Orain arteko ekarpenak
2006/04/11
Azken urteotako Haritzen ekitaldi kopuruei begiratuz gero pentsa liteke Elgoibar dantzaren herria
dela. Ez dago ekitaldi ofizial, ospakizun, inaugurazio, jai,
ongi-etorri, urteurren, harrera ekitaldi edo bestelako ekintzarik
Haritzen dantzari eta Udalaren txistularirik gabe. Horretaz gain,
herritarrei zuzendutako dantza solteko eta erromeriako ikastaroak
burutzen dira.
Urtea, katekistek antolatzen duten Erregeen kabalgatarekin hasi eta
Gabon Zaharreko feriarekin bukatzen du dantza taldeak. ...
2006/04/11
Familia izan da euskal tradizioan
kulturaren transmisiorako espazio garrantzitsuena. Nekazal gizartetik
hiri bizitzara pasa arren, kultura tradizionalaren zenbait alorretan
eragina izaten jarraitzen du familia bidezko transmisioak. Horrela
gertatzen da dantzan ere Haritz Dantzari Taldean bertan froga
daitekeenez. Dantzaren munduarekin lotura handia erakutsi duten zenbait
senitarte jaso ditugu hemen adibide moduan. Familia bereko kideek
dantzarako joera erakutsi duten kasu ugari dagoen moduan, ...
2006/04/11
Elgoibarko sokadantza oinarrian hartuta eta
Euskal Herri osoko dantzak ikasi eta aurkeztu arren, zerbaitek
nabarmendu badu Haritz Dantzari Taldea, bere herrialdeko, hau da,
Gipuzkoako dantzak ahalik eta txukunen aurkezteko ahalegina izan da.
Lan horretarako erabakigarriak izan dira Haritzeko dantzariek izan
dituzten dantza maisu apartak. Juan Antonio Urbeltz eta Argiako dantza
maisuak batetik: Iñaki Arregi, Jexus Larrea eta Fernando Aristizabal.
Eta Goizaldiko Iñaki Gordejuela dantza maisua, ...
2006/04/11
1970ko eta 1980ko hamarkadetan bailarako
dantza taldeekin zenbait harreman izan zituen Haritzek. Debako Gure-Kai
dantzari taldeko Txaro Garatek irakatsi zizkien elgoibartarrei
Iribaseko Ingurutxoa 70eko lehen urteetan eta 80koetan, berriz, Debako
San Roke eta Jorrai dantzak ikasi zituzten Haritzekoek Gure-Kaikoekin.
Eibarko Kezkako dantza taldearekin Banako Zaharra ikasi zuten 1984an
Haritzeko dantzariek. Gainera garai horretan dantza jaialdi bateratuak
antolatu zituzten Haritz eta Kezkak, ...
2006/04/11
Haritz Dantzari Taldeko dantzariak
zorionekoak dira 25 urte horietan dantzan egin ahal izateko doinuak
jartzen izan dituzten musikariekin. Txistulari edo danbolinteroak dira
dantza talde batek behar beharrezko dituen musikariak. Badira afinazio
eta trebetasun aparta erakusten duten txistulariak, baina dantzariak
nahiago izaten du dantza ezagutuko duen danbolinteroa. Poltsikoko txistulariak
ere ez dio laguntza handirik eskaintzen dantzariari, dantzaren erritmoa
jarraitzeko beharrezkoa duen ...
2006/04/11
Haritz Dantzari Taldearen sorreran eta 25
urteko ibileran sokadantzak taldeari bizkar-hezurra eskaini badio,
Dantza Eskola izan da taldea hezur-mamitu eta biziarazi duen odola.
Haritzen sorrerako bultzatzaile nagusia izan zen Ion Arrietak ez du
duda izpirik agertzen dantza taldea eta eskolaren arteko loturari
dagokionean: "Nik ez nuke ipiniko Haritz Dantza Taldearen sorrera umeen dantza taldearekin loturarik izan gabe. Biak batera".
1966garren urte inguruan abiatu zuen Elgoibarko Izarra ...
2006/04/11
4.1. Juan Antonio Urbeltzen argia
Euskal dantza tradizionala eta folklorearen alorreko
pertsonalitaterik interesgarrienetakoa dugu Juan Antonio Urbeltz.
Euskal dantzaren historian eta norabidean funtsezko eragina izan duen
gizona da, denboran eta planteamentuetan aitzindaria. Euskal Herri
osoko dantza taldeetan nabari daiteke bere lanaren arrasto sakona.
Pribilejioa, plazerra eta ohorea da Haritz Dantzari Taldearentzat,
dantzan emandako lehenengo urratsetatik Urbeltzeniaren iturri ...
2006/04/11
1986an Portugaleteko Elai-Alai dantzari
taldearekin harremanetan hasi ziren Haritz dantzari taldeko kideak.
Odeoian ospatzen ziren jaialdiei segida eman nahian Juan Antonio
Urbeltzengana jo zuten eta honek Portugaleteko taldeari bisita egitea
aholkatu zien. Jose Inazio Sarasua eta Lourdes Odriozola Elai-Alaiko
Jose Inazio Beitiarekin jarri ziren harremanetan eta berehala
bizkaitarrek beren konfidantza osoa eskaini zieten elgoibartarrei.
1974. urtetik munduko folklore jaialdi ...
2006/04/11
Sokadantzari eta Elgoibarko Izarrako umeen
irakaskuntzari begira eman zituen lehenengo urratsak Haritz Dantzari
Taldeak, baina taldea indartzen joan ahala emanaldiak zabaltzeko gogoa
piztu zen. Umeei irakasteko ikasten ziren dantzen kopurua hazten zihoan
eta gutxi behar izan zuten dantzari helduen talde iraunkorra osatu eta
dantza saioak eskaintzen hasteko.
1976an, Trinitateetako danborradan dantzatu zuten dagoeneko dantzari
gazteek. Urte horretan bertan, ekainaren 9an, Morkaikok ...
2006/04/11
1.1 Elgoibarko aurreskuaren soka luzea
Koldo Lizarraldek eta Pello Arrietak
artxiboetan egin duten bilaketa lan sakonak erakutsi du dantzak soka
luzea duela Elgoibarren. Agiriak testigu ditugunetik, hamaika gosari,
bazkari, otordu eta ardo-zahagi jan-edan dituzte dantzariek
dantza-lanen ordainetan. Izenik gabeko ehundaka dantzarik osatzen duten
soka luze horrek eutsi dio gaurdaino dantza egiteko ohiturari
Elgoibarren eta ohitura horrek dantza berezi bat jarraitzen du
erakusten ...
Orain arteko erantzunak
2013/02/13
Ze doinu sorta ederra duen Arantzako dantza-luzeak! Dantzak ere gozagarriak dira goitik behera, baina oraindik gehiago doinu horiekin.
2013/02/12
Dantzariok, antzerkilariek eta teknikariek behar dugu eskola bat. Premia benetakoa da. Eta abiatuta zegoen proiektu hau hutsean geratzea galera larria izango da. Lehen bultzadan dantza tradizionala ez zuten aintzat hartu Eszenikarako, baina bazegoen aukera aurrerago bidea egiteko bertan. Orain askoz zailagoa izango da.
Proiektua bultzatu behar zenean lokartu, eta gero, azken orduan, gauzak presaka eta gaizki egitearen ondorioz bertan behera geratu da Eszenika. Baina bai Hezkuntza sailaren aurrean eta baita eskolaren aldeko plataformaren aurrean salatu dudan moduan, Eszenika Bilbon jarri nahiak, eta horretarako eraikin berri bat prestatu nahiak lagundu du horretan. Eraikin bat hutsetik eskola bihurtzeko 5-6 miloi euro xahutu beharrean bazeuden beste aukera batzuk lehendik dauden beste azpiegitura batzuetan eskola martxan jartzeko. Isabel Celari berari jakinarazi zitzaion 2009 urtean, bazituela beste aukera batzuk, 2009an bertan eskolako ateak irekitzeko moduan. Lantaldea antolatu beharra soilik zuen. Ez zeukan gainera egoitza definitiboa izan beharrik, abiatu zitekeen toki batean, eta egoitza definitiboa prest zegoenean aldatu tokiz. Baina eskola lehen egunetik Bilbon jartzearekin tematuta zeuden eta beste aukerak aintzat hartu gabe egin zuten aurrera.
2012/12/11
Hara, niri ere pasatzean atentzioa deitu dit, eta oso interesgarria kontatu duzuna. Ioannes de Quirno, baler arpoinlaria eta dantzari aparta. Oso polita kontakizuna Aritz! Eskerrikasko!
2012/12/08
Bueno, asuntoa da orain ea zer egingo dugun. Erreklamatuko dugu errekorra guretzat? Nahi gabe egin dugula kontuan hartuta ere? Guinness errekorren liburuan agertzea harro egoteko kontua da edo lotsatzekoa? Niri dantza talde batek curriculumean bidaltzen badit Guinness errekorra duela zinta-dantzan... ez dakit parrez hasi ala auzo-lotsaz irakurri ez banu bezala egin.
2012/11/19
Neuk ere uste dut animaliei tratu txarrak egiten zaizkiela festa batzuetan eta horiek ez direla baimendu behar, baina oilasko jokoaren kontu honekin zalantza handiak ditut. Egunero milaka oilasko hiltzen ditugu baserri eta granjetan oilasko-jokoan egiten den modu bertsu edo krudelagoetan, baina ezkutuan egiten denez ez da ezer pasatzen. Oilaskoak plaza agerian hiltzea tratu txarra da? Ez dakit, baina hori tratu txarra bada, jateko hiltzen ditugun animalia guztiei tratu txarrak eragiten dizkiegu.
Nik pena hartu dut Amasako oilasko jokoa bukatu dela jakinda. Arrautzekin segitzea beste erremediorik ez badute, gutxienez arrautz-joko bat ere asmatu beharko lukete iriarena doinuarekin!
2012/11/16
Bai, hori da! Mikelue begi luze, ja, ja! Jota dantzatzerakoan ere bikote bat elkarrekin dantzan ageri da.
2012/11/15
Konpainia hau oso ona da, baina zehazki bideo hau (film laburra esan daiteke) izugarria iruditzen zait. Pantaila handian jarri eta musika altu jarrita ikustekoa da. Juanma Sanchez musikari madrildarraren bidez ezagutu nuen eta eskerrak berari.
2012/11/13
Joe, itxuraz aurreko bideoko dantzari simetrikoarekin afektatuta geratu naiz, eta orain edozein tokitan ikusten ditut ispilu dantzatzen dutenak... Konturatu zarete bideo honetan, dantzari batek zati batean alderantzizko hanka altxatu eta kontrara ematen duela buelta? Begiratu, begiratu adi! 0:57 segunduan gertatzen da. Ikusi duzue?
Nik orain urte batzuk ikusi nuen bideo hau, eta orduan konturatu nintzen, eta orain Andra Marikoek bideoa igo dutenean, horren bila joan naiz. Baina oraingo honetan iruditu zait, atzetik aurrera etortzerakoan galdu egiten duela urratsa, eta berreskuratu nahian kontrara hartzen duela... Edo hori, edo bestela, hau Rufino Garai bera da, gaztetan! kar, kar, kar.
http://www.dantzan.com/[…]/elburua-gernika-gotzon-elorza
2012/11/12
Beñat Aranburu da beraz dantzari ikaragarri hori. Mila esker Aritz peskisagatik!
Bai Iñaki, niretzat herritarren "gorputz espresioa" nabarmena da. Dantzarako aire berezi bat dute, tentea, dotorea, airosoa. Nik esango nuek formazio akademikoa (zuberotar dantzetako trebakuntza sistematikoa bezala ulertua) testuinguru erlaxatuan agertzen denean, antzematen dela eredu hori bere ederrenean.