Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Korpus-dantzak

Iruñea
2019/06/23 11:00

Korpus-dantzak

Zangoza
2019/06/23 11:30

Umeen soka-dantza

Beasain
2019/06/04 11:00

Beasain: Loinazko ezpata-dantza

Beasain
2019/06/03 08:30

Road to Perdition dantza eszena

2019/03/22

Pub irlandar bateko irudiak ageri zaizkigu bideoan, haurrak, gazteak eta helduak, denak datzan. Sam Mendes zine zuzendari britaniarrak 2002. urtean zuzendu zuen "Road to Perdition" pelikulako dantza eszena bat dugu. Pelikulako protagonistak Tom Hanks, Jude Law, Paul Newman eta Daniel Craig aktoreak ditugu. Dantza eszena honetan pub irlandar bat ageri zaigu, saloia leporaino beteta eta denak festan, dantzan ari dira. Musika irlandarraren doinuan, kontra-dantzak dantzatzen ari dira tabernako bezeroak. Esan daiteke ia inor ez dagoela geldirik, denak dantzan edo txaloekin erritmoa markatuz, baita haurrak eta gaztetxoak ere. Road to Perdition, EEBB, 2002.

 

Verdini: Zu zeu

2019/03/21

Verdini dantza taldea Zu zeu izeneko koreografia dantzatzen ari da irudiotan. Gaur Down Sindromearen nazioarteko eguna izanik Verdini taldearen irudi hauek ekarri nahi izan ditugu gurera. 25 urteko ibilbidea ospatzeko Victoria Eugenia Antzokian aurkeztu duten ikuskizuneko azken dantza dugu honakoa. 1992an sortu zuen Isabel Verdinik taldea, dibertsitate funtzionaleko pertsonek lan fisiko eta artistikoa garatzeko helburuarekin. Azken ikuskizunean, taldeak bere ibilbidean zehar oholtzaratu dituen hainbat lan berreskuratu nahi izan ditu. Pieza horietako bat da irudietan duzuena, 2013an aurkeztu zena. Verdini, Zu zeu, 2019-02-10.

Denis Santacana: Madera

2019/03/20

Madera koreografia aurkeztu du Dferia azokan Denis Santacanak. Koreografoa bere esperientzian oinarritu da lan honetarako, urte asko kanpoan bizi izan ondoren bere sorlekura itzultzea irudikatu nahi du. Naturak jatorrira itzultzeko egiten dion deiaren eta horra berregokitzeko zailtasunaren arteko gatazka pertsonala, iraganeko mamuen kontrako borroka. Santacana, Victor Fernandez eta Yenalia Palmero dantzariekin ageri zaigu oholtzan, egurrezko makilak eskuetan dituztela ari dira dantzan. Irudiak: Eire Vila, Dferia, Denis Santacana, Madera, 2019-03-11.

Kukaik Espainiako Dantza Saria jaso du

2019/03/20

Kukai dantza konpainiak 2017ko Dantzako Sari Nazionala jaso du sorkuntzako modalitatean. Espainiako errege-erreginek 2017ko Kulturako Sari Nazionalak banatu dituzte asteartean, Prado museoko klaustroan egin den ekitaldian. Espainiako Hezkuntza, Kultura eta Kirol Ministerioak 2017an izendatu zitu...

Gehiago irakurri

Aiziritze: Kabalkada 1989 kontra-dantzak 1

2019/03/15

Kontra-dantzak dantzatzen ageri dira Burgaintzi dantza taldeko dantzariak, 1989an Aiziritzen ospatu zituzten kabalkadetan. XIX. mendean eta XX. mendearen lehen erdian Nafarroa Beherean oso ohikoak izan ziren kontra-dantzak plazetako dantzaldietan, eta hainbat doinu eta figura dantzatzen ziren. Horien guztien artean badira lau kontra-dantza doinu jarraipen handia izan dutenak XX. mendearen bigarren partean ere, eta besteak beste Luzaiden Pazko eguneko Bolant egunean dantzatzen direnak azken hamarkadetan. Hain zuzen ere lau kontra-dantza horiek dira Burgaintziko dantzari gazteek dantzatzen dituztenak bideo honetan:

  • Lehen kontra-dantza
  • Bigarren kontra-dantza
  • HIrugarren kontra-dantza (polka izenarekin ere ezagutzen dena)
  • Laugarren kontra-dantza (Xilo-xilo ere deitua)

Irudiak: Claude Iruretagoiena / Maritzuli. Burgaintzi, Kabalkada: 1. kontra-dantza, 2. kontra-dantza, 3. kontra-dantza eta 4. kontra-dantza (xilo-xilo). Aiziritze, 1989-02-12.

Olazti: ihoteak 2019

2019/03/12

Inaute larunbatean atera dira Olaztiko inauterietan zamarro handiak, zamarro txikiak beren gurdiarekin, neskak, Mari Arroka jainkosa, alkatea, aguazila, apaiza... Olaztiko inauteriak 1992an berreskuratu zirela kontatu digu Adelaina Kintanak. Gaur egun, egun bateko festa ospatzen dute, inaute larunbat arratsaldean hain zuzen ere. Herrian zehar kalejiran aritzen dira mozorroak plazara iritsi arte. Herriko plazan kintoek zortzikoa dantzatzen dute. Irudiak: Eire Vila. Ihoteak, Olazti, 2019-03-02.

Orain arteko erantzunak

Dantzan.com on Jantzien kodexa, XVI. mendera bidaia koloretsua

2013/12/10

Mila esker Weiditz-en liburuaren loturagatik Mikel!
Pisgeina hitzari buruz, Oier Gorosabel-ek twitterren galdetu du ea ez ote den izango "vizcaina" hitzaren transkribapen fonetikoa.
https://twitter.com/Txikillana/status/408888045383843840

Dantzan.com on Maskaraden inguruko galderak Zuberoako Mihia Pitz telebistako lehiaketa berrian

2013/10/14

Maskaradetan emakumeek lehen aldiz non eta noiz parte hartu zuten galdearen inguruan idatzi digu Marcel Bedaxagarrek. Hauxe esaten digu: "Ene ustez, egün bat baizik ez züen egin Barkoxen. Eta ondotik, ez da emazterik izan maskaradetan 31 urtez. Urdiñarben ziren berriz agertü eta geroztik beti hor dira, salbü Eskiulan, herri horrek emazteen maskaradak egin ondoan, gizonenak egin beitzütian urte zonbait berantago (Gamere Ziihigako aitzineko maskaraden ber urtean eta ber ihautean).

Dantzan.com on Areatza: Aurreskua 1925

2013/09/18

Bideo honen harira, Sojok bere jaioterrira egindako bisitaren berri ematen zuen ABC egunkariko albistea aurkitu du @jabiortega -k eta twitter bidez konpartitu du. Hauxe dio testuak:
ABC, Viernes 5 de Febrero de 1925
Vascongadas
El Dr. Sojo en Bilbao
Bilbao 5, 11 noche. El ilustre periodista argentino doctor Sojo visitó hoy Villaro, donde nació su madre, presenciando las fiestas típicas que se organizaron en su honor. Por la tarde verificó una visita a la casa paterna, existente en Castrejana. Esta noche, sus amigos obsequiaron al director de La Rasan, de Buenos Aires, con ana comida en el Club Náutico, a la qne. asistieron el presidente de la Diputación, el alcalde y el cónsul de la Argentina.

Dantzan.com on Non izan zarete uda honetan dantzan?

2013/09/03

Jon Iruretagoienak hauen berri eman digu <dantzan> posta zerrendan: "Ixtorio Mixtorio ikusgarria Bretaniara eraman genuen Maritzuli konpainiarekin, Xinkako (Bidarte) eta Eraiki (Behobia) taldeekin. Guingamp eta Pontivy-n eman genuen. Hendaiako Akelarre taldea eta behobiako eraiki dantza taldea, IDB ek lagundurik, Bretaniara joan ziren, Concarneau-ko "les filets bleus" festibalean parte hartzeko."

Dantzan.com on Non izan zarete uda honetan dantzan?

2013/09/03

Jakin dugunez Donostiako Kresala dantza taldea Ambert-en izan da, Frantzian.

Dantzan.com on Non izan zarete uda honetan dantzan?

2013/09/03

Eskerrikasko Ander! Sartu dugu zerrendan.

Dantzan.com on Dantzargazkia 001: Maskaradak Sohütan 1934an

2013/08/14

Hona Marcel Bedaxagarrek emandako zenbait argibide: "Ene ustez xorrotx bata (eskerrekoa) Marcellin Heguiaphal daiteke. Pastoral errejent familia handi batetakoa et bera ere errejent izana. Azkena 1984 ean Sohütan, "Aimunen lau semeak". 1996 an zendürik. Gure Irratiko Mattin Larzabal eki algarizketatü günian 1982 an. Maskarada horik aipatü zeizkün. Ez dütüt oro gogoan orai. Orain segür niz xuriz den eta argazkian ageri den motiko gaztea beti bizi dela! Ferdinand Morot deitzen da eta Sohütan da beti. Diala 15 egün, pastoral mustrakan zen."

Dantzan.com on Dantza ekitaldiak Herri Urratsen

2013/05/20

Mila esker Johañe. Egin dugu zuzenketa. Ondo segi!
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com