Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Boiseko Dan Ansotegi musikaria eta dantzaria saritu dute

2019/06/24

Dan Ansotegi ri "National Fellowship of the Arts" saria eman diote; Estatu Batuetako folk eta musika tradizionalean jaso daitekeen aitorpen garrantzitsuena. Artisten lana aitortu eta beren proiektuak diruz laguntzea da sariaren xedea. Aitortza hori jaso duen...

Gehiago irakurri

Clemence Juglet: El otro

2019/06/21

Clemence Juglet dantzari eta koreografo frantziarra dugu oholtzan dantzan. Dferia azokan aurkeztu zuen berak sortutako "El otro" dantza pieza. Dantza garaikideko pieza honekin gure identitatearen bilaketa eta baieztapena irudikatu nahi ditu Jugletek. Gizartean gure irudiak izan ohi duen garrantzia azpimarratzen du; gure nortasunaren alderdi ezberdinak bereizten ditu, izatearen eta itxurak egitearen ondorioz sortzen direnak. Garen bezalakoak izateari omen diogu beldurrik handiena. Ikasgaia jaso genuen bestearen beharrak asetzeko, bestearen ikuspuntuaren arabera bizitzeko, onartuko ez ote gintuzten beldurrez. Gogoeta horiek oholtzara eramaten ditu eta gorputzaren bidez adierazten ditu. Koreografoa eta dantzaria: Clemence Juglet. Musika: Mike Sheridan, Harry Escott, Sandrine Piau. Irudiak Eire Vila. Clemence Juglet, El otro, Dferia, 2019-03-11.

Sanjoanak dantzan

2019/06/21

Gaur arratsaldeko 18:00ak jotzear direnean hasiko da uda, gaurkoa dugu urteko egunik luzeena eta gaurik motzena. Euskal Herriko txoko askotan udarari ongi etorria dantzan egingo zaio. Sanjoanak ospatuko dira asteburuan eta festaren bueltan hainbat ohitura, erritu eta dantza izango dira gure herriet...

Gehiago irakurri

Cortes: 1967 txirikorda bikoitza

2019/06/19

Cortesko paloteadoko zinta-dantzetako bat dugu irudietan. Julio eta Pio Caro Baroja anaiek zuzendu zuten 1971. urtean "Navarra: las cuatro estaciones" dokumentaleko zati bat da. Nafarroako hainbat ohitura eta erritu jaso zituzten barojatarrek; kasu honetan Cortesko txirikorda bikoitza (trenzado doble). Dantza hau Cortesko dancearenn zati bat da. San Migel eguneko prozesioan atera ohi dira dantzariak eta ondoren arratsaldeko 17:00etan udaletxe aurrean kokatutako oholtzan paloteado osoa aurkezten dute; dantza, antzerkia eta bertso errezitaldia. Dokumentalean arratsaldeko saioko irudiak jaso zituzten. Zortzi dantzari ari dira dantzan eta beraiekin batera eszenatoki gainean ikus ditzakegu Cortesko dancean ohikoak diren aingerua, deabrua eta artzain-burua. Baita, udal dantzarien bandera eusten duten bi laguntzaileak ere.

Hasierako irudietan makila eta zintak bakarrik erakusten dira, dantzariak ikusten ez badira ere dantzan ari direla suma dezakegu; punta lorez apainduta duen makilaren bueltan txirikordatzen baitira koloretako zintak, dantzarien mugimenduen ondorioz. Segituan, dantzariak agertzen dira dantzan. Trenzado doblea deitzen zaio dantza honi, dantzariak elkar gurutzatzean momentu batean bikoteka elkar besarkatu eta bi buelta egiten dituztelako. Irudietan makila nola lotzen duten bakarrik ageri da, baina hasierako tokira heltzen direnean denak batera jiratu eta musikak agintzen duenean noranzkoa aldatzen da. Hasieran osatu duten txirikorda askatzen dute kontrako mugimenduak eginez.

Julio eta Pio Caro Baroja, Navarra, las cuatro estaciones, trenzado doblea, Cortes, 1967.

Urbeltzen "Danza vasca: aproximación a los símbolos" liburua eskuragarri

2019/06/19

Juan Antonio Urbeltzek 2001. urtean argitaratu zuen "Danza vasca: aproximación a los símbolos" liburua dantzan.eus-en bertan deskargatzeko aukera duzue . Etor-Ostoa argitaletxeak argitaratu zuen Euskal Herria entziklopedia enblematikoa bilduman kaleratu zen Urbeltzen lana. Eusko Jaurlaritza...

Gehiago irakurri Erantzun 1 dago

Bidarrai: Besta Berri 1969

2019/06/18

Bidarraiko 1969ko Besta Berri eguneko irudiak ditugu honakoak, Jaime Albillosek grabatuak. Goizeko eta arratsaldeko irudiak jaso zituen Super 8 formatuan. Bidarraiko Besta Berriko "beztituen" irudi ederrak jaso zituen Albillosek: makilaria, zapurrak, soldaduak, banderariak... Horien artean, Bidarraiko Besta Berriko bereizgarriak direnak; alde batetik "galtza haundi" edo suaboak eta bestetik soldadu lantzierrak. Musikarien atzetik desfilatzen ikus daitezke lantzadun soldaduak, lantza handiak eskuan eta bolanten-arropa bertsuekin. Horien atzetik, berriz, suaboak doaz, turko erako prakak daramatzatenak. Zouaves pontificaux delakoak irudikatzen dituzte, izen hori hartu zuten armada frantseseko infanteriako erregimentu batzuek, Argeliako jatorria zutenak.

Goizeko irudietan, Bidarrai herriko irudiekin batera, musikarien, haurren eta dantzarien prestaketak ikus daitezke hasieran, denak elkartu eta jarraian desfileari ekiten diote. Eliza barruko irudiak ere ageri dira, mezako zenbait momenturekin batera makilarien eta banderen eliza barruko erakustaldiak ditugu. Dantzari dagokionez, Besta Berriko osagai nagusia martxa da. Lau zapurrak elizara horrelaxe sartzen dira, atzera eta aurrerakako pausoak txandakatuz, pauso batzuk aurrera eta beste batzuk atzera. Garbi jaso zuen Albillosek lehenengo bi zapurren dantzakera eta nabarmena da ez dutela berdin berdin dantzatzen, Martxako pausoetan ñabardura lokalak edota familiarrak izaten baitira.

Arratsaldeko prozesioko irudiak ere ageri zaizkigu. Aldarera nola iristen diren eta bedeinkazioen unea, ondoren, trinketetik elizara itzultzen dira. Ate kanpoan arku modukoa egiten dute soldaduek, ezpata eta lantzak gora altxatuta. Herritarrak arkua azpitik zeharkatuta sartzen dira mezetara. Azkenik, eliza kanpoko irudiak ageri dira. Albillosek, Bidarraiko irudi hauek bezalaxe, 1960-1970eko hamarkadetan Euskal Herriko beste zenbait txokotako festak eta dantzak ere jaso zituen. Hemen orain arte argitaratu ditugun grabazioak:

 

Irudiak: Jaime Albillos. Besta Berri, Bidarrai, 1969-06-16.

Alkateei agurrak, alkateen agurrak

2019/06/17

Dantzan agurtu dute Errenteriako alkatea eta agurra dantzatuaz hasi dute legegintzaldi berria Elorrion, Durangon, Oñatin edota Getxon. Larunbat honetan osatu dira Hego Euskal Herriko udal gobernuak eta herri bat baino gehiagotako kargu-hartze ekitaldiak dantzan borobildu dira. Bideo honetan Durangoko, Elorrioko, Oñatiko, Getxoko eta Errenteriako irudiak jaso ditugu. Durangoko Ima Garrastatxu eta Elorrioko Idoia Buruaga alkate berriek, kargua eskuratu eta makila eskuan dutela herritarrei agurra dantzatu die. Oñatin txistulariek alkate doinua jotzen dutela atera da udalbatza berria udaletxetik eta sarreran bi dantzarik agurra dantzatu diete. Getxon ere aurreskuko hainbat zati dantzatu dituzte bi dantzarik pleno aretoan bertan. Joan den ostiralean, berriz, Errenteriako Julen Mendoza alkatea dantzan agurtu zuten udaleko langileek. Azken zortzi urtetan alkate izanda Mendoza eta kargua utzi baino bi egun lehenago udal-langileek agurra dantzatu diote. Irudiak: Elene Carreto, Juan Antonio Aroma, Anboto, Oarsoaldeko hitza, Goiena. Alkateei agurrak, alkateen agurrak, 2019-06-15.

Cielo Raso: Piedra

2019/06/14

Igor Calongeren zuzendaritzapean, Ainhoa Usandizaga, Emma Riba eta Victor Fernandez dantzariak ditugu oholtza gainean. Dferia azokan aurkeztu zuten Piedra lanaren zatitxo bat jaso dugu. Piedra, harria, bizitzako ibilbidean agertzen zaizkigun oztopo, muga edo harriak dira Cielo Rasoren lana honen abiapuntua. Erresistentzia, konkista edo porrota miatzeko bidea irudikatu nahi dute; gorputzaren gogortasuna eta hausturaren unea, ustekabeko zerbait balitz bezala harritzen gaituena. Zuzendaritza: Igor Calonge / Zuzendaritza laguntzailea: Gabriel F. Dantzariak: Ainhoa Usandizaga. Emma Riba. Victor Fernandez. Argiztapen diseinua: Sergio Garcia. Jantzien diseinua: Amalia Elorza. Eskultura: Beatriz Churruca. Irudiak: Eire Vila. Cielo Raso, Piedra, Dferia, 2019-03-13.

Dantzertiren egoitza EITB dagoen eraikinean ezartzea erabaki dute

2019/06/14

Dantzerti , Euskadiko Arte Dramatiko eta Dantza Goi Mailako Eskolaren leku aldaketaren asmoen berri eman du Hezkuntza Sailak. Eskola Bilboko BAMI eraikuntzara eramango dute, EITBren egoitzaren azpira. 2020. urtearen bukaeran hasiko direla lanekin aurreikusten dute. 3.000 metroko karratuko espazioa...

Gehiago irakurri

Jexux Larrea: "AEBetako dantza taldeen ilusioa eta kemena mirestekoa da"

2019/06/12

AEBtako euskal etxeetan euskal dantzak erakusten ibili da Jexux Larrea, Argia dantza taldeko dantza-maisua. Ia bi hilabetean ibili da Ameriketan zehar; San Francisco (Kalifornia), Ontario (Oregon), Boise (Idaho), Reno (Nevada), Salt Lake City (Utah) , Buffalo (Wyoming) eta Elkoko (Nevad...

Gehiago irakurri

Orain arteko erantzunak

Dantzan.com on Inauteriak 2014 oinarrizko egutegia

2014/02/08

Atxikitua, eskerrik asko, Jon!

Dantzan.com on Inauteriak 2014 oinarrizko egutegia

2014/02/07

Eskerrik asko abisuagatik, eguneratu dugu egutegia.

Dantzan.com on Jantzien kodexa, XVI. mendera bidaia koloretsua

2013/12/10

Mila esker Weiditz-en liburuaren loturagatik Mikel!
Pisgeina hitzari buruz, Oier Gorosabel-ek twitterren galdetu du ea ez ote den izango "vizcaina" hitzaren transkribapen fonetikoa.
https://twitter.com/Txikillana/status/408888045383843840

Dantzan.com on Maskaraden inguruko galderak Zuberoako Mihia Pitz telebistako lehiaketa berrian

2013/10/14

Maskaradetan emakumeek lehen aldiz non eta noiz parte hartu zuten galdearen inguruan idatzi digu Marcel Bedaxagarrek. Hauxe esaten digu: "Ene ustez, egün bat baizik ez züen egin Barkoxen. Eta ondotik, ez da emazterik izan maskaradetan 31 urtez. Urdiñarben ziren berriz agertü eta geroztik beti hor dira, salbü Eskiulan, herri horrek emazteen maskaradak egin ondoan, gizonenak egin beitzütian urte zonbait berantago (Gamere Ziihigako aitzineko maskaraden ber urtean eta ber ihautean).

Dantzan.com on Areatza: Aurreskua 1925

2013/09/18

Bideo honen harira, Sojok bere jaioterrira egindako bisitaren berri ematen zuen ABC egunkariko albistea aurkitu du @jabiortega -k eta twitter bidez konpartitu du. Hauxe dio testuak:
ABC, Viernes 5 de Febrero de 1925
Vascongadas
El Dr. Sojo en Bilbao
Bilbao 5, 11 noche. El ilustre periodista argentino doctor Sojo visitó hoy Villaro, donde nació su madre, presenciando las fiestas típicas que se organizaron en su honor. Por la tarde verificó una visita a la casa paterna, existente en Castrejana. Esta noche, sus amigos obsequiaron al director de La Rasan, de Buenos Aires, con ana comida en el Club Náutico, a la qne. asistieron el presidente de la Diputación, el alcalde y el cónsul de la Argentina.

Dantzan.com on Non izan zarete uda honetan dantzan?

2013/09/03

Jon Iruretagoienak hauen berri eman digu <dantzan> posta zerrendan: "Ixtorio Mixtorio ikusgarria Bretaniara eraman genuen Maritzuli konpainiarekin, Xinkako (Bidarte) eta Eraiki (Behobia) taldeekin. Guingamp eta Pontivy-n eman genuen. Hendaiako Akelarre taldea eta behobiako eraiki dantza taldea, IDB ek lagundurik, Bretaniara joan ziren, Concarneau-ko "les filets bleus" festibalean parte hartzeko."

Dantzan.com on Non izan zarete uda honetan dantzan?

2013/09/03

Jakin dugunez Donostiako Kresala dantza taldea Ambert-en izan da, Frantzian.

Dantzan.com on Non izan zarete uda honetan dantzan?

2013/09/03

Eskerrikasko Ander! Sartu dugu zerrendan.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com