Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Maeztu: San Adrian c. 1985

2020/06/16

Galduta dago Arabako Maeztun San Adrian egunez bertako dantza egiteko ohitura. Ekainaren 16an ospatzen da San Adrian erromeria eta bertan egiten omen zen irudietan ageri den dantza. Erromerian biltzen ziren guztiak elkarri eskuak eman eta borobilean, irradakan egiten zuten dantza. Dantzaren une batean, soka-dantza edo aurreskuan egiten den antzeko protokoloa egiten zen San Adrian dantzan. Dantzarietako bat borobilaren erdira gonbidatu eta beste dantzarietako batek txapela buru gainean jarri ondoren bere aurrean eta inguruan dantzatzen zuen. Segidan sokara itzuli, zubi bat egin eta gainontzeko guztiak sokan zubipetik pasatzen dira. Horren ondoren berriz ere hasten da errituala, beste dantzari bat gonbidatuz borobilaren erdira. Bideoan ageri diren dantzariak Maeztu bertako gazteak dira. Gasteizko Indarra dantza taldeko kideek hartu zituzten irudi horiek orain 30 urte baino gehiago. Gaur egun galduta dago San Adrian dantza Maeztun, San Adrian egunean behintzat ez da dantzatzen. Irudiak: Indarra dantza taldea. San Adrian Dantza, Maeztu, c. 1985.

Oñati: Korpus 2020 banangoa

2020/06/16

Aurten banangoa bakarrik dantzatu dute Oñatiko Korpus egunean. Oñatiko dantzariek hiru eguneko lana izan ohi dute Korpus jaietan, baina aurtengoa igandeko elizkizunera murriztu da. Pandemia dela eta aurreko eguneko dantzarien eginkizunak eta igandeko prozesioa bertan behera gelditu dira. Hala ere, korpus-dantzarien kaskaineten doinua ez da guztiz isildu. 1972tik, dantzariek elizako aldarean dantzatu izan dute. Urte hartan eguraldi txarragatik hasi ziren barruan dantzatzen eta orduz geroztik urtero hala egin izan dute. Aurten meza ospatzea erabaki da azkenean eta dantzariek ere parte hartu dute konsagrazio garaian eta meza amaieran. Mikel Bian kapitainak azaldu moduan, aurten ez dute izan motorrak berotzeko aukerarik. Sakristian jantzi eta zuzenean igo dira aldarera dantzara. Aukeran motz, baina dena pentsatu moduan irten da eta gustura eta hurrengo urterako inoiz baino gogo handiagoarekin bukatu dituzte lanak korpus-dantzariek. Irudiak: Idoia Lahidalga, Amaiur Aristi. Korpus, banangoa, Oñati, 2020-06-14.

Patxi Montero: “Plazako dantzak aberastea izan da nire helburua”

2020/06/15

Aldarrikapen edo errebeldia puntu batetik abiatu du Patxi Monterok Euskal Herriko plazetarako dantza berriak proiektua. Hala azaldu du Sortutakoak 8 deialdira aurkeztutako lana Gipuzkoako Dantzaguneako sortzaileen leihoan . Izan ere, sorkuntzarekin burura etortzen zaiguna gehienetan ikusgarria da,...

Gehiago irakurri

"Etxarrikoentzat hemezortzi urtez itxoiten zauden momentua da dantzakia"

2020/06/12

San Kiriko (ekainak 13) eta San Adrian (ekainak 16) egunetan dantzakia dantzatu ohi dute Etxarri Aranazko kintoek. Hemezortzi urte betetzen diren urtea berezia izan ohi da etxarriarrentzat eta aurtengoentzat zer esanik ez. Hemezortzi urte itxaroten egon eta pandemiak bete-betean harrapatu ditu kint...

Gehiago irakurri

Plazetarako dantza berrien proiektuaren berri emango du Patxi Monterok bihar Dantzaguneko leiho birtualean

2020/06/11

Patxi Montero dantza-maisuak (Irun, 1966) solasaldia eskainiko du ekainaren 12an, 11:00etan Gipuzkoako Dantzaguneko online gela n . Azken asteetan, ostiralero, sortzaileei tartea eskaintzen zaie beren proiektuak eta l an moldeak ezagutarazteko. Aste honetan Mon t erok Euskal Herriko...

Gehiago irakurri

Jamattitt Bidart dantza bultzatzailea hil da

2020/06/11

Jamattitt Bidart Kuxkurrio (Baigorri 1926-2020) dantzaria eta Arrola dantza taldeko sortzailea hil da 93 urterekin. Hamasei urte zituela hasi zen dantzan, 1942. urtean, Bigarren Mundu Gerra bete-betean. Gerrako presoentzako dirua ateratzeko jai batean parte hartzeko aitzakian bost bat mutiko elkar...

Gehiago irakurri

Altzürükü: Maskaradak 1979 barrikada

2020/06/10

Altzürüküko gazteek 1979an herrian bertan eman zituzten maskaradetako irudiak dituzue bideo honetan. Barrikada batean Eric Bouvierrek grabatutako irudiak dira. Maskaradako segizio osoa ikus dezakegu herri sarreran eta ondoren barrikadak haustea dantzan. Dantza saioa amaituta arizaleek hurrengo barrikadarako bidea hartzen dute. Xirularia Jean Mixel Bedaxagar da eta xorrotxetako bat Niko Etxart. Entseniariak Pierre Jaragoyhen eta Jakes Jaragoyhen; gatuzainak Benat Eppherre eta Dominika Jaury (Arhetx); kantiniersak Benat Queheille eta Battitta Queheille; zamaltzainak Dominika Eppherre eta Petti Jaury (Arhetx); entseniariak Jean Pierre Jaury (Arhetx) eta Marti Jaimes (Aguer).

Aurtengoan ere Altzürüküko gazteek eman dituzte maskaradak, orain lau hilabete hasi zituzten, baina pandemia dela eta emanaldi erdiak baino ezin izan dituzte egin. 1979an, berriz, inoiz baino maskarada gehiago izan ziren. Inauteri garaian Altzürükük eman zituen eta gero udan Barkoxeko gazteek. Irudiak: Eric Bouvier. Maskaradak, barrikada, Altzürükü, 1979.

Norbanako eta talde ez profesionalek euskal kultura nazioartean zabaltzeko diru-laguntzak atera ditu Etxepare Institutuak

2020/06/09

Zabalik dago euskal kultura nazioartean sustatu eta zabaltzeko bestelako jardueretarako diru-laguntza deialdia . Ekainaren 5etatik uztailaren 5era aurkeztu daitezke eskabideak Etxepare Institutuan. Etxepare Euskal Institutuaren ohiko deialdiek babesten ez dituzten jarduerei zuzentzen da deialdia. ...

Gehiago irakurri

Oñati: Korpus 2020 entsegua

2020/06/08

Kaskaineten burrunbak hausten du egunotan Oñatiko San Migel parrokiaren ohiko isiltasuna. Aurten ohiko Korpus festarik eta dantza astebururik izango ez bada ere, igandean elizan dantza egingo dute Oñatzeko dantzariek. Normalean hiru hilabetez Korpus dantzak prestatzeko entsegua bereziak egiten dituzte egun handiaren aurretik, baina aurtengoan ezinezkoa izanda eta ekainaren 1ean hasi dituzte prestaketak. Dantza taldearen entsegu lekua Eltzia eraikinean dago, baina martxoaren 13az geroztik itxita dago. Udalari eskaera egin ondoren, bertatik Korpus dantzak prestatzeko behar dituzten materialak eta arropak jasotzeko aukera izan dute dantzariek. Entsegu tokia itxita dagoenez udala eta parrokiarekin hitzartu eta parrokian ari dira entseatzen. Izan ere aurten prozesiorik ez da izango eta korpus dantzariek ez dute ohiko saiorik egingo, baina mezetan dantzatuko dute. Ez ohiko egoera honetan irizpide jakin batzuk erabili dituzte taldea osatzeko. Hamabost dantzari hasi dira entseatzen eta eta horietatik bederatzik dantzatuko dute igandean. Joan den hastean hasi zituzten parrokiko entseguak eta astean hiru egingo dituzte. Aurten egingo den dantza bakarra banangoa izango da. Elizkizun nagusian urtero moduan, konsagrazio garaian egingo da dantza eta hortaz gain, prozesioren amaieran herriko plazan egiten den bezala, elizkizunaren amaieran ere banangoa dantzatuko da. Irudiak: Maite Irizar: Korpus entsegua, Oñati, 2020-06-03.

 

 

Oñati: Korpus 2019 ostiraleko puska biltzea eta dantzak

2020/06/05

Aste honetan Korpus ospakizunaren datak badatoz ere, aurten ikusterik izango ez diren irudiak dira honako hauek. 2019ko Korpus jaietako puska biltzea, korpus-dantzak eta korpus-dantzariak Oñatiko unibertsitatean dantzan ageri zaizkigu irudi hauetan. Korpusetako ostiralean Oñatz dantza taldeko kideak, irudi hauetan ikus dezakegun moduan, baserriz baserri ibiltzen dira eskean kaskainetak joz. Hiru egun dantzan aritzen dira eta bideo honetan aurreko urteko lehenengo dantza saioak ikus ditzakegu, arku-dantzaren eta makila-dantzaren zatitxo batzuk. Oñatiko unibertsitatean jasotako dantzarien irudi ederrak ere ikus daitezke. Oñatiko unibertsitatean du egoitza Lege Soziologia Institutuak eta aurreko urtean Korpus ostiralean bukatu zuten ikasturtea. Ez da ohikoa eraikin horretan dantzatzea, baina ikasturteari amaiera biribila eman nahian dantzariei unibertsitateko ateak ireki zizkieten eta Oñatzeko kideek San Migel zortzikoa eskaini zuten. Irudiak: Maite Irizar. Korpus ostirala, 2019-06-21.

Orain arteko erantzunak

Dantzan on Maskaraden lehen agerraldia bertan behera geratu da

2016/01/11

Igande honetan, urtarrilak 17 Sohütan emango dituzte maskaradak eta Ezpeizen ematekoak zirenak atzeratu dituzte (data zehazteke). Gainontzeko datak berdin mantenduko dira.

Dantzan on Zarautz: Dantza soltea 1952

2015/11/20

Eskerrik asko Xabier emandako informazioagatik.

Dantzan on Joxemiel Bidador Pastorala Iruñeko euskaldunak

2015/10/19

Aupa Leire, mila esker zure erantzungatik! Bideoari dagokionez, guk ikusi dugu bideoa txertatuta zure blogean ( http://eibar.org/blogak/leire/iruneko-euskaldunen-lezioa ) eta ongi ageri zaigu. Ez dakigu zer arazo izan daitekeen. Ordenagailuarekin begiratu duzu ala tablet/mugikorrarekin?

Dantzan on Non dantzatuko duzue uda honetan?

2015/07/29

Eskerrikasko Aurtzaka!

Bestalde, jakin dugunez Gaztedi danza taldea Italiara, Rimini jaialdirako joango da bertako foklore jaialdian parte hartzera uztailaren 31atik abuztuaren 8ra.

Joan hemen zuen irteeren berri uzten eta oporretatik bueltan jasoko ditugu denak albistean.

Ondo ibili!

Dantzan on Non dantzatuko duzue uda honetan?

2015/07/28

Mila esker Iker, jaso dugu zuena zerrendan. Eta ondo ibili!

Dantzan on Zein euskal dantza taldek dantzatu zuen Albert Hall-en 1967an?

2015/06/12

Eskerrikasko Etor! Alberto López Echevarrieta-ren "Ballets Olaeta" liburuan begiratu dugu eta ikusi dugu Olaeta balletak Estatu Batuetan ibili zirela biran 1967an. Londresko aipamenik ez dugu aurkitu. Ea bat edo beste konfirmatzeko modua egiten dugun.

Dantzan on Dantzabiz: Dantza Eskolara 2014 - Jauzika

2015/03/09

Eskerrik asko Arkaitz emandako informazio guztiagatik.

Dantzan on Inauteriak 2015 oinarrizko egutegia

2015/02/10

Kaixo Zaloa!
Ba segun noiz (goizez, arratsaldez, iluntzez, egun osoz), ze asmoz (ikusi, argazkiak egin, festan parte hartu...) eta norekin (helduak, umeekin...) joateko asmotan zareten. Inauteri asko nahiko intimoak eta barne kontsumokoak dira. Aldi berean horiek izan daitezke ederrenak... barrutik bizi dituztenentzat, baina kanpotik ikustera joateko ez dira errazak ez oso ikusgarriak (nonbaiten eseri eta entretenimendu bat espero duenarentzat).

Dantzan on Inauteriak 2015 oinarrizko egutegia

2015/01/20

Eskerrik asko Alain. Zuzendu dugu.

Dantzan on Inauteriak 2015 oinarrizko egutegia

2015/01/19

Eskerrik asko Iker.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com