 hautagai aurkeztu eta 16 hautatu zituzten, tartean Jon Garnika. XX. Mendeko Ballet-ean aritu zen profesionalki, Suitzan ere jardun zuen eta 1990ean Florentziako Balleto di Toscanan sartu zen.

1991an William Forsythek zuzentzen zuen Frankfurteko Balletera iritsi zen. Ballet horretan paper garrantzitsuak egin zituen eta Forsythekin berarekin ere lan egin zuen koreografia berriak sortzen. 1998 urterarte aritu zen bertan, eta Angel Corella, Lucia Lakarra edo Tamara Rojo moduko izarrekin lan egiteko aukera izan zuen. Bartzelonan leku-hartu eta irakaskuntzan aritu zen 2004 urterarte, Institute del Teatron. Ondoren Mallorkan, Ballet Joven-en irakasten aritu zen, eta baita Valentzian ere, Maria Carbonell konpainian. 2006tik Valladoliden dago eta Gaztela eta Leongo Dantza Eskola Profesionalean ari da irakasle. 

Azken urratsak

• Un bailarín que mostró su danza por el mundo 2010/03/10
• Ion Garnika 2009/07/22
• Diaspora koreografiko itzela 2003/12/26
• Jon Garnika dantzari nafarra klasikoa erakusten ari da egunotan Artelekun 2002/12/28