Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Urbeltzen "Danza vasca: aproximación a los símbolos" liburua eskuragarri

2019/06/19

Juan Antonio Urbeltzek 2001. urtean argitaratu zuen "Danza vasca: aproximación a los símbolos" liburua dantzan.eus-en bertan deskargatzeko aukera duzue . Etor-Ostoa argitaletxeak argitaratu zuen Euskal Herria entziklopedia enblematikoa bilduman kaleratu zen Urbeltzen lana. Eusko Jaurlaritza...

Gehiago irakurri Erantzun 1 dago

Bidarrai: Besta Berri 1969

2019/06/18

Bidarraiko 1969ko Besta Berri eguneko irudiak ditugu honakoak, Jaime Albillosek grabatuak. Goizeko eta arratsaldeko irudiak jaso zituen Super 8 formatuan. Bidarraiko Besta Berriko "beztituen" irudi ederrak jaso zituen Albillosek: makilaria, zapurrak, soldaduak, banderariak... Horien artean, Bidarraiko Besta Berriko bereizgarriak direnak; alde batetik "galtza haundi" edo suaboak eta bestetik soldadu lantzierrak. Musikarien atzetik desfilatzen ikus daitezke lantzadun soldaduak, lantza handiak eskuan eta bolanten-arropa bertsuekin. Horien atzetik, berriz, suaboak doaz, turko erako prakak daramatzatenak. Zouaves pontificaux delakoak irudikatzen dituzte, izen hori hartu zuten armada frantseseko infanteriako erregimentu batzuek, Argeliako jatorria zutenak.

Goizeko irudietan, Bidarrai herriko irudiekin batera, musikarien, haurren eta dantzarien prestaketak ikus daitezke hasieran, denak elkartu eta jarraian desfileari ekiten diote. Eliza barruko irudiak ere ageri dira, mezako zenbait momenturekin batera makilarien eta banderen eliza barruko erakustaldiak ditugu. Dantzari dagokionez, Besta Berriko osagai nagusia martxa da. Lau zapurrak elizara horrelaxe sartzen dira, atzera eta aurrerakako pausoak txandakatuz, pauso batzuk aurrera eta beste batzuk atzera. Garbi jaso zuen Albillosek lehenengo bi zapurren dantzakera eta nabarmena da ez dutela berdin berdin dantzatzen, Martxako pausoetan ñabardura lokalak edota familiarrak izaten baitira.

Arratsaldeko prozesioko irudiak ere ageri zaizkigu. Aldarera nola iristen diren eta bedeinkazioen unea, ondoren, trinketetik elizara itzultzen dira. Ate kanpoan arku modukoa egiten dute soldaduek, ezpata eta lantzak gora altxatuta. Herritarrak arkua azpitik zeharkatuta sartzen dira mezetara. Azkenik, eliza kanpoko irudiak ageri dira. Albillosek, Bidarraiko irudi hauek bezalaxe, 1960-1970eko hamarkadetan Euskal Herriko beste zenbait txokotako festak eta dantzak ere jaso zituen. Hemen orain arte argitaratu ditugun grabazioak:

 

Irudiak: Jaime Albillos. Besta Berri, Bidarrai, 1969-06-16.

Alkateei agurrak, alkateen agurrak

2019/06/17

Dantzan agurtu dute Errenteriako alkatea eta agurra dantzatuaz hasi dute legegintzaldi berria Elorrion, Durangon, Oñatin edota Getxon. Larunbat honetan osatu dira Hego Euskal Herriko udal gobernuak eta herri bat baino gehiagotako kargu-hartze ekitaldiak dantzan borobildu dira. Bideo honetan Durangoko, Elorrioko, Oñatiko, Getxoko eta Errenteriako irudiak jaso ditugu. Durangoko Ima Garrastatxu eta Elorrioko Idoia Buruaga alkate berriek, kargua eskuratu eta makila eskuan dutela herritarrei agurra dantzatu die. Oñatin txistulariek alkate doinua jotzen dutela atera da udalbatza berria udaletxetik eta sarreran bi dantzarik agurra dantzatu diete. Getxon ere aurreskuko hainbat zati dantzatu dituzte bi dantzarik pleno aretoan bertan. Joan den ostiralean, berriz, Errenteriako Julen Mendoza alkatea dantzan agurtu zuten udaleko langileek. Azken zortzi urtetan alkate izanda Mendoza eta kargua utzi baino bi egun lehenago udal-langileek agurra dantzatu diote. Irudiak: Elene Carreto, Juan Antonio Aroma, Anboto, Oarsoaldeko hitza, Goiena. Alkateei agurrak, alkateen agurrak, 2019-06-15.

Cielo Raso: Piedra

2019/06/14

Igor Calongeren zuzendaritzapean, Ainhoa Usandizaga, Emma Riba eta Victor Fernandez dantzariak ditugu oholtza gainean. Dferia azokan aurkeztu zuten Piedra lanaren zatitxo bat jaso dugu. Piedra, harria, bizitzako ibilbidean agertzen zaizkigun oztopo, muga edo harriak dira Cielo Rasoren lana honen abiapuntua. Erresistentzia, konkista edo porrota miatzeko bidea irudikatu nahi dute; gorputzaren gogortasuna eta hausturaren unea, ustekabeko zerbait balitz bezala harritzen gaituena. Zuzendaritza: Igor Calonge / Zuzendaritza laguntzailea: Gabriel F. Dantzariak: Ainhoa Usandizaga. Emma Riba. Victor Fernandez. Argiztapen diseinua: Sergio Garcia. Jantzien diseinua: Amalia Elorza. Eskultura: Beatriz Churruca. Irudiak: Eire Vila. Cielo Raso, Piedra, Dferia, 2019-03-13.

Dantzertiren egoitza EITB dagoen eraikinean ezartzea erabaki dute

2019/06/14

Dantzerti , Euskadiko Arte Dramatiko eta Dantza Goi Mailako Eskolaren leku aldaketaren asmoen berri eman du Hezkuntza Sailak. Eskola Bilboko BAMI eraikuntzara eramango dute, EITBren egoitzaren azpira. 2020. urtearen bukaeran hasiko direla lanekin aurreikusten dute. 3.000 metroko karratuko espazioa...

Gehiago irakurri

Jexux Larrea: "AEBetako dantza taldeen ilusioa eta kemena mirestekoa da"

2019/06/12

AEBtako euskal etxeetan euskal dantzak erakusten ibili da Jexux Larrea, Argia dantza taldeko dantza-maisua. Ia bi hilabetean ibili da Ameriketan zehar; San Francisco (Kalifornia), Ontario (Oregon), Boise (Idaho), Reno (Nevada), Salt Lake City (Utah) , Buffalo (Wyoming) eta Elkoko (Nevad...

Gehiago irakurri

Ezkozeko kadrileak eta dantza lotua berreskuratzeko topaketa

2019/06/12

Ezkoze, Escòs okzitanieraz, Bearnoko Ortheze kantonamenduan dago, Euskal Herritik gertu, garai batean Nafarroako parte zen. XX. mendean ohitura izan dute herriko jaietan eta dantzaldietan jauziak, kadrile forma batzuk eta lotuan dantzatzeko. Bigarren mundu gerraren ondoren ere eutsi zioten ohiturari 1960ko hamarkadara arte.

Ezkozeko Lo Larèr elkarteak 1996. urtean ikerketa eta bilketa lanari ekin zion herriko nagusien artean dantza molde horiek berreskuratu asmoz. Helburu horrekin, bertako zein inguruko adineko dantzarien eta musikarien topaketa ere antolatu zuen herriko dantza-gelan (gizarte etxean) eta hala gerra aurreko jauzi, kadrile eta bikote dantzak eta haien doinuak grabatu ahal izan zituzten.

Bideoan ikus daitezke dantzari helduak doinuak aukeratzen, entseatzen, dantzak gogoratzen... Kadrileetako bost figurak dantzatzen ageri dira, eta ondoren baita lotuan ere: polka, mazurka, exkotix eta baltseoan.

Dantzari zaharren gustuko doinuak aukeratzeko, Donibane Garaziko "Ramuntxo" orkestraren grabaketak baliatu zituzten, XIX. mendeko Frantziako kadrileak, eta 5. figurarako berriz Sauveterre de Bearn-eko kadrilearen doinua.

Irudiak: Ezkozeko Lo Larèr elkartea. Kadrileak eta dantza lotua berreskuratzeko topaketa, Ezkoze, 1996.

Teries in Tartan 2019 ezpata-dantza

2019/06/11

Eskoziako Teries in Tartan dantza taldea ari zaigu dantzan irudiotan. Martxoko azken asteburuan Anberesen ospatu den ezpata-dantzaren jaialdian taldeak dantzatutako bi ezpata-dantzak ikus ditzakegu. Garizumaren erdian dantzatzen da Anberesko edo Antwerpeneko ezpata-dantza. Aurten berrogeita hamar urte bete ditu dantzak eta bertako ezpata-dantzariek, Europako beste zenbait ezpata-dantzari talde gonbidatu dituzte jaira. Teries in Tartan taldea Eskoziako Hawick herriko dantzari eta musikari gazteek osatzen dute. Hawick Scottish Borders eskualdean kokatzen da, Eskozian itsasotik urrutienetakoa dagoen herria da, Antzinako Roxburghshire konderriko hiririk handiena. 2009. urtetik Eskoziako dantza tradizionalak dantzatzen dituzte Teries in Tartan taldeko kide gazteek. Anberesko katedralaren aurrean, bi ezpata-dantza eman dituzte. Lehenengoan, lau neska aritu dira dantzan. Lau ezpata lurrean dituztela gurutze bat osatuz, ezpata horien inguruan dantzatzen dute, eskuak goian hainbat desplazamendu eta gurutzaketa eginez, tartean entrexat modukoak ere egiten dituzte. Jarraian, neska-mutilez osatutako taldea irteten da plazara. Batak bestearen ezpatari eutsita, katean dantzatzen dute. Oinezko urratsak sendo markatuz, desplazamenduak, gurutzaketak eta zubiak egiten dituzte. Bukaeran, Europako ezpata-dantza ugaritan agertzen den arrosaren figura osatzen dute ezpata-dantzariek. Irudiak: Eire Vila. Ezpata-dantza, Teries in Tartan, Anberes, 2019-03-31.

Eskozia 1930 eskoziar dantzariak

2019/06/10

Eskoziako dantzen irudi zaharrak ageri dira filma honetan; tartean Zuberoako satan-dantzariak ere badira. "Jamieson Scottish Border Dances, 1930s" izenburu duen pelikulako irudiak dira. Ion C B Jamieson eskoziarrak grabatuak eta Joan Flett eta Tom Flet senar-emazte berreskuratuak. Joan Flett eta Tom Flet dantzari eta ikertzaile eskoziarrek dantzaren historiarekiko interesa agertu zuten eta Eskoziako dantza tradizonalak biltzen ibili ziren herrialdean zehar 1950eko hamarkadan. Adinekoekin hitz eginda galdutzat jotzen ziren zenbait dantza jaso zituzten. 1964an "Dantza tradizionala Eskozian" liburua kaleratu zuten. Lehenengo Mundu Gerra aurreko dantzen historia kontatu zuten. Dantza taldea ere sortu zuten "Marlowe Scottish Dancers" izenekoa. Dantza talde horrek Eskozian zehar jaso zituzten dantzak dantzatzen zituen, Albert Hall eta Llangollen Eisteddforden egin zituzten erakustaldiak.

Eskoziako dantzen ikerketan buru-belarri zebiltzala, jakitun ziren aurretik Ion C B Jamiesonek ere ikertu zituela dantzak. Bere emaztearekin harremanetan jarri ziren eta bere gizonak hil aurretik eginiko lana eta materiala utzi zien. Eskoziako dantza tradizionalak jasotzen zituen pelikula bat ere bazela esan zien, baina ez zuela berak esku artean. Han eta hemen galdetu eta eskoziar musikan aditua zen Francis Collinsonek zuen 9mm-ko pelikula, kaxoi batean apartatuta. Filmak Eskoziako hainbat dantza jasotzen ditu, landa eremuan, eskolan edota dantza lehiaketa bateko irudiak ageri zaizkigu. Bukaeran, berriz, Bretainiar dantzari bezala izendatuta agertzen diren Zuberoako dantzariak ikus ditzakegu. Arkaitz Pascuasi esker izan dugu pelikula honen berri.

Pelikulan dantza irudiak honela daude izendatuta:

  • The Duke of Perth
  • Jennie’s Bawbee – in quick time
  • Lassie with the Yellow Coatie – an old Border dance
  • ‘Dancie’ Reid teaching. Taking a Highland Class at St. Andrewus Summer school
  • The Shepherd’s Crook
  • Country & Highland Dancing at de "Games"
  • Breton Dancers

Ion C B Jamieson, Eskoziar dantzariak, Eskozia, 1930.

Gure Kasa: Iker Murillo

2019/06/07

Iker Murillo (Pasaia, 1978) ballet klasikoko dantzaria ETB1eko Gure Kasa saioan izan da gonbidatu gisa. Pasaitarraren ibilbide profesionala ezagutzeko aukera izan da pasa den maiatzaren 14ko saioan. Horrez gain, balleteko pelikulen edota gizonezkoek dantza munduan izan ditzaketen oztopoen inguruan aritu da Murillo. Julen eta Antton Telleriak dantzariari eginiko elkarrizketako zenbait zati bildu ditugu bideo honetan. Txiki-txikitatik gustatu izan zaiola dantzatzea azaldu du Murillok. Hori horrela bost urterekin euskal dantzak ikasten hasi zen. Hamaika urterekin, berriz, balleteko ibilbidean zentratzea erabaki zuen. Hamabost urte zituela, dantzari profesional izateko helburuarekin, jaioterria utzi eta Madrilera joan zen ikastera. Horrela, hamazazpi urterekin dantzako lehenengo kontratu profesionala sinatu zuen. Munduko antzoki onenetan dantzatu du Murillok. Bere ibilbidearen gailurrean Suitzako Béjart Ballet Lausannen ari zela, ordea, Euskal Herrira itzultzeko beharra sentitu zuen. Hori horrela bera eta senarra Vitali Safronkine koreografoa, Euskal Herrira etorri ziren. Hemen Uniqart konpainia eta Pasaiako Studio 24 dantza eskola sortu dituzte. Dantza egiteari ez dio utzi, baina batez ere dantza irakasle dihardu orain Murillok. Balleta, garaikidea eta hip hopa ikasteko aukera eskaintzen dute akademian. Irudiak: ETB1, Gure Kasa. Iker Murillo, 2019-05-14.

Orain arteko erantzunak

Dantzan on Inauteriak 2015 oinarrizko egutegia

2015/01/20

Eskerrik asko Alain. Zuzendu dugu.

Dantzan on Inauteriak 2015 oinarrizko egutegia

2015/01/19

Eskerrik asko Iker.

Dantzan on San Bartolome de la Torre: Danza de las espadas

2014/12/06

Mila esker zuzenketarengatik Mikel! Ezpata-dantzako toki zehatzetan aritzen diren dantzarien izenak interesgarriak dira hemengoekin konparatzeko. Hemengo ezpata-dantzetan "guion" izendapena agertzen zaigu tarteka (Legazpin), edo maisu-zaharra ere bai (Xemeinen). Rabeoador-ik ez, baina hemen ezpata txikiekin aritzen direnei "azkendariak" esan izan zaie (taldearen bukaeran joaten direlako normalean).

Dantzan on Igdır: erreginak soka-dantzan

2014/12/05

Mila esker argibide guztiengatik Urtzi!

Dantzan.com on Goizueta: Inauteriak 1991

2014/02/26

Ttipi-Ttapan irakurri dugunez, pasa den larunbatean, garai batean zagi-dantza nola egiten zuten erakusten ibili da Joxe Mari Narbarte Goizuetako gazteei. Gaztetan dantza egindakoa da Joxe Mari Narbarte, eta bere esanetan oraingo gazteek oso desberdin dantzatzen dute eta beraiek nola egiten zuten erakusten aritu zaie.

http://www.ttipi.net/berria[…]eska-mutikoek-gazte-txokoan

Dantzan.com on Raices 14 - Ordizia: brokel-dantza 1973

2014/02/25

Jose Ignazio Ansorenak bideo honi buruzko hainbat argibide emanez idatzi digu. Berak txistulari gisan parte hartu zuela grabazioan eta 1973. urtean izan zela. Parte hartu zuten dantzarietako batzuren izenak ere eman dizkigu. Hona bere mezua: "Egia da KRESALA Taldeak grabatu zuela, 1973ean. Neu ere tarteko, oraindik ikasle besterik ez banintz ere, txistulari gisan. Baina besterik ezean... Nirekin batera aritu zen atabalaria, Pello Cuesta. Ongi gogoratzen naiz lekua nolakoa zen, baserri eder baten ondoan eta Ordizia herritik ez oso urruti, ez ordea, nola iristen zen ezta zein izen zuen ere. Mikelek aipatzen duen kontua, Goierri taldeari eskaini zitzaiola eta uko egin zuela, izan liteke oso garaiko kontua delako. Baina guk ez genuen horren berririk izan. Dantzariak hauek dira: Xabier eta Iñigo Arregi anaiak (hau orain pare bat urte hila), Iñaki Olano, Aitor Aizpurua, Xabier Sagastibeltza, Jose Ignazio San Jose, Leixa, Víctor Casín, Hippie, eta Xabier Otaegi, Txirri".

Dantzan.com on Dantza sustatzeko Jaurlaritzaren 2013ko diru-laguntzak

2014/02/14

2014ko otsailaren 14an ebazpen honen zuzenketa bat argitaratu da Euskal Herriko Agintaritza Aldizkarian. Sorkuntza koreografikoa alorreko diru-laguntzen zerrenda aldatu da, eta beraz, azken zerrenda honakoa da:
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor

Dantzan.com on Inauteriak 2014 oinarrizko egutegia

2014/02/09

Aipatu data egutegian sartu dugu jada, mila esker.

Dantzan.com on Inauteriak 2014 oinarrizko egutegia

2014/02/08

Mila esker abixatzearren, atxikitu dugu egutegira.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com